भजनसंग्रहया सफू 69:2 - नेवाः बाइबल

² जि तःजाःगु ध्‍याचलय् दुनावनाच्‍वनागु दु। जिगु तुतिं बँय् चुइ मफया च्‍वन। जि तःजाःगु लखय् लानाच्‍वनागु दु। किसिद्वम्‍बलय् जि दुनावनाच्‍वनागु दु।

भजनसंग्रहया सफू 69:2 ပူးပေါင်းရင်းမြစ်များ

अय्‍यूब 22:11

उकिं तसकं खिउँगु दु अले छिं खंकादी फइ मखु, बाः वःगु लखं छितः त्‍वपुयातःगु दु।

भजनसंग्रहया सफू 32:6

उकिं ई दनिबलय् हे छितः विश्‍वास याइपिन्‍सं छिगु प्रार्थना यायेमाः। अले दुःखकष्‍टया खुसिबाः वःसां इमित स्‍यंके फइ मखु।

भजनसंग्रहया सफू 40:2

वय्‌कलं जितः ग्‍यानापुगु गालं थकयादिल, वय्‌कलं जितः भ्‍यातनालं लिकयादिल, वय्‌कलं जितः हयाः ल्‍वहँतय् थनादिल, अले धस्‍वानाच्‍वनेत धिसिलाःगु थाय् बियादिल।

यर्मिया 38:22

यहूदाया जुजुया दरबारय् त्‍वःताथकुपिं सकलें मिस्‍तय्‌त बेबिलोनयाम्‍ह जुजुया हाकिमतय्‌थाय् यंकी। उपिं मिसातय्‌सं छितः थथे धाइ, “‘छिं भलसा कयादीम्‍ह छिकपिनि पासापिन्‍सं छितः झंगः लानाः थःगु बसय् तल। छिगु तुति ध्‍याचलय् तुनेवं इमिसं छितः त्‍वःतावन।’

यर्मिया 38:6

उकिं इमिसं यर्मियायात यंकाः पिवाःत च्‍वनीगु चुकय् दुगु जुजुया काय् मल्‍कियाहया तुंथिइ क्‍वफानाबिल। इमिसं यर्मियायात खिपःया ग्‍वाहालिं तुंथिइ क्‍वफात। उगु तुंथिइ लः मदु, ध्‍याचः हे ध्‍याचः जक दु। यर्मिया ध्‍याचलय् तुन।

योना 2:6

जि पहाडया हाय थ्‍यंक थ्‍यन, जि पातालया क्‍वय् थ्‍यंक दुना वनाः पातालया लुखा त्‍यू थें जुल। तर हे परमप्रभु जिमि परमेश्‍वर, छिं पातालं थकयाः जितः बचय् यानादिल।

मत्ती 7:25

वं छेँ दय्‌के धुंकाः तसकं वा वयाः बाः वल। हानं तसकं फय् वयाः वयागु छेँय् कल। अय्‌नं ल्‍वहंयागु बल्‍लाःगु जगय् दनातःगुलिं वयागु छेँ मदुन।