भजनसंग्रहया सफू 81:7 - नेवाः बाइबल

⁷ छिमिसं थःपिन्‍त दुःख जूबलय् जितः सःतल, अले जिं छिमित बचय् यानाबिया। नँ न्‍याइगु सुपाँचं जिं छिमित लिसः बिया। अले मेरीबाया लखय् जिं छिमित जाँचय् याना। सेला

भजनसंग्रहया सफू 81:7 ပူးပေါင်းရင်းမြစ်များ

भजनसंग्रहया सफू 50:15

दुःखया इलय् जितः प्रार्थना या! जिं छन्‍त बचय् याये, अले छं जितः तःधंकी।”

प्रस्‍थान 14:10

इस्राएलीतय्‌सं फारो व वया सेनायात थःपिंपाखे वयाच्‍वंगु खनाः ग्‍यानाः परमप्रभुयात ग्‍वाहालि फ्‍वन।

प्रस्‍थान 14:24

सुथय् जुइत्‍यंबलय् परमप्रभुं मि व सुपाँय्‌या थामं क्‍वस्‍वयाः मिश्री सिपाइँतय्‌त इतिमिति कंकाबिल।

प्रस्‍थान 19:19

अले तुरहीयागु सः झन तःसः जुयावल। मोशां न्‍ववात व परमेश्‍वरं वयात नँ न्‍याःगु सलं लिसः बियादिल।

प्रस्‍थान 2:23

यक्‍व ई लिपा मिश्रयाम्‍ह जुजु सित। दास जुयाः च्‍वनेमाःगुलिं इस्राएलीतय्‌सं झसुकाः तयाः ग्‍वाहालि फ्‍वन। इमिगु सः परमेश्‍वरयाथाय् थ्‍यन।

प्रस्‍थान 20:2

“छिपिं दास दासी जुयाच्‍वंगु मिश्र देशं पित हयाम्‍ह जि परमप्रभु छिमि परमेश्‍वर खः।

प्रस्‍थान 6:6

“उकिं इस्राएलीतय्‌त धा, ‘जि परमप्रभु खः। जिं छिमित मिश्रीतय्‌गु दासत्‍वं पित हये। जिं थःगु ल्‍हाः ल्‍ह्वनाः इमित तःधंगु सजाँय बियाः छिमित बचय् याये।

यर्मिया 16:14

परमप्रभुं धयादी, “उकिं थज्‍याःगु ई वयाच्‍वंगु दु, गबले मनूतय्‌सं पाफइबलय् गुबलें थथे धाइ मखु, ‘गथे इस्राएलीतय्‌त मिश्र देशं पित हयादीम्‍ह परमप्रभु धात्‍थें म्‍वाःम्‍ह खः’

गन्‍ती 20:13

थ्‍व थाय्‌यात मेरीबाया लः धकाः धाल। थन हे इस्राएलीत परमप्रभुनापं कचकच याःगु खः। अन हे वय्‌कलं इमिगु दथुइ थःत पवित्र क्‍यनादीगु खः।

गन्‍ती 20:24

“हारून सिनाः थः पुर्खातनापं मिलय् जू वनी। छिपिं निम्‍हं मेरीबाया लखय् जिगु वचनया विरोधय् वंगुलिं जिं इस्राएलीतय्‌त बीत्‍यनागु देशय् व वने दइ मखु।

व्‍यवस्‍था 33:8

लेवी कुलया बारे वं धाल, “छिगु तुम्‍मीम व ऊरीम छितः यःपिं लेवीया सन्‍तानतय्‌गु ल्‍हातय् बियादीगु दु। छिं इमित मस्‍साहय् जाँचय् यानादिल, छिं इपिंलिसें मरीबाया लखय् ल्‍वानादिल।

व्‍यवस्‍था 5:6

“छिमित छिपिं दास जुयाः च्‍वनाच्‍वंगु मिश्र देशं त्‍वःतका हयाम्‍ह जि परमप्रभु छिमि परमेश्‍वर खः।