भजनसंग्रहया सफू 69:1 - नेवाः बाइबल

¹ हे परमेश्‍वर, जितः बचय् यानादिसँ। जिगु गःपतय् थ्‍यंक लः थाहां वये धुंकल।

भजनसंग्रहया सफू 69:1 ပူးပေါင်းရင်းမြစ်များ

अय्‍यूब 22:11

उकिं तसकं खिउँगु दु अले छिं खंकादी फइ मखु, बाः वःगु लखं छितः त्‍वपुयातःगु दु।

भजनसंग्रहया सफू 18:4

कालया खिपतं जितः स्‍वतुमतु स्‍वय्‌कल। दुःखया खुसिबालं जितः चुइके यंकल।

भजनसंग्रहया सफू 32:6

उकिं ई दनिबलय् हे छितः विश्‍वास याइपिन्‍सं छिगु प्रार्थना यायेमाः। अले दुःखकष्‍टया खुसिबाः वःसां इमित स्‍यंके फइ मखु।

भजनसंग्रहया सफू 42:7

ग्‍यानापुसे च्‍वंगु क्‍वब्‍वाःलःया सः जिगु न्‍ह्यःने दु। छिगु समुद्रया तःधंगु लबुं नं जितः नुनाब्‍यूगु दु।

भजनसंग्रहया सफू 45:1

जुजुया निंतिं थ्‍व म्‍ये च्‍वयाबलय् जिगु नुगलय् बाबांलाःगु खँग्‍वः भय्‌बियावःगु दु। जिगु मेचु नं छम्‍ह बांलाःम्‍ह कविया कलम थें जुयाब्‍यूगु दु।

भजनसंग्रहया सफू 60:1

हे परमेश्‍वर! छिं जिमित त्‍वःतादिल। जिपिं खनाः छि तंम्‍वयादीगु दु। उकिं जिमिगु रक्षा यायेगु नं त्‍वःतादिल। जिमित हाकनं स्‍वयादिसँ।

भजनसंग्रहया सफू 69:2

जि तःजाःगु ध्‍याचलय् दुनावनाच्‍वनागु दु। जिगु तुतिं बँय् चुइ मफया च्‍वन। जि तःजाःगु लखय् लानाच्‍वनागु दु। किसिद्वम्‍बलय् जि दुनावनाच्‍वनागु दु।

भजनसंग्रहया सफू 80:1

हे इस्राएलया फैजवाः, जिमिगु खँ न्‍यनादिसँ। छिं हे योसेफया सन्‍तानयात फैबथांयात थें ज्‍वयादीगु खः। पपू दुपिं करूबतय् दथुइ च्‍वनादीम्‍ह हे परमेश्‍वर, मनूतय्‌त थःगु जः क्‍यनादिसँ।

यशैया 28:17

जिं इन्‍साफयात नापे यायेगु खिपः व धार्मिकतायात धाःसा गं खायेगु दय्‌काबी। प्‍वँनं मखुगु खँ ल्‍हाइपिनिगु शरण कायेगु थाय् चुइकायंकी, अले लखं छिमिगु सुपीगु थाय् त्‍वःपुयाबी।

यशैया 43:2

छ तःजाःगु लखं जुयाः वनीबलय् जि छनापं हे दइ। छ खुसि जुयाः वनीबलय् उकिं छन्‍त त्‍वपुइ मखु। छ मिं जुयाः वनीबलय् उकिं छन्‍त थिइ मखु। उकिया मि जलं छन्‍त छ्वय्‌की मखु।

विलाप 3:54

लखं जिगु छ्यं त्‍वपुल, जिं बिचाः याना, “आः जि सीगु जुल।”

प्रकाश 17:15

अले स्‍वर्गदूतं जितः हानं धाल – “छं खंगु मिसाया लिक्‍क दुगु लःयागु अर्थ देश देशयापिं मनूत, जात जातियापिं मनूत व थीथी भाषां नवाइपिं मनूतय्‌गु हुल खः।