भजनसंग्रहया सफू 66:2 - नेवाः बाइबल

² वय्‌कःया नांया महिमा यानाः म्‍ये हा। वय्‌कःयात महिमा यानाः तःधंकि।

भजनसंग्रहया सफू 66:2 ပူးပေါင်းရင်းမြစ်များ

नहेम्‍याह 9:5

अले येशूअ, कादमीएल, बानी, हशबन्‍याह, शरेबियाह, होदियाह, शबन्‍याह व पतहियाह नांयापिं लेवीतय्‌सं धाल, “दनाः अनादिंनिसें अनन्‍त तक दीम्‍ह परमप्रभु झी परमेश्‍वरयात तःधंकि।” अले इमिसं थथे प्रार्थना यात, “छिगु महिमां जाःगु नां धन्‍य जुइमा, व नां फुक्‍क सुवाः व प्रशंसा स्‍वयाः च्‍वय् दु।

भजनसंग्रहया सफू 106:2

परमप्रभुं यानादीगु ततःधंगु ज्‍याया बयान सुनां याये फइ? वय्‌कःयात सुनां पूवंक प्रशंसा याये फइ?

भजनसंग्रहया सफू 107:15

इमिसं परमप्रभुयात वय्‌कःया सदां दयाच्‍वनीगु दया मायाया निंतिं व इमिगु निंतिं यानादीगु अजू चायापुगु ज्‍याया निंतिं सुभाय् बीमा।

भजनसंग्रहया सफू 107:22

इमिसं सुभाय्‌या बलि बीमा, अले लसताया भजन हालाः वय्‌कलं यानादीगु फुक्‍क ज्‍याया बयान यायेमा।

भजनसंग्रहया सफू 68:33

न्‍हापांनिसें दुगु आकाशय् जुइम्‍ह परमप्रभुयात तःधंकि। वय्‌कः थःगु शक्तिशाली सलं हाःगु न्‍यँ।

भजनसंग्रहया सफू 72:18

परमप्रभुयात प्रशंसा या, इस्राएलया परमेश्‍वरयात! अजू चायापुगु ज्‍या वय्‌कलं हे जक यानादी।

भजनसंग्रहया सफू 79:9

हे परमेश्‍वर, जिमित ग्‍वाहालि यानाः बचय् यानादिसँ। थःगु नांया महिमाया निंतिं जिमिगु पापयात क्षमा यानादिसँ।

यशैया 42:12

ताताःपाःगु देशय् च्‍वंपिं मनूत परमप्रभुया महिमा व प्रशंसा या!

यशैया 49:13

हे आकाश, लय्‌तातां तसकं म्‍ये हा! हे पृथ्‍वी, लय्‌ता! हे पर्वतत कथुप्‍वाः चाय्‌काः तसकं म्‍ये हा! छाय्‌धाःसा परमप्रभुं थः प्रजायात सान्‍त्‍वना बियादीगु दु, अले दुःखकष्‍टय् लानाच्‍वंपिं प्रजातयात वय्‌कलं दयामाया यानादी।

यशैया 6:3

अले छम्‍हय्‌सिनं मेम्‍हय्‌सित थथे धकाः हालाच्‍वन, “दक्‍व शक्ति दुम्‍ह परमप्रभु, पवित्र, पवित्र, पवित्रम्‍ह खः। वय्‌कःया महिमां फुक्‍क पृथ्‍वीइ जायाच्‍वंगु दु।”

प्रकाश 5:13

अले अन सृष्‍टि यानातःपिं स्‍वर्गय् च्‍वंपिं, पृथ्‍वी व पृथ्‍वी तःले व समुद्रय् च्‍वंपिं दक्‍वसिनं थथे धयाच्‍वंगु जिं ताया – “सिंहासनय् फ्‍यतुनाच्‍वंम्‍ह व चीधिकःम्‍ह भ्‍याःचाया सदां जयजय जुइमा। अले न्‍ह्याबलें मान, इज्‍जत, शक्ति व राज्‍य दयाच्‍वनेमा।”