भजनसंग्रहया सफू 7:8 - नेवाः बाइबल

⁸ परमप्रभुं फुक्‍क जातिया मनूतय्‌त न्‍याय यानादी। हे परमप्रभु, जिगु न्‍याय यानादिसँ, अले जि गुलि भिंम्‍ह व दोष मदुम्‍ह खः धकाः क्‍यनादिसँ, हे दक्‍वसिबय् तःधंम्‍ह परमेश्‍वर!

भजनसंग्रहया सफू 7:8 ပူးပေါင်းရင်းမြစ်များ

भजनसंग्रहया सफू 96:13

परमप्रभु पृथ्‍वीइ राज्‍य यायेत झाइबलय् वय्‌कलं न्‍याय व धार्मिकताकथं संसारयापिं मनूतय्‌त राज्‍य यानादी।

भजनसंग्रहया सफू 43:1

हे परमेश्‍वर, जि दोष मदुम्‍ह खः धकाः क्‍यनादिसँ। छितः म्‍हमस्‍यूपिं सकल मनूतपाखें जितः रक्षा यानादिसँ। मखुगु खँ ल्‍हाइपिं व दुष्‍टपिं मनूतपाखें जितः बचय् यानादिसँ।

भजनसंग्रहया सफू 98:9

थ्‍व परमप्रभुया न्‍ह्यःने जुइमा। छाय्‌धाःसा वय्‌कः पृथ्‍वीइ राज्‍य यायेत झायादीत्‍यंगु दु। वय्‌कलं धार्मिकतां सुयागु पँ मलीसें संसारयापिं मनूतय्‌गु न्‍याय यानादी।

१ थेसलोनिकी 2:10

छिपिं साक्षी हे दु, विश्‍वासीतय्‌गु न्‍ह्यःने जिमिसं पवित्रकथं, धार्मिकताकथं व छुं दोष मदय्‌क गुलि बांलाक व्‍यवहार यानाः छिमिसं सि हे स्‍यू, अले परमेश्‍वरं नं स्‍यू।

२ कोरिन्‍थी 1:12

जिमिसं मछाः मजुसे धायेफु – थ्‍व संसारय् जक मखु छिमिगु न्‍ह्यःने नं जिमिसं मभिंगु मतिइ मतसे ज्‍याखँ याना जुया। जिमिसं थथे थःगु हे ज्ञानं मखु, बरु परमेश्‍वरं बियादीगु दया मायां दया याये फुगु खः।

भजनसंग्रहया सफू 78:72

दाऊदं इमित दुनुगलंनिसें बिचाःसंचाः यात। अले इमित बांलाक न्‍ह्यज्‍याकाः यंकल।

भजनसंग्रहया सफू 26:1

हे परमप्रभु, जि दोष मदुम्‍ह खः धकाः सकसितं क्‍यनादिसँ। छाय्‌धाःसा जिं भिंगु व खःगु जक ज्‍याखँ यानागु दु। अले छफुति हे लिमच्‍युसे परमप्रभुयागु भलसा कयागु दु।

भजनसंग्रहया सफू 41:12

छिं जितः ग्‍वाहालि यानादिल, छाय्‌धाःसा जि दोष मदुम्‍ह खः। छिं जितः सदांया निंतिं थःलिसें तयादिल।

भजनसंग्रहया सफू 26:11

तर जि ला अथे मखु, भिंगु व खःगु ज्‍या जक जिं यानागु दु। उकिं जितः दया यानाः बचय् यानादिसँ।

भजनसंग्रहया सफू 25:21

जिगु इमान्‍दारी व भिंगु पहलं यानाः जितः बचय् यानातयेमा। छाय्‌धाःसा जिं छिगु भलसा कयागु दु।

भजनसंग्रहया सफू 11:4

परमप्रभु थःगु पवित्र देगलय् दी, परमप्रभु स्‍वर्गया थःगु सिंहासनय् च्‍वनादीगु दु, वय्‌कलं मनूतय्‌सं याःगु ज्‍या फुक्‍कं स्‍यू, छाय्‌धाःसा वय्‌कलं फुक्‍कं स्‍वयाच्‍वनादीगु दु।

भजनसंग्रहया सफू 9:8

वय्‌कलं ख्‍वाः स्‍वयाः न्‍याय यानादी मखु। वय्‌कलं पक्षपात मजुइक मनूतय्‌त शासन यानादी।

२ इतिहास 20:12

हे जिमि परमेश्‍वर, इमित सजाँय बियादिसँ। छाय्‌धाःसा जिमित हमला यायेत वःगु थ्‍व तःधंगु सेनानापं ल्‍वायेगु शक्ति जिमिके मदु। जिमिसं छु यायेमाः धकाः मस्‍यू, तर जिमिसं ग्‍वाहालिया लागि छिपाखे मिखा ब्‍वये।”

उत्‍पत्ति 31:53

जिमि बाज्‍या नाहोर व छिमि बाज्‍या अब्राहामया परमेश्‍वरं झी दथुइ न्‍याय यानादीमा।” उकिं याकूबं परमेश्‍वरयागु नामय्, गुम्‍ह खनाः वया बाः इसहाक ग्‍याइगु खः, ल्‍वहंया लागा मानय् याये धकाः पाफय्‌कल।

उत्‍पत्ति 18:25

छिं मभिंपिं मनूतलिसें भिंपिं मनूतय्‌त नं स्‍यानादी मखु। थथे जुल धाःसा ला भिंपिन्‍सं नं मभिंपिन्‍सं थें हे सजाँय फये मालिगु जुल। संसारया न्‍याय याइम्‍हय्‌सिनं खःकथं न्‍याय यानामदी ला?”

प्रेरित 17:31

वय्‌कलं थ्‍व संसारय् च्‍वंपिं मनूतय्‌त न्‍याय यायेगु दिं नं क्‍वःछिना तयादी धुंकल। ख्‍वाः स्‍वयाः न्‍याय मयाइम्‍ह छम्‍ह मनूयात नं वय्‌कलं ल्‍यया तयादी धुंकल। वय्‌कलं थ्‍व खँया दसु सी धुंकूम्‍हय्‌सित म्‍वाकाः क्‍यनादी धुंकल।”

हितोपदेश 19:1

बेमान व मूर्ख जुयाः म्‍वायेगु स्‍वयाः चीमि व इमान्‍दार जुयाः म्‍वायेगु हे बांलाः।

भजनसंग्रहया सफू 82:1

परमेश्‍वर स्‍वर्गया सभाया नायः जुयादी, द्यःतय् दथुइ वय्‌कलं फैसला यानादी।