भजनसंग्रहया सफू 69:4 - नेवाः बाइबल

⁴ जितः म्‍वाय्‌कं म्‍वाय्‌कं मयय्‌काच्‍वंपिं जिगु छेनय् च्‍वंगु सँ स्‍वयाः अप्‍वः दु। इमिसं मखुगु मखुगु द्वपं बियाः जितः स्‍यंकेत स्‍वयाच्‍वंगु दु। जिं का हे मकयागु नं लित हिँ धकाः जिलिसें ल्‍वापु थःवयाच्‍वन।

भजनसंग्रहया सफू 69:4 ပူးပေါင်းရင်းမြစ်များ

भजनसंग्रहया सफू 35:19

जिमि शत्रुतय्‌त जि बूगुलिइ लय्‌ताय्‌के बियादी मते। म्‍वाय्‌कं म्‍वाय्‌कं जितः महीपिं मनूतय्‌त जिगु दुःखय् लाय्‌बुइके बियादी मते।

भजनसंग्रहया सफू 40:12

जिगु प्‍यखें ल्‍याः खानां ल्‍याः खाये मफयेक दुःखत दु। जिगु पाप थुलि अप्‍वये धुंकल, जिं आः छुं हे मखने धुन। जिगु छेनय् दुगु सँ स्‍वयाः अप्‍वः दु थ्‍व। जिगु नुगः हे क्‍वतुने धुंकल।

भजनसंग्रहया सफू 59:3

जिं छुं मभिंगु व पाप यानागु मदुसां इमिसं जितः स्‍यायेत स्‍वयाच्‍वंगु दु। ज्‍यानमारात जिगु विरोधय् मुनाच्‍वंगु दु।

भजनसंग्रहया सफू 6:7

ख्‍वख्‍वं जिगु मिखा बुलुइ धुंकल। जि शत्रुतय्‌सं यानाः ख्‍व जक ख्‍वयाः जिगु मिखा मनावये धुंकल।

यूहन्‍ना 15:25

व्‍यवस्‍थाय् थथे च्‍वयातःगु खँ पूवंकेत हे थथे जूगु खः – ‘छुं म्‍वाय्‌क हे इमिसं जितः हेला यात।’

२ कोरिन्‍थी 5:21

ख्रीष्‍टयाके पाप धयागु हे मदु। अय्‌नं परमेश्‍वरं झीगु पाप ख्रीष्‍टयात क्‍वबिकादिल। ख्रीष्‍टं थथे यानादीगुलिं हे झीपिं परमेश्‍वर नाप मिलय् जुइ फइ, अले परमेश्‍वरया न्‍ह्यःने धर्मी ठहरय् जुइ।

१ पत्रुस 2:22

“वय्‌कलं गुब्‍सं नं पाप यानामदी। वय्‌कलं मखुगु खँ गुब्‍सं ल्‍हानामदी।”

१ पत्रुस 2:24

वय्‌कः थःम्‍हय्‌सिनं हे झीगु पाप क्‍वबिया क्रूसय् सिनादिल। अय्‌जूगुलिं झीसं पाप यायेगु मतिइ तकं मतसे परमेश्‍वरयात यय्‌क भिंगु बांलाःगु जक यानाच्‍वनेमाः। छिमित मुक्ति बीत ख्रीष्‍ट सिनादीगु खः।

१ पत्रुस 3:18

छाय्‌धाःसा झीत परमेश्‍वरयाथाय् हयेत ख्रीष्‍ट नं छकः सिनादिल। पाप हे मदय्‌कं पापीतय्‌गु निंतिं दुःख फयादिल। वय्‌कः पृथ्‍वीइ सिनादिल, अले आत्‍मां वय्‌कःयात हानं म्‍वाकादिल।