भजनसंग्रहया सफू 79:3 - नेवाः बाइबल

³ यरूशलेम न्‍यंक लः थें हिबाः वय्‌काथकल। सीपिन्‍त थुनेत तकं सुं हे मल्‍यन।

भजनसंग्रहया सफू 79:3 ပူးပေါင်းရင်းမြစ်များ

यर्मिया 16:4

“इपिं ग्‍यानापुगु ल्‍वचं सी। इमिगु लागिं सुं नं ख्‍वइ मखु वा सुनानं इमित थुनी मखु। इपिं बँय् फोहर थें लानाच्‍वनी। इपिं तरवार व अनिकालं नाश जुइ, इमिगु सीम्‍ह आकाशयापिं झंगःपन्छित व पृथ्‍वीयापिं पशुतय्‌गु नयेगु नसा जुइ।”

यर्मिया 14:16

अले अगमवाणी ल्‍हानाच्‍वंपिं मनूतय्‌त अनिकाल व तरवारं सीधुंकाः यरूशलेमया लँय् वांछ्वइ। इमित व इमि कलाःपिन्‍त वा काय् म्‍ह्याय्‌पिन्‍त थुनीपिं सुं दइ मखु। जिं इमिके इमित ल्‍वःगु विपत्तित प्‍वंकाबी।

प्रकाश 11:9

देश देशयापिं मनूतय्‌सं, कुल कुलयापिं मनूतय्‌सं, थीथी भाषां नवाइपिं मनूतय्‌सं व जात जातियापिं मनूतय्‌सं इमिगु सीम्‍ह स्‍वन्‍हु व बान्‍हु तक स्‍वयाच्‍वनी। इमिसं सीम्‍ह थुंके बी मखु।

प्रकाश 18:24

अगमवक्तातय्‌गु, परमेश्‍वरया मनूतय्‌गु व पृथ्‍वीइ स्‍याःपिनिगु हि अनं लुया वःगुलिं बेबिलोन थुकथं नाश जुल।”

प्रकाश 17:6

अले जिं व मिसां येशूयात विश्‍वास याःपिं पवित्रपिं मनूतय्‌गु हिं काय्‌काजूगु खनाः जि छक्‍क जुल।

प्रकाश 16:6

छाय्‌धाःसा छितः विश्‍वास याःपिं मनूतय्‌त व अगमवक्तातय्‌त स्‍याःपिं थुपिं हे खः। उकिं छिं थुमित हि त्‍वंकादिल। इपिं थथे हे यायेमाःपिं खः।”

रोमी 8:36

थ्‍व हे खँ भजन सफुलिइ नं थथे च्‍वयातःगु दु – “अय्‌नं जिपिं छिगु लागि न्‍हियान्‍हिथं सी मालाच्‍वंगु दु। स्‍यायेत हःपिं फैचातय्‌त थें जिमित व्‍यवहार याइगु।”

मत्ती 23:35

छिमिसं पृथ्‍वीइ दोष मदय्‌कं स्‍याःपिं फुक्‍कसिगु हियागु दोष छिमित लाइ। धर्मीम्‍ह हाबिलंनिसें बेरेक्‍याहया काय् जकरिया तक, गुम्‍हय्‌सित छिमिसं देगः व होमबलिया वेदीया दथुइ स्‍याःगु खः।

यर्मिया 34:20

जिं इमित स्‍यायेत स्‍वःपिं इमि शत्रुतय्‌गु ल्‍हातय् बी। इमिगु सीम्‍हत धाःसा आकाशयापिं झंगःत व पृथ्‍वीयापिं पशुतय्‌गु नसा जुइ।

यर्मिया 25:33

उबलय् परमप्रभुं स्‍यानादीपिनिगु सीम्‍ह पृथ्‍वीया छगू कुन्‍चांनिसें मेगु कुन्‍चा तक लानाच्‍वनी। इमिगु लागि ख्‍वइपिं सुं नं दइ मखु। इमिगु सीम्‍ह सुनां मुनी नं मखु थुनी नं मखु। सीम्‍हत जमिनय् सौ थें लानाच्‍वनी।

यर्मिया 15:3

परमप्रभुं धयादी, “जिं इमिगु विरोधय् प्‍यंगूकथंया नाश छ्वये। स्‍यायेत तरवार, इमिगु सीम्‍ह लुत्तुलुया यंकेत खिचात, नयेत व नाश यायेत झंगःपन्छि व जंगली पशुत।

भजनसंग्रहया सफू 141:7

इमिसं धाइ, “बुँ पालिपिन्‍सं चापाँय्‌यात तछ्याःगु थें हे जिमिगु क्‍वँय् चिहानया सिथय् थुखे उखे ह्वलाब्‍यूगु दु।”

भजनसंग्रहया सफू 79:10

जाति जातियापिन्‍सं जिमिके “छिमि परमेश्‍वर गन दु” धकाः छाय् न्‍यनाच्‍वन? छिं जिमिगु मिखा न्‍ह्यःने छिकपिनि दासतय्‌गु हिबाः वय्‌कूगुया ब्‍वला साइतिनि धकाः जात जातियापिन्‍त क्‍यनादिसँ।

सपन्‍याह 1:17

“जिं मनूतय्‌त दुःखकष्‍ट हयाबी, उबलय् इपिं कांपिं थें न्‍यासि वनी, छाय्‌धाःसा इमिसं परमप्रभुयागु विरोधय् पाप याःगु दु। इमिगु हि धू थें व इमिगु ला सउ थें वांछ्वइ।