भजनसंग्रहया सफू 67:4 - नेवाः बाइबल

⁴ देश देशयापिं मनूत लय्‌तायेमा, अले लसतां म्‍ये हालेमा छाय्‌धाःसा छिं जाति जातियापिन्‍त उत्‍थें यानाः शासन यानादी। अले देश देशयात लँ क्‍यनादी। सेला

भजनसंग्रहया सफू 67:4 ပူးပေါင်းရင်းမြစ်များ

उत्‍पत्ति 18:25

छिं मभिंपिं मनूतलिसें भिंपिं मनूतय्‌त नं स्‍यानादी मखु। थथे जुल धाःसा ला भिंपिन्‍सं नं मभिंपिन्‍सं थें हे सजाँय फये मालिगु जुल। संसारया न्‍याय याइम्‍हय्‌सिनं खःकथं न्‍याय यानामदी ला?”

भजनसंग्रहया सफू 2:8

जिके फ्‍वँ जक, फुक्‍क जातितय्‌त जिं छंगु सर्बय यानाबी, फुक्‍क पृथ्‍वीयात छंगु यानाबी।

भजनसंग्रहया सफू 82:6

“जिं धया, ‘छिपिं द्यः खः’, छिपिं सकलें दक्‍वसिबय् तःधंम्‍हय्‌सिया काय्‌पिं खः।

भजनसंग्रहया सफू 9:8

वय्‌कलं ख्‍वाः स्‍वयाः न्‍याय यानादी मखु। वय्‌कलं पक्षपात मजुइक मनूतय्‌त शासन यानादी।

भजनसंग्रहया सफू 96:10

फुक्‍क जातितय्‌त धा, “परमप्रभु जुजु खः,” संसार धिसिलाक्‍क च्‍वंगु दु उकियात संके फइ मखु। वय्‌कलं न्‍यायकथं मनूतय्‌गु इन्‍साफ यानादी।

भजनसंग्रहया सफू 98:9

थ्‍व परमप्रभुया न्‍ह्यःने जुइमा। छाय्‌धाःसा वय्‌कः पृथ्‍वीइ राज्‍य यायेत झायादीत्‍यंगु दु। वय्‌कलं धार्मिकतां सुयागु पँ मलीसें संसारयापिं मनूतय्‌गु न्‍याय यानादी।

यशैया 54:1

“हे यरूशलेम, थारिम्‍ह मिसा, म्‍ये हा गुबलें मचा बुइके मनंम्‍ह मिसा, मचाबू ब्‍यथाय् गुबलें मलाःम्‍ह, लय्‌लय्‌तातां हाला जु। छाय्‌धाःसा भाःतनाप च्‍वनाच्‍वंम्‍ह मिसाया स्‍वयाः भाःतं त्‍वःतूम्‍ह मिसायागु हे मस्‍त यक्‍व दु,” परमप्रभुं धयादी।

यशैया 55:4

स्‍व, जिं वयात जाति जातितय् दथुइ साक्षी बीत, व इमि नायः व कप्‍तान जुयेत ल्‍ययागु दु।

यशैया 60:6

ऊँटया बथां, मिद्यान व एपाया ऊँटतय्‌सं छंगु देय् त्‍वपुइ। अले शेबाया फुक्‍क मनूत परमप्रभुया प्रशंसा यायां लुँ व धुपाँय् ज्‍वनाः छन्‍थाय् वइ।

प्रेरित 17:31

वय्‌कलं थ्‍व संसारय् च्‍वंपिं मनूतय्‌त न्‍याय यायेगु दिं नं क्‍वःछिना तयादी धुंकल। ख्‍वाः स्‍वयाः न्‍याय मयाइम्‍ह छम्‍ह मनूयात नं वय्‌कलं ल्‍यया तयादी धुंकल। वय्‌कलं थ्‍व खँया दसु सी धुंकूम्‍हय्‌सित म्‍वाकाः क्‍यनादी धुंकल।”

रोमी 2:5

छिमिसं थःगु छाःगु नुगः व पश्‍चात्ताप मयाःगु नुगलं यानाः परमेश्‍वरया धार्मिक न्‍याय खने दइगु उगु तंया दिंया निंतिं थःगु निंतिं तं मुंका च्‍वंगु दु।

गलाती 4:27

धर्मशास्‍त्रय् नं थथे च्‍वयातःगु दु – “हे मचा बुइकिमखुम्‍ह थारिम्‍ह लय्‌ताया च्‍वँ, मचा बुइकेबलय् गुलि दुःख जुइ धकाः मस्‍यूम्‍ह नुगः चाय्‌काः हाला जु। छाय्‌धाःसा भाःतनाप च्‍वनाच्‍वंम्‍ह मिसाया स्‍वयाः भाःतं त्‍वःतूम्‍ह मिसायागु हे मस्‍त यक्‍व दु।”

व्‍यवस्‍था 32:43

हे जातित! वय्‌कःया मनूतलिसें लय्‌ता। वय्‌कलं थः च्‍यःतय्‌त स्‍याःपिं फुक्‍कसिके पलेसा कयादी। वय्‌कलं थः शत्रुतय्‌त बदला कयादी। अले थःगु देश व थःमनूतय्‌गु लागिं प्रायश्‍चित यानादी।