भजनसंग्रहया सफू 71:9 - नेवाः बाइबल

⁹ आः जि बुरा जुइ धुंकाः जितः त्‍वःतादी मते। जि बमलायेधुन जितः वानादी मते।

भजनसंग्रहया सफू 71:9 ပူးပေါင်းရင်းမြစ်များ

२ शमूएल 19:35

जि चयदँ दये धुंकल। भिं व मभिंया ज्ञान जिं सीके मफये धुंकल। जिं नयेत्‍वनेगु नं छुं सवाः मथुइ धुंकल। मिजं व मिसां म्‍ये हाःगु नं जिं मताये धुंकल। अथे जुयाः जि छिनापं वनाः छिगु निंतिं छाय् ब्‍वःझ जुइगु?

भजनसंग्रहया सफू 71:18

हे परमेश्‍वर, आः जि बुरा जुइ धुन जिगु सँ तुयुसे च्‍वने धुंकल। अय्‌नं आःया न्‍हू पुस्‍तायापिं मनूतय्‌त जिं छिगु अजू चायापुगु ज्‍यायागु खँ मन्‍यंकुतले जितः त्‍वःतादी मते।

भजनसंग्रहया सफू 73:26

जिगु म्‍ह व मन बमलाना वने फु तर जिगु शक्ति सदांया लागि परमेश्‍वर खः। अले वय्‌कः न्‍ह्याबलें जिम्‍ह खः।

भजनसंग्रहया सफू 90:10

जिपिं न्‍हयेदँ तक म्‍वाइ, बलं फत धाःसा चयदँ तक जुइफु, अय्‌नं जिमिगु ई संकट व दुःखय् जक फुइ, छाय्‌धाःसा जीवन याकनं फुइ अले जिपिं ब्‍वयावनी।

यशैया 46:4

छिपिं बुरा जुयाः सं तुयुसे च्‍वनीबलय् तक छिमित सुसाःकुसाः याइम्‍ह जि व हे खः। जिं छिमित दय्‌कागु खः अथे जुयाः जिं छन्‍त क्‍वबी। जिं छिमित तिबः बी अले बचय् याये।

२ तिमोथी 1:12

थ्‍व हे ज्‍यायागु निंतिं जिं थथे दुःखसिया च्‍वनागु खः। थ्‍व ज्‍या यानाः जि लज्‍यामचाया छाय्‌धाःसा जिं सुयात विश्‍वास यानाच्‍वनागु दु व बांलाक स्‍यू। अले प्रभुयात जिं लःल्‍हाना बियागु फुक्‍क वय्‌कलं हानं लिहां झाया मदितले बांलाक बचय् यानातयादी।

२ तिमोथी 4:18

प्रभुं हे जितः फुक्‍क कथंया मभिंगु खं बचय् यानादी। अले थःगु स्‍वर्गयागु राज्‍यय् यंकेत वय्‌कलं जितः बचय् यानादी। वय्‌कः सदां सदां तःधना च्‍वनेमा। आमेन।