भजनसंग्रहया सफू 81:9 - नेवाः बाइबल

⁹ छिमिथाय् पिनेयापिं द्यःत गुबलें मदयेमाः छिमिसं पिनेयापिं द्यःतय्‌गु न्‍ह्यःने भ्‍वपुले हे मते।

भजनसंग्रहया सफू 81:9 ပူးပေါင်းရင်းမြစ်များ

१ राजा 22:19

मीकायां हानं धाल, “उकिं परमप्रभुया थ्‍व वचन न्‍यनादिसँ– जिं परमप्रभुयात थःगु सिंहासनय् च्‍वनादीगु व स्‍वर्गया फुक्‍क सेना वय्‌कःया जवय् व खवय् दनाच्‍वंगु खना।

भजनसंग्रहया सफू 44:20

जिमिसं परमेश्‍वरया नांयात ल्‍वःमंकागु दुसा अले मेपिं द्यःतय्‌त प्रार्थना यायेत ल्‍हाः ल्‍ह्ननागु दुसा,

भजनसंग्रहया सफू 50:7

“हे जिमि मनूत न्‍यँ, जिं नवाये, हे इस्राएल, जिं छंगु विरोधय् साक्षी बी, जि परमेश्‍वर खः, छिमि परमेश्‍वर।

प्रस्‍थान 15:26

वय्‌कलं धयादिल, “छिमिसं थःपिनि परमप्रभु परमेश्‍वरया खँ ध्‍यान बियाः बांलाक न्‍यन धाःसा अले वय्‌कःया मिखाय् छु छु पाय्‌छि जू व यात धाःसा अले वय्‌कःया उजंयात न्‍हाय्‌पं बियाः न्‍यन धाःसा अले वय्‌कःया फुक्‍क नियमत बांलाक पालन यात धाःसा जिं मिश्रीतय्‌थाय् छ्वयाहयागु छुं हे ल्‍वय् छिमिथाय् छ्वयाहये मखु। छाय्‌धाःसा जि हे छिमित लंकाबीम्‍ह परमप्रभु खः।”

यशैया 28:23

न्‍यँ, जिगु खँय् ध्‍यान ब्‍यु, अले जिं धयागु खँ बांलाक न्‍यँ।

यशैया 43:12

जिं लिपा जुइगु खँ न्‍हापा हे धयाबियागु दु, बचय् यानागु दु अले घोषणा यानागु दु, “छिमिगु दथुइ जिं हे थ्‍व यानागु दु बिदेशी द्यःतय्‌सं मखु।” परमप्रभुं धयादी, “जि हे परमेश्‍वर खः धयागुया साक्षी छिपिं खः।

होशे 4:1

अय् इस्राएलीत, परमप्रभुया वचन न्‍यँ! छाय्‌धाःसा थ्‍व देशय् च्‍वंपिन्‍त परमप्रभुया द्वपं दु – “थ्‍व देशय् विश्‍वास याये बहसू मदु। सदां दइगु दयामाया मदु, व परमेश्‍वरया बारे ज्ञान नं मदु।

मलाकी 2:11

यरूशलेमय् व इस्राएल देश न्‍यंकं यहूदायापिं मनूत विश्‍वासघाती जूगु दु अले घच्‍चाइपुगु ज्‍या याःगु दु। यहूदाया मिजंतय्‌सं परदेशी द्यःत पुजा याइपिं मिस्‍तलिसें ब्‍याहा यानाः परमप्रभुं माया यानादीगु पवित्र थाय्‌यात अपवित्र याःगु दु।

व्‍यवस्‍था 32:12

परमप्रभु याकःचां हे इमित लँपु क्‍यनादिल, इपिं विदेशी द्यःतय् ल्‍यू मवं।

व्‍यवस्‍था 6:14

छिमिसं थः जःखः च्‍वंपिं जातितय् द्यःतय्‌त पुजा याये मते।