भजनसंग्रहया सफू 61:2 - नेवाः बाइबल

² जि नुगः मछिन कि पृथ्‍वीया ताताःपाःगु थासं जिं छितः ग्‍वाहालिया निंतिं बिन्‍ति याये। जितः सदां सुरक्षित जुइगु ल्‍वहंधिकय् यंकादिसँ।

भजनसंग्रहया सफू 61:2 ပူးပေါင်းရင်းမြစ်များ

भजनसंग्रहया सफू 142:3

जि निराश जूबलय् छिं जितः छु जुयाच्‍वंगु दु धकाः स्‍यू। जि वनेत्‍यनागु लँपुइ जिमि शत्रुतय्‌सं जिगु लागि जाः ह्वःगु दु।

भजनसंग्रहया सफू 143:4

उकिं जि निराश जुयागु दु, जिगु नुगः ख्‍वःगु दु।

भजनसंग्रहया सफू 17:1

हे परमप्रभु! न्‍यायया निंतिं यानागु जिगु इनापयात न्‍यनादिसँ। जिगु प्रार्थनायात ध्‍यान बियादिसँ। जिं भिं नुगलं यानागु प्रार्थनायात न्‍यनादिसँ!

भजनसंग्रहया सफू 18:2

परमप्रभु जिगु निंतिं ल्‍वहंधी थें खः, परमप्रभु जिगु किल्‍ला खः, जितः उद्धार याइम्‍ह खः। जिमि परमेश्‍वर जिगु निंतिं ल्‍वहंधी थें खः, गुकिं जितः रक्षा याइ। वय्‌कः जिगु ढाल खः, जितः बचय् याइगु शक्ति खः, शरण कायेगु थाय् खः।

भजनसंग्रहया सफू 18:46

जिगु किल्‍ला परमप्रभुया प्रशंसा या, वय्‌कः म्‍वानाच्‍वंम्‍ह परमप्रभु खः। जितः बचय् यानादीम्‍ह परमेश्‍वरयात तःधंकि।

भजनसंग्रहया सफू 27:5

छाय्‌धाःसा दुःखकष्‍टयागु इलय् वय्‌कलं जितः थःथाय् हे सुचुकादी वय्‌कलं जितः थःगु पालय् सुचुकादी। वय्‌कलं जितः तःजाःगु ल्‍वहँतय् तयादी।

भजनसंग्रहया सफू 40:2

वय्‌कलं जितः ग्‍यानापुगु गालं थकयादिल, वय्‌कलं जितः भ्‍यातनालं लिकयादिल, वय्‌कलं जितः हयाः ल्‍वहँतय् थनादिल, अले धस्‍वानाच्‍वनेत धिसिलाःगु थाय् बियादिल।

भजनसंग्रहया सफू 42:6

जिगु नुगः तसकं क्‍वतुंगु दु। उकिं जिं छितः यर्दनया लागां, हेर्मोन पर्वत व मिसार डाँडाया च्‍वकां लुमंकागु दु।

भजनसंग्रहया सफू 43:5

हे जिगु मन छाय् थपाय्‌सकं क्‍वतुंगु? जि छाय् थपाय्‌सकं नुगः मछिंगु? जिं परमेश्‍वरयाके आशा तये, हाकनं जिं थः परमेश्‍वर व थःत बचय् याइम्‍हय्‌सित तःधंके।

भजनसंग्रहया सफू 55:5

ग्‍यानाः जि थुरथुर खाये धुन जिगु म्‍हय् ज्‍यू मदये धुंकल।

भजनसंग्रहया सफू 62:2

वय्‌कः जक जिगु ल्‍वहंधी खः, अले वय्‌कलं जितः उद्धार यानादी। वय्‌कः जिगु किल्‍ला खः, जि गुबलें बुइ मखु।

भजनसंग्रहया सफू 62:6

वय्‌कः जक जिगु ल्‍वहंधी खः, अले वय्‌कलं जितः उद्धार यानादी। वय्‌कः जिगु किल्‍ला खः, जि गुबलें बुइ मखु।

भजनसंग्रहया सफू 77:3

परमेश्‍वरयागु बिचाः यायेबलय् जिं झसुकाः तये। ध्‍यान यायेबलय् नं जिगु नुगः क्‍वतुनावनी। सेला

यशैया 32:2

थुपिं मनूत फय्‌पाखें शरण कायेगु थाय् अले ग्‍वःफय्‌पाखें सुपिलिगु थाय्, मरुभूमिइ लः दुगु खुसित व गंगु मरुभूमिइ तग्‍वःगु ल्‍वहंया किचः थें जुइ।

यशैया 54:11

“हे दुःखय् लानाच्‍वंम्‍ह, ग्‍वःफसं पुइकाः छ्वावाःम्‍ह अले सान्‍त्‍वना काय् मखंगु शहर, स्‍व, जिं फिरोजाया थीनं छन्‍त दय्‌के, नीरं छंगु जग स्‍वने।

लूका 22:44

अले नुगलय् तसकं हीसे च्‍वनाः नुगः हे ह्वगनि थें च्‍वंगुलिं वय्‌कलं झन तसकं मन बियाः प्रार्थना यानादिल। वय्‌कःयागु चःति हि थें ततःफुति जुयाः बँय् तिकि ननाच्‍वन।

व्‍यवस्‍था 4:29

अय्‌नं अन नं परमप्रभु छिमि परमेश्‍वरयात छिमिसं माल धाःसा, अले छिमिसं दुनुगलं व आत्‍मां माल धाःसा वय्‌कःयात नापलाकी।