भजनसंग्रहया सफू 69:3 - नेवाः बाइबल

³ ग्‍वाहालिया निंतिं हा हां जि न्‍यलेधुन, जिगु सः सुइधुंकल। परमेश्‍वरयागु लँ स्‍वस्‍वं जिगु मिखा त्‍यानुइ धुंकल।

भजनसंग्रहया सफू 69:3 ပူးပေါင်းရင်းမြစ်များ

अय्‍यूब 11:20

तर दुष्‍टतय्‌गु मिखा बुलुयावनी, बिस्‍युं वनेगु लँ इमिगु निंतिं बन्‍द जुइ, अले इमिगु छगू हे आशा लिपांगु सासः जुइ।”

अय्‍यूब 16:16

ख्‍वख्‍वं जिगु न्‍यताः ह्याउँसे च्‍वने धुंकल। जिगु मिखाया प्‍यखेरं तसकं खिउँसे च्‍वने धुंकल।

भजनसंग्रहया सफू 119:123

छिगु उद्धार व छिगु धार्मिकताया बचंयात पिया च्‍वँच्‍वं जिगु मिखा बुलुसे च्‍वने धुंकल।

भजनसंग्रहया सफू 119:82

छिगु बचं पिया च्‍वँच्‍वं जिगु मिखा बुलुसे च्‍वने धुंकल। जिं धाये, “छिं गुबलय् शान्‍ति बियादी?”

भजनसंग्रहया सफू 22:15

जिगु कथुप्‍वाः धू थें गने धुंकल, जिगु मे थक्‍वय् प्‍यपुने धुंकल, छिं जितः सित धकाः धुलय् वांछ्वयादिल।

भजनसंग्रहया सफू 22:2

हे जिमि परमेश्‍वर, न्‍हिनय् जिं छितः प्रार्थना यानाच्‍वना, तर छिं लिसः बियामदी। चान्‍हय् नं जितः सुख शान्‍ति मदु।

भजनसंग्रहया सफू 25:21

जिगु इमान्‍दारी व भिंगु पहलं यानाः जितः बचय् यानातयेमा। छाय्‌धाःसा जिं छिगु भलसा कयागु दु।

भजनसंग्रहया सफू 39:7

उकिं हे परमप्रभु, जिं छुकियागु आशा यायेगु? जिगु आशा धयागु ला छि हे जक खः।

भजनसंग्रहया सफू 40:3

वय्‌कलं जितः छपु न्‍हूगु म्‍ये स्‍यनादिल, झी परमेश्‍वरयात तःधंकाः हालेगु म्‍ये। यक्‍वसिनं हे थ्‍व खनी, अले भय काइ। अले इमिसं परमप्रभुयाके भलसा तइ।

भजनसंग्रहया सफू 6:6

झसुकाः ततं जि त्‍यानुइ धुंकल। चच्‍छिं ख्‍वयाः जिं थःगु लासा प्‍याकाच्‍वना।

भजनसंग्रहया सफू 69:21

नये पित्‍याःबलय् इमिसं जितः बिख नकेहल। प्‍याःचाःबलय् इमिसं जितः चुपाउँ त्‍वंकेहल।

भजनसंग्रहया सफू 88:7

छिगु तमं जितः ल्‍हाकातःगु, अले छिगु फुक्‍क लबुं जितः त्‍वपू वःगु दु। सेला

यशैया 38:14

इखुंचा व सलांत्‍याः झंगलं थें जिं चिरबिर यानाः हाला। सुकुभत्तुं थें विलाप याना, च्‍वय्‌ आकाशय् स्‍वस्‍वं हे जिगु मिखा त्‍यानुइ धुंकल। हे परमप्रभु, जि दुःखय् लाःगु दु। छिं हे जितः ग्‍वाहालि यानादिसँ।”

विलाप 2:11

ख्‍वख्‍वं ख्‍वबिं हे जिगु मिखा न्‍यलय् धुंकल। जिगु नुगः क्‍वतुन। जिमि मनूत नाश जूगुलिं, जिमि मस्‍त व दुरु त्‍वंपिं मस्‍त शहर शहरय् व गल्‍लि गल्‍लिइ मूर्च्‍छा जूगुलिं जिगु नुगः तसकं ख्‍वःगु दु।

यूहन्‍ना 19:28

थुलि जुइ धुंकाः धर्मशास्‍त्रय् च्‍वयातःगु फुक्‍कं खँ पूवने धुंकल धकाः सीकाः येशूं “जितः प्‍याः चाल” धकाः धयादिल।

व्‍यवस्‍था 28:32

छिमि काय्‌म्‍ह्याय्‌पिं मेगु देशयापिं मनूतय्‌गु ल्‍हातय् ला वनी। छिमि काय्‌म्‍ह्याय्‌पिं लिहां वइ ला धकाः न्‍हियान्‍हिथं छिमिसं मिखा ब्‍वयाच्‍वनी। अय्‌नं छिमिसं छुं याये फइ मखु।

हिब्रू 5:7

संसारय् दीबलय् हे येशूं मिखाय् ख्‍वबि हाय्‌काः थःत हानं म्‍वाका दीम्‍हय्‌सित बिन्‍ति व प्रार्थना यानादिल। वय्‌कः क्‍वमिलुम्‍ह जूगुलिं व बाःयात दुनुगलंनिसें मानय् यानादीम्‍ह जूगुलिं वय्‌कःयागु बिन्‍ति व प्रार्थना परमेश्‍वरं न्‍यनादिल।