भजनसंग्रहया सफू 47:9 - नेवाः बाइबल

⁹ अब्राहामया परमेश्‍वरया मनूतनापं जाति जातिया शासकत मुंगु दु। छाय्‌धाःसा पृथ्‍वीइ च्‍वंपिं फुक्‍क जुजुत परमेश्‍वरया ल्‍हातय् दु। वय्‌कः तसकं तःधंम्‍ह खः।

भजनसंग्रहया सफू 47:9 ပူးပေါင်းရင်းမြစ်များ

उत्‍पत्ति 49:10

यहूदाया ल्‍हातिइ न्‍ह्याबलें राजदण्‍ड दइ, वया सन्‍तानं न्‍ह्याबलें शासन याइ। जाति जातितय्‌सं वयात कोसेलि हइ अले इमिसं वयाः वयात भागि याइ।

भजनसंग्रहया सफू 46:10

“सुम्‍क च्‍वँ! जि परमेश्‍वर खः धकाः सीकि! जितः फुक्‍क जातियापिन्‍सं तःधंकी, संसारय् न्‍यंकभनं जितः तःधंकी।”

भजनसंग्रहया सफू 72:11

फुक्‍क जुजुपिं वयागु न्‍ह्यःने क्‍वछू वइ। फुक्‍क जातियापिन्‍सं वयागु सेवा याइ।

भजनसंग्रहया सफू 89:18

हे परमप्रभु, छिं जिमित रक्षा याइम्‍ह ल्‍ययादिल, छि इस्राएलया पवित्र परमेश्‍वरं हे जिमित जुजु बियादिल।

भजनसंग्रहया सफू 97:9

हे परमप्रभु, दक्‍वसिबय् तःधंम्‍ह, छि पृथ्‍वीयाम्‍ह शासक खः, छि फुक्‍क द्यःत स्‍वयाः तसकं तःधंम्‍ह खः।

प्रस्‍थान 3:15

परमेश्‍वरं हानं मोशायात धयादिल, “इस्राएलीतय्‌त धा, ‘परमप्रभु छिमि पुर्खाया परमेश्‍वर आर्थात अब्राहाम, इसहाक, याकूबया परमेश्‍वरं जितः छिमिथाय् छ्वयाहःगु खः।’ “न्‍ह्याबलेंया निंतिं जिगु नां थ्‍व हे खः। जिगु थ्‍व हे नामं जितः छिमिसं पुस्‍तां पुस्‍ता तक लुमंकेगु याइ।

प्रस्‍थान 3:6

वय्‌कलं हानं धयादिल, “जि छिमि पुर्खाया परमेश्‍वर खः, अब्राहाम, इसहाक व याकूबया परमेश्‍वर खः।” अले मोशां थःगु ख्‍वाः त्‍वपुल, छाय्‌धाःसा परमेश्‍वरयात स्‍वयेत व ग्‍यात।

हितोपदेश 30:5

परमेश्‍वरया फुक्‍क वचन सत्‍य खः। वय्‌कःयागु शरण काःवइपिनिगु निंतिं वय्‌कः ढाल खः।

यशैया 11:10

अले उखुन्‍हु मनूतय्‌गु निंतिं यिशैया हाया सन्‍तान छम्‍ह झण्‍डा थें दनी। जाति जातित फुक्‍क वय्‌कःयाथाय् मूंवइ, अले वय्‌कः छम्‍ह महिमां जाःगु आराम कायेगु थाय् जुइ।

यशैया 49:23

छंगु निंतिं जुजुपिं बौ थें अले इमि रानीपिं सुसाकुसा याइम्‍ह मां थें जुइ। इपिं छंगु न्‍ह्यःने बँय् भ्‍वसू वइ। इमिसं छंगु तुतिया धू फ्‍यइ। अनंलि छं थुइकि जि हे परमप्रभु खः, जिके भलसा तइपिं लाजय् लाइ मखु।”

यशैया 49:7

शासकतय् दासयात, सुयात जाति जातितय्‌सं तसकं घृणा याइ, परमप्रभु, उद्धार यानादीम्‍ह व इस्राएलया पवित्र परमेश्‍वरं थथे धयादी, “जुजुतय्‌सं छन्‍त खनी अले इपिं छन्‍थाय् न्‍ह्यःने दं वइ। छन्‍त शासकतय्‌सं नं खनी अले छंगु न्‍ह्यःने भ्‍वसू वइ। छाय्‌धाःसा परमप्रभु विश्‍वास याये बहःम्‍ह इस्राएलया पवित्र परमेश्‍वरं छन्‍त ल्‍ययादीगु दु।”

मत्ती 22:32

‘जि अब्राहामया, इसहाकया व याकूबया परमेश्‍वर खः।’ थुकियागु अर्थ वय्‌कः सीपिनि परमेश्‍वर मखु, बरु म्‍वाःपिनि परमेश्‍वर खः।”

रोमी 11:25

दाजुकिजापिं, थ्‍व गुप्‍ति खँ थुइकाः छिपिं थथः हे बुद्धिमान जुइगु स्‍वये मते। गुप्‍ति खँ थ्‍व हे खः – गुबलय् तक यहूदीमखुपिनिगु ल्‍याः गाइ मखु अबलय् तक यहूदीतय्‌गु मिखा चाली मखु।

गलाती 3:29

छिपिं ख्रीष्‍टया मनूत खःसा अब्राहामया सन्‍तान नं खः। अले परमेश्‍वरं बी धकाः बाचा चिनादीगु छिमित नं बियादी।