भजनसंग्रहया सफू 71:2 - नेवाः बाइबल

² छिगु धार्मिकतां यानाः जितः बचय् यानाः उद्धार यानादिसँ! जिगु प्रार्थना न्‍यनादिसँ अले जितः बचय् यानादिसँ।

भजनसंग्रहया सफू 71:2 ပူးပေါင်းရင်းမြစ်များ

भजनसंग्रहया सफू 143:1

हे परमप्रभु, जिगु प्रार्थना न्‍यनादिसँ, दयाया लागि जिं यानागु इनाप न्‍यनादिसँ। छाय्‌धाःसा छि थःमनूतय्‌गु लागि धर्मीम्‍ह व विश्‍वास याये बहःम्‍ह खः। जिगु इनाप न्‍यनाः ग्‍वाहालि यानादिसँ।

भजनसंग्रहया सफू 143:11

हे परमप्रभु, छिगु नांया लागि जिगु जीवनयात रक्षा यानादिसँ। छिगु धार्मिकताया कारणं जितः थ्‍व दुःखपाखें पित हयादिसँ।

भजनसंग्रहया सफू 17:2

जितः दोष मदुम्‍ह धकाः क्‍यनाबियादिसँ, छाय्‌धाःसा छिं जक खःगु खँ स्‍यू।

भजनसंग्रहया सफू 17:6

हे परमेश्‍वर! जिं छितः प्रार्थना याये छाय्‌धाःसा छिं जितः लिसः बियादी। जिपाखे स्‍वयादिसँ अले जिगु प्रार्थना न्‍यनादिसँ।

भजनसंग्रहया सफू 31:1

हे परमप्रभु, जिं छिके शरण काःवयागु दु। जि गुबलें मछाले म्‍वाःलेमा। छि धर्मीम्‍ह परमेश्‍वर खः, जितः बचय् यानादिसँ।

भजनसंग्रहया सफू 31:2

जिगु प्रार्थना न्‍यनादिसँ। अले जितः याकनं बचय् यानादिसँ। जिगु निंतिं ल्‍वहंधी जुयादिसँ अले किल्‍ला जुयाः जितः बचय् यानादिसँ।

भजनसंग्रहया सफू 34:15

भिंगु ज्‍या याइपिन्‍त परमप्रभुं स्‍वयाच्‍वंगु दु, अले इमिगु प्रार्थना न्‍यनेत वय्‌कलं न्‍हाय्‌पं बियाच्‍वंगु दु।

भजनसंग्रहया सफू 43:1

हे परमेश्‍वर, जि दोष मदुम्‍ह खः धकाः क्‍यनादिसँ। छितः म्‍हमस्‍यूपिं सकल मनूतपाखें जितः रक्षा यानादिसँ। मखुगु खँ ल्‍हाइपिं व दुष्‍टपिं मनूतपाखें जितः बचय् यानादिसँ।

दानिएल 9:16

हे परमप्रभु, छिगु फुक्‍क भिं ज्‍याकथं छिगु शहर व पवित्र पर्वत यरूशलेमं थःगु तं चीकादिसँ। जिमिगु पाप व जिमि पुर्खातय्‌गु मभिंगु ज्‍याया कारणं प्‍यखेरं लाःगु देश देशयापिं मनूतय्‌सं, यरूशलेम व छि मनूतय्‌त हेस्‍यानाच्‍वंगु दु।

१ कोरिन्‍थी 10:13

मनूतय्‌सं सह याये मफइगु जाँचय् छिपिं लाःगु मदु। परमेश्‍वर विश्‍वास याये बहःम्‍ह खः। सह याये हे मफय्‌क छिमित वय्‌कलं जाँचय् लाकादी मखु। तर छिमिसं सह याये फयेमा धकाः जाँच नापनापं बचय् जुइगु लँ नं बियादी। थुकथं छिमिसं उकियात सह याये फइ।