भजनसंग्रहया सफू 69:17 - नेवाः बाइबल

¹⁷ जिपाखे स्‍वयादिसँ। जि तःधंगु दुःखय् लानाच्‍वंगु दु, जितः आः हे लिसः बियादिसँ।

भजनसंग्रहया सफू 69:17 ပူးပေါင်းရင်းမြစ်များ

अय्‍यूब 7:21

छिं छाय् जिगु अपराध माफ यानामदियागु अले जिगु पाप क्षमा यानामदियागु? आः जि याकनं हे चिहानय् थ्‍यनी। छिं जितः मालादीबलय् जि दइ हे मखु।”

भजनसंग्रहया सफू 102:2

जितः आपत जूबलय् थःगु ख्‍वाः जिपाखें फस्‍वय्‌कादी मते, जिं इनाप यायेबलय् न्‍यनादिसँ, अले याकनं लिसः बियादिसँ।

भजनसंग्रहया सफू 13:1

हे परमप्रभु! छिं जितः गुबलय् तक ल्‍वःमंकाच्‍वनादी? सदां ल्‍वःमंकाच्‍वनेगु ला? छि गुबलय् तक जिपाखें फस्‍वयाच्‍वनादी?

भजनसंग्रहया सफू 143:7

हे परमप्रभु, याकनं लिसः बियादिसँ, जिगु नुगः हे क्‍वतुने धुंकल। थःगु ख्‍वाः जिपाखें फस्‍वय्‌कादी मते, मखुसा जि सीपिं थें जुइ।

भजनसंग्रहया सफू 143:9

हे परमप्रभु, जितः जिमि शत्रुतपाखें बचय् यानादिसँ, जि सुलेत छिगु हे शरणय् वयागु दु।

भजनसंग्रहया सफू 22:24

परमप्रभु मनूतय्‌गु दुःखयात च्‍यूताः मतसे जुयादीम्‍ह मखु, अले इमित क्‍वह्यंकादीम्‍ह नं मखु। छाय्‌धाःसा जिं वय्‌कःयात प्रार्थना यानाबलय् वय्‌कलं न्‍यनादिल। वय्‌कः जिपाखें फस्‍वया मदी।

भजनसंग्रहया सफू 27:9

जिपाखें थःगु ख्‍वाः फहिकादी मते, परमप्रभु। तमय् थः दासयात थःपाखें तापाकादी मते, छि जितः ग्‍वाहालि यानादीम्‍ह खः। जितः मुक्ति बियादीम्‍ह प्रभु, जितः त्‍वःतादी मते! जितः गुबलें त्‍यागय् यानादी मते!

भजनसंग्रहया सफू 40:13

हे परमेश्‍वर! जितः बचय् यानादिसँ। हे परमप्रभु! जितः ग्‍वाहालि यायेत याकनं झासँ

भजनसंग्रहया सफू 44:24

छाय् छिं मेखेपाखे स्‍वयादियागु? अले जिमित जूगु दुःख व सास्‍ती छाय् ल्‍वःमंकादियागु?

भजनसंग्रहया सफू 66:14

जि तःधंगु दुःखय् लाःबलय् जिं थःगु म्‍हुतुं यानागु भाकल खः, थ्‍व।

भजनसंग्रहया सफू 70:1

हे परमेश्‍वर! जितः बचय् यानादिसँ। हे परमप्रभु, जितः ग्‍वाहालि यायेत याकनं झासँ।

विलाप 3:22

परमप्रभुया सदां दइगु दया मायां यानाः झीपिं नाश जूगु मदु, छाय्‌धाःसा वय्‌कःयागु माया न्‍ह्याबलें दयाच्‍वनी।

मत्ती 26:38

वय्‌कलं इमित धयादिल – “नुगः मछिनाः जिगु छाति हे तज्‍याइ थें च्‍वनाच्‍वन। छिपिं मद्यंसे थन हे च्‍वनाच्‍वँ।”

मत्ती 27:46

तीन बजेपाखे येशू थथे धकाः तसकं हाला हल – “इलोई-इलोई लामा सबखथनी।” थुकियागु अर्थ खः – “जिमि परमेश्‍वर, जिमि परमेश्‍वर, छिं जितः छाय् त्‍वःतादिया?”