भजनसंग्रहया सफू 7:3 - नेवाः बाइबल

³ हे परमप्रभु परमेश्‍वर, जिगु ल्‍हातिं छुं मभिंगु ज्‍या जूगु दुसा,

भजनसंग्रहया सफू 7:3 ပူးပေါင်းရင်းမြစ်များ

अय्‍यूब 11:14

छिगु ल्‍हातय् दुगु पाप तापाक तयादिल धाःसा, अले छुं मभिंगु छिगु छेँय् च्‍वने मबिल धाःसा,

भजनसंग्रहया सफू 22:12

द्वहंतय्‌सं थें जितः शत्रुतय्‌सं घेरय् यानातःगु दु। बाशान देशया ग्‍यानापुपिं द्वहंतय्‌सं थें जितः घेरय् यानातःगु दु।

भजनसंग्रहया सफू 22:20

थ्‍व तरवारपाखें जितः बचय् यानादिसँ। थ्‍व खिचातय्‌पाखें जिगु प्राणयात बचय् यानादिसँ।

भजनसंग्रहया सफू 59:3

जिं छुं मभिंगु व पाप यानागु मदुसां इमिसं जितः स्‍यायेत स्‍वयाच्‍वंगु दु। ज्‍यानमारात जिगु विरोधय् मुनाच्‍वंगु दु।

भजनसंग्रहया सफू 66:18

जिगु नुगः पापं जाःगु जूसा परमेश्‍वरं जिगु प्रार्थना न्‍यनादी मखुगु जुइ।

यहोशू 22:22

“परमप्रभु परमेश्‍वर दकलय् बल्‍लाःम्‍ह खः! वय्‌कः परमप्रभु खः, परमप्रभु परमेश्‍वर दकलय् बल्‍लाःम्‍ह खः! छाय् झीसं थ्‍व ज्‍या यानागु खः धकाः वय्‌कलं स्‍यू अले इस्राएलं नं सीमा! जिमिसं विद्रोह यानाः परमप्रभुयागु खँ मन्‍यनागु दुसा जिमित आः हे स्‍यानाछ्व।

१ शमूएल 20:8

स्‍वयादिसँ, छपिनि दासयात सदां दयाच्‍वनीगु दयामाया यानादिसँ, छाय्‌धाःसा छि व जि परमप्रभुया न्‍ह्यःने बाचा चिनागु दु। जि दोषी जूसा छिं हे जितः स्‍यानादिसँ। छाय् जि छिमि बौया ल्‍हातं सी माल?”

१ शमूएल 22:13

शाऊलं वयात धाल, “छ व यिशैया काय्‌नं जिगु विरोधय् छाय् मखुगु ज्‍या यायेगु ग्‍वसाः ग्‍वयागु? छं वयात नयेगु नसा व तरवार नं बिल हँ, वयागु पंलिनाः परमेश्‍वरनापं सल्‍लाह नं काल हँ। व जिगु विरोधय् दंगु दु अले आः थौं व जितः स्‍यायेत स्‍वयाच्‍वंगु दु।”

१ शमूएल 22:8

अथे जुयाः छिपिं सकलें मिलय् जुयाः जिगु विरोधय् मभिंगु ज्‍याया ग्‍वसाः ग्‍वयागु ला? अय्‌नं जिमि काय्‌नं यिशैया काय्‌लिसें बाचा च्‍यूगु खँ छिपिं सुनानं जितः मधाः। छिपिं सुनानं जिगु वास्‍ता हे मयाः। जिमि हे काय्‌नं जि थः हे दासयात जिगु विरोधय् यंकाः थौं जितः स्‍यायेत पिवाः तय्‌कातल, अय्‌नं छिमिसं जितः छुं मधाः।”

१ शमूएल 24:11

स्‍वयादिसँ! हनेबहःम्‍ह अबु, जिगु ल्‍हातय् दुगु थ्‍व छिगु हे गाया कुचा खः। स्‍वयादिसँ! जिं व जक चाना, छितः मस्‍याना। थुकिं हे छिसं सीकादिसँ, छिगु विरोधय् विद्रोह यायेगु अले छितः मभिं यायेगु नं मति मतया। जिं छिगु छुं हे मभिं मयाना। अय्‌नं छिं जितः स्‍यायेत लिनाजुल।

१ शमूएल 24:9

शाऊलयात थथे धाल, “जिं छितः हानि याइन धकाः मनूतय्‌सं धाल धायेवं छिं इमिगु खँ न्‍यने ज्‍यू ला?