भजनसंग्रहया सफू 66:9 - नेवाः बाइबल

⁹ वय्‌कलं झीत म्‍वाकातःगु दु, वय्‌कलं झीत लुफिं हाये बियामदी।

भजनसंग्रहया सफू 66:9 ပူးပေါင်းရင်းမြစ်များ

भजनसंग्रहया सफू 112:6

धर्मी मनू गुबलें लिचिले माली मखु, वयागु लुमन्‍ति न्‍ह्याबलें दयाच्‍वनी।

भजनसंग्रहया सफू 121:3

वय्‌कलं छंगु तुतियात चुलुके बी मखु, छन्‍त बिचाः यानादीम्‍ह न्‍ह्यलं ब्‍वानादी मखु।

भजनसंग्रहया सफू 125:3

दुष्‍टतय्‌सं परमप्रभुं थः मनूतय्‌त बियादीगु देशय् न्‍ह्याबलें राज्‍य याइ मखु। मखुसा धर्मीतय्‌सं हे मभिं ज्‍या याइ।

भजनसंग्रहया सफू 22:29

तःधंछुया जुइपिं फुक्‍कसिनं वयाः वय्‌कःया न्‍ह्यःने छ्यं क्‍वछुकी। सीमानिपिं फुक्‍कसिनं वयाः वय्‌कःया न्‍ह्यःने छ्यं क्‍वछुकी।

भजनसंग्रहया सफू 55:23

तर हे परमेश्‍वर, छिं दुष्‍टतय्‌त विनाशया गालय् क्‍वफानादी। मनू स्‍यानाजुइपिं व फताहात मत्‍यवं हे सिनावनी। तर जिं ला छितः विश्‍वास यानाच्‍वने, हे परमेश्‍वर!

भजनसंग्रहया सफू 62:2

वय्‌कः जक जिगु ल्‍वहंधी खः, अले वय्‌कलं जितः उद्धार यानादी। वय्‌कः जिगु किल्‍ला खः, जि गुबलें बुइ मखु।

भजनसंग्रहया सफू 62:6

वय्‌कः जक जिगु ल्‍वहंधी खः, अले वय्‌कलं जितः उद्धार यानादी। वय्‌कः जिगु किल्‍ला खः, जि गुबलें बुइ मखु।

भजनसंग्रहया सफू 94:18

जिं धया, “जिगु तुति चुलुयाच्‍वंगु दु,” तर हे परमप्रभु, छिगु सदां दयाच्‍वनीगु दया मायां जितः तिबः बिल,

प्रेरित 17:28

‘छाय्‌धाःसा परमेश्‍वरं हे झीत सासः बियाः सने फय्‌कादीगुलिं थौं झीपिं थथे म्‍वानाच्‍वने फत।’ थ्‍व हे खँ छिकपिनि कबिजुपिन्‍सं नं थथे धाःगु दु – ‘झी फुक्‍कं परमेश्‍वरया सन्‍तान खः।’

१ शमूएल 2:9

वय्‌कलं विश्‍वास याये बहःपिनिगु रक्षा यानादी, दुष्‍टतय्‌त धाःसा खिउँगु थासय् सुम्‍क तयादी, “सुं मनूयागु शक्तिं वयात त्‍याकेफइ मखु।

१ शमूएल 25:29

छुं जुयाः सुं मनुखं छितः हमला यानाः छिगु प्राण कायेत स्‍वल धाःसा परमप्रभु छिमि परमेश्‍वर मनूतय्‌गु तसकं मू वंगु सम्‍पत्तिया रक्षा याःथें हे छिगु प्राण रक्षा यानादी। छिकपिनि शत्रुतय्‌गु प्राण धाःसा वय्‌कलं खिपतय् ल्‍वहं तयाः वांछ्वःथें वान्‍छ्वयादी।