भजनसंग्रहया सफू 71:3 - नेवाः बाइबल

³ जितः सदां सुलेजीक ल्‍वहंधी जुयादिसँ। जितः बचय् यायेत उजं बियादिसँ, छाय्‌धाःसा छि जिगु किल्‍ला व शरण कायेगु थाय् खः।

भजनसंग्रहया सफू 71:3 ပူးပေါင်းရင်းမြစ်များ

भजनसंग्रहया सफू 144:2

वय्‌कः जिगु निंतिं दया माया दुम्‍ह परमेश्‍वर व किल्‍ला खः, वय्‌कः जिगु निंतिं ल्‍वहंधी व जितः उद्धार याइम्‍ह खः, वय्‌कः जिगु ढाल खः, शरण कायेगु थाय् खः। वय्‌कलं मनूतय्‌त जिगु अधीनय् तयादी।

भजनसंग्रहया सफू 18:2

परमप्रभु जिगु निंतिं ल्‍वहंधी थें खः, परमप्रभु जिगु किल्‍ला खः, जितः उद्धार याइम्‍ह खः। जिमि परमेश्‍वर जिगु निंतिं ल्‍वहंधी थें खः, गुकिं जितः रक्षा याइ। वय्‌कः जिगु ढाल खः, जितः बचय् याइगु शक्ति खः, शरण कायेगु थाय् खः।

भजनसंग्रहया सफू 18:3

जिं परमप्रभुयात प्रार्थना याये। वय्‌कलं जितः जिमि शत्रुतय्‌पाखें बचय् यानादी। वय्‌कःया प्रशंसा याये।

भजनसंग्रहया सफू 42:8

न्‍हिनय् ला परमप्रभुं जितः थःगु माया क्‍यनादी, अले चान्‍हय् जिं जितः जीवन बियादीम्‍ह परमेश्‍वरयात तःधंकाः वय्‌कःया म्‍ये हाले।

भजनसंग्रहया सफू 44:4

हे परमेश्‍वर, छि हे जिमि जुजु खः, छिं याकूबयात त्‍याके बियादी।

भजनसंग्रहया सफू 68:28

हे परमेश्‍वर, छिं थःगु शक्ति क्‍यनादिसँ, न्‍हापा क्‍यनादी थें थःगु शक्ति क्‍यनादिसँ,

भजनसंग्रहया सफू 89:27

हाकनं जिं वयात थः तःधिकःम्‍ह काय् व पृथ्‍वीया जुजुपिनि नायः दय्‌काबी।

भजनसंग्रहया सफू 90:1

हे परमप्रभु, छि पुस्‍तां पुस्‍ता तक जिमिगु च्‍वनेगु थाय् जुयादीगु दु।

भजनसंग्रहया सफू 91:9

परमप्रभुयात छं थः च्‍वनेगु थाय् दय्‌कल धाःसा, अले दक्‍वसिबय् तःधंम्‍हय्‌सित थःत रक्षा याइम्‍ह दय्‌कल धाःसा,

हितोपदेश 18:10

परमप्रभुयागु नां बल्‍लाःगु किल्‍ला थें खः। धर्मी मनूत थन वनाः थःगु रक्षा याये फइ।

यशैया 33:16

व हे मनू च्‍वय् च्‍वनी, सुयागु शरण कायेगु थाय् पहाडया किल्‍ला जुइ। वयागु नसा वयात हे बी अले वयात त्‍वनेत माक्‍व लः दइ।

इजकिएल 9:6

बुरापिं मनूत, ल्‍याय्‌म्‍हपिं ल्‍यासेपिं, मिस्‍त व मस्‍त सकसितं स्‍यानाछ्व! तर कपालय् व चिं दुपिं सुयातं नं थी मते! जिगु पवित्रगु थासं हे शुरु या।” उकिं इमिसं देगःया न्‍ह्यःने दुपिं धर्म गुरुतपाखें हे थ्‍व ज्‍या शुरु यात।

व्‍यवस्‍था 33:27

छिमिगु शरण कायेगु थाय् सदांयाम्‍ह परमेश्‍वर खः, छिमिगु क्‍वय् वय्‌कःया ल्‍हाः न्‍ह्याबलें दयाच्‍वनी। ‘इमित नाश या’ धाधां वय्‌कलं छिमिगु न्‍ह्यःनेनं छिमि शत्रुतय्‌त लिनाछ्वइ।