16 हे परमप्रभु, जितः लिसः बियादिसँ। छाय्धाःसा छिगु सदां दयाच्वनीगु माया तःधं। जिगु सः न्यनादिसँ छाय्धाःसा छि धात्थें दयां जाःम्ह खः।
वय्कलं इमिगु लागि थःगु बाचा लुमंकादिल, अले थःगु सदां दयाच्वनीगु दया मायाया कारणं वय्कः नरम जुयादिल।
अय्नं हे परमप्रभु, थःगु बचंकथं जितः ग्वाहालि यानादिसँ। जितः बचय् यानादिसँ छाय्धाःसा छिगु सदां दयाच्वनीगु दया माया भिं।
नरकया खिपतं जितः प्यखें हीन। कालया म्हुतुं जितः पियाच्वन।
जिपाखे स्वयादिसँ, अले जितः दया यानादिसँ, छाय्धाःसा जि याकःचा जुल, अले जितः तसकं कष्ट जुयाच्वंगु दु।
तर जि ला अथे मखु, भिंगु व खःगु ज्या जक जिं यानागु दु। उकिं जितः दया यानाः बचय् यानादिसँ।
हे परमप्रभु! गुलि तःजि छिगु मदिक्क दयाच्वनीगु माया! छिगु पपूया किचलय् मनूतय्सं शरण कयाच्वंगु दु।
हे परमेश्वर! जितः दया यानादिसँ। छाय्धाःसा छि सदां दया यानादीम्ह खः। जिगु पाप हुयाछ्वयादिसँ! छाय्धाःसा छि सदां मदिक्क माया यानादीम्ह खः।
छिगु माया जीवन स्वयाः तःधं। उकिं जिं न्ह्याबलें छितः तःधंके।
जि धाःसा छिगु प्रार्थना यानाच्वना, हे परमप्रभु। जितः छिं ल्ययादीगु इलय् लिसः बियादिसँ, हे परमेश्वर! छिगु न्ह्याबलें दयाच्वनीगु मायाया कारणं छिगु धात्थेंया उद्धारं जितः लिसः बियादिसँ।
परमप्रभुं झीगु निंतिं यानादीगु फुक्क ज्याया निंतिं वय्कःयात प्रशंसा यायेमा, वय्कलं यानादीगु दयामायाया बारे जिं धयाबी, वय्कःया दया व करुणा कथं, वय्कलं इस्राएलया घरानाया निंतिं तसकं भिंगु ज्या यानादिल।
छिं जिमित हानं दयामाया यानादी, छिं जिमिगु पापयात तुतिं न्हुयादी, अले जिमिगु अधर्म तज्जाःगु समुद्रय् वान्छ्वयादी।