भजनसंग्रहया सफू 69:19 - नेवाः बाइबल

¹⁹ जितः मनूतय्‌सं गुलि क्‍वह्यंकातःगु दु धकाः छिं स्‍यू। जि गुलि हेला याकाः मछालापुक च्‍वने मालाच्‍वंगु दु धकाः छिं स्‍यू। जिमि शत्रुतय्‌सं छु छु यानाच्‍वन धकाः छिं फुक्‍कं स्‍यू।

भजनसंग्रहया सफू 69:19 ပူးပေါင်းရင်းမြစ်များ

भजनसंग्रहया सफू 38:9

हे परमप्रभु, जिं छु मनंतुनागु खः धकाः ला छिं सि हे स्‍यू, जिगु झसुकाः नं छिं न्‍यनादीगु दु।

भजनसंग्रहया सफू 5:9

इमिगु म्‍हुतुइ खःगु खँ धयागु हे मदु। इमिगु नुगलय् स्‍यंकेगु खँ जक दु। इमिगु कथुप्‍वाः चालाच्‍वंगु चिहान थें खः इमिगु में च्‍वछायाः जक खँ ल्‍हाना जुइ।

यशैया 53:3

वयात मनूतय्‌सं हेला यानाः मयय्‌कल, व दुःखय् लाःम्‍ह मनू खः, वं दुःख बांलाक स्‍यू। व खनाः मनूतय्‌सं थःगु ख्‍वाः फहीकीगु। वयात हेला यात, झीसं वयात छुं मू वंम्‍ह मतायेका।

यूहन्‍ना 8:49

वय्‌कलं लिसः बियादिल – “जिके भूत दुबिनाच्‍वंगु मदु। जिं जिमि बाःयात तःधंका च्‍वना, छिकपिन्‍सं जितः क्‍वह्यंकादिल।

हिब्रू 12:2

अले झीगु विश्‍वास शुरु यानादीम्‍ह व क्‍वचाय्‌कादीम्‍ह येशूयात स्‍व, लिपायागु आनन्‍दया निंतिं वय्‌कः लज्‍या मचासे क्रूसया सास्‍ती फयादिल। वय्‌कः आः परमेश्‍वरया सिंहासनया जवय् च्‍वनादीगु दु।

१ पत्रुस 2:23

थःत ब्‍वः ब्‍यूपिन्‍त वय्‌कलं ब्‍वः बियामदी। अय्‌च्‍वंक दुःखकष्‍ट बिलं नं वय्‌कलं ख्‍याच्‍वः बियामदी, बरु ननिमवासे वय्‌कलं बांलाक न्‍याय यानादीम्‍ह परमेश्‍वरयाके भरोसा तयादिल।