भजनसंग्रहया सफू 5:4 - नेवाः बाइबल

⁴ छि मभिंगु ज्‍याय् लय्‌तायादीम्‍ह परमेश्‍वर मखु। दुष्‍टतय्‌गु मभिंगु ज्‍या यात छिं सह यानादी मखु

भजनसंग्रहया सफू 5:4 ပူးပေါင်းရင်းမြစ်များ

१ इतिहास 29:17

हे जिमि परमेश्‍वर, छिं छम्‍ह छम्‍हय्‌सिगु मन स्‍वयादी धकाः जिं स्‍यू, विश्‍वास बहःम्‍ह मनूत खनाः छि लय्‌तायादी। थुपिं फुक्‍क जिं विश्‍वास बहःम्‍ह जुयाः दुनुगलंनिसें थःगु इच्‍छां बियागु दु। थन मूंपिं छि मनूत छिथाय् थःगु देछा हःबलय् लय्‌ताः, व जिं खनागु दु।

भजनसंग्रहया सफू 101:7

ध्‍वंलाइम्‍ह मनू जिगु छेँय् च्‍वने दइ मखु। मखुगु खँ ल्‍हाइम्‍ह मनू जिगु मिखाया न्‍ह्यःने च्‍वने दइ मखु।

भजनसंग्रहया सफू 11:5

परमप्रभुं भिंपिं व मभिंपिं सकसितं जाँचय् यानादी। वय्‌कलं मभिंपिं व मनू स्‍यानाजुइपिन्‍त यय्‌कादी मखु।

भजनसंग्रहया सफू 140:13

धात्‍थें हे धर्मीतय्‌सं छिगु नांयात सुभाय् बी, भिंपिं मनूत छिगु न्‍ह्यःने च्‍वनी।

भजनसंग्रहया सफू 50:21

छं थथे याःसां जिं छुं मधया। जि नं छ थें हे खः धकाः छं मतिइ तल। आः जिं छन्‍त द्वपं बी, अले छंगु छता छता दोष उलाः क्‍यने।

भजनसंग्रहया सफू 63:2

जिं छितः पवित्र थासय् खनागु दु। अले छिगु शक्ति व महिमा नं खना।

भजनसंग्रहया सफू 88:14

हे परमप्रभु, छिं छाय् जितः त्‍वःतादियागु? छिं छाय् थःगु ख्‍वाः जिपाखें फस्‍वय्‌कादीयागु?

भजनसंग्रहया सफू 92:15

परमप्रभु भिंम्‍ह खः, अले वय्‌कः जिमि ल्‍वहंधी खः, वय्‌कःयाके छुं अधर्म मदु।

भजनसंग्रहया सफू 94:20

छु दुष्‍ट शासकत छिनापं मिलय् जुइ फइ ला? इमिसं थःगु कानूनयात छ्यलाः स्‍यंकेगु ग्‍वसाः ग्‍वइगु।

हबकूक 1:13

तसकं मभिंगु खँ स्‍वयेत छिगु मिखा शुद्ध जु, अले छिं मखुगु ज्‍या स्‍वयादी मफु, अय्‌नं आः ध्‍वं ल्‍हाइपिं मनूतय्‌त छिं छाय् स्‍वयाच्‍वनादियागु? थः स्‍वयाः धर्मी मनूतय्‌त दुष्‍टतय्‌सं नूना छ्वःसां छाय् छि सुम्‍क च्‍वनादियागु?

मलाकी 2:17

छिमिसं थःगु खं परमप्रभुयात हीमी चायेकूगु दु। छिमिसं न्‍यनी, “जिमिसं वय्‌कःयात गथे यानाः हीमी चाय्‌कागु दु?” छिमिसं थथे धाइ, “परमप्रभुया मिखाय् मभिंगु ज्‍या याइपिं भिं जुइ, अले इपिं खनाः लय्‌तायादी।” हानं “न्‍याय याइम्‍ह धकाः भापिम्‍ह परमेश्‍वर गन दी?” धकाः वय्‌कःयात हीमी चाय्‌कूगु दु।

यूहन्‍ना 14:23

वय्‌कलं लिसः बियादिल – “जितः माया याइम्‍हय्‌सिनं जिगु वचन नं मानय् याइ। अले बाःनं नं वयात माया यानादी। अले जिपिं वयाथाय् वये अले व नाप हे च्‍वने।

हिब्रू 12:14

फुक्‍कलिसे मिलय् जुयाच्‍वनेगु व पवित्र जुयाच्‍वनेगु कुतः या। पवित्र मजुइकं सुनानं प्रभुयात खनी मखु।

२ पत्रुस 3:13

थथे जुइ धुंकाः हानं मेगु हे न्‍हूगु आकाश व पृथ्‍वी दय्‌कादी धकाः परमेश्‍वरं धयादीगु दु। थ्‍व न्‍हूगु आकाश व पृथ्‍वीइ धर्मीपिं मनूत जक च्‍वने खनी। थ्‍व हे न्‍हूगु आकाश व पृथ्‍वीयात झीसं पियाच्‍वनागु खः।

प्रकाश 21:23

उकिं अन शहरय् झल्‍लल थीकेत सूर्य नं म्‍वाः तिमिला नं म्‍वाः। परमेश्‍वरया महिमां हे व शहर झल्‍लल थ्‍यू। अनयागु मत चीधिकःम्‍ह भ्‍याःचा थः हे खः।

प्रकाश 21:27

पवित्र मजूगु छुं हे अन दुकाइ मखु। घच्‍चायापुसे च्‍वंगु ज्‍याखँ यानाजुइपिं, अथवा मखुगु खँ ल्‍हानाजुइपिं सुं हे अन दुकाइ मखु। भ्‍याःचायागु जीवनयागु सफुलिइ च्‍वयातःपिं मनूतय्‌त जक अन दुकाइ।