भजनसंग्रहया सफू 57:2 - नेवाः बाइबल

² जिं दक्‍वसिबय् तःधंम्‍ह परमेश्‍वरयात प्रार्थना याये। वय्‌कलं जिगु सकतां पूवंकादी।

भजनसंग्रहया सफू 57:2 ပူးပေါင်းရင်းမြစ်များ

भजनसंग्रहया सफू 138:8

परमप्रभुं जिगु लागि थःगु उद्देश्‍य पूवंकादी, हे परमप्रभु, छिगु दया माया न्‍ह्याबलेंया लागि दयाच्‍वनी। थःगु ल्‍हातं दय्‌कादीपिन्‍त त्‍वःतादी मते।

भजनसंग्रहया सफू 143:9

हे परमप्रभु, जितः जिमि शत्रुतपाखें बचय् यानादिसँ, जि सुलेत छिगु हे शरणय् वयागु दु।

भजनसंग्रहया सफू 17:8

मिखाया नानिचायात थें जिमित बचय् यानाः तयादिसँ। छिगु पपूया किचलय् जिमित सुचुकाः तयादिसँ।

भजनसंग्रहया सफू 41:5

जिमि शत्रुतय्‌सं जि याकनं सीमा, अले सकसिनं जितः ल्‍वःमंका छ्वयेमा धकाः धयाजूगु दु।

भजनसंग्रहया सफू 56:2

जितः महीपिन्‍सं जितः न्‍हिच्‍छि हे लिनाच्‍वन। गुलिं गुलिंसिनं ला घमण्‍ड यानाः हय्‌क्‍कायेत नं स्‍वयाच्‍वन।

यशैया 26:12

हे परमप्रभु, छिं जिमित सुख शान्‍ति बियादी, जिमिसं छु क्‍वचाय्‌के धुनागु खः, व फुक्‍क छिं हे जिमिगु निंतिं यानादीगु खः।

यशैया 26:20

हे जिमि प्रजा, थथःगु छेँ हुँ, अले छेँ दुहां वनाः लुखा तिनाब्‍यु। परमेश्‍वरया तं क्‍वमलाःतले छुं ईया निंतिं सुपिलाच्‍वँ।

यशैया 57:15

छाय्‌धाःसा सदां म्‍वानाच्‍वनादीम्‍ह, तच्‍वकं मानय् याये बहःम्‍ह, गुम्‍हय्‌सिगु नां पवित्र खः, वय्‌कलं धयादी, “जि दक्‍वसिबय् च्‍वय् पवित्रगु थासय् च्‍वनीम्‍ह खः, तर जि पश्‍चातापी व क्‍वमिलुपिंनापं नं च्‍वनीम्‍ह खः, अले जिं क्‍वमिलुया आत्‍मां छिमित बल्‍लाकाबी, अले पश्‍चातापयागु नुगःयात नं बल्‍लाकाबी।

फिलिप्‍पी 1:6

छिमिगु नुगलय् भिंगु ज्‍या शुरु यानादीम्‍हय्‌सिनं हे येशू ख्रीष्‍ट झायादीबलय् तकं फुक्‍क ज्‍या सिधय्‌कादी धयागु जितः विश्‍वास दु।

फिलिप्‍पी 2:12

यःपिं दाजुकिजापिं, जि छिपिंनाप दुबलय् छिमिसं जिगु फुक्‍क खँ न्‍यना का। अथे हे जि मदइबलय् नं झन छिमिसं जिगु खँ न्‍यनेमाः। अले भय कयाः मुक्तिया ज्‍या क्‍वचाय्‌केत मेहनत या।

हिब्रू 13:21

थ्‍व हे परमेश्‍वरं छिमित वय्‌कःयात लय्‌ताय्‌केत माक्‍व भिंगु बांलाःगु फुक्‍कं बियादीमा। थुकथं येशू ख्रीष्‍टपाखें झीपिं वय्‌कःयात यय्‌क म्‍वानाच्‍वने फयेमा। वय्‌कः सदां तःधना च्‍वनेमा। आमेन।