भजनसंग्रहया सफू 40:11 - नेवाः बाइबल

¹¹ हे परमप्रभु! छिं जितः दया माया यानादीगु गुबलें त्‍वःतादी मते। छिगु सदां दयाच्‍वनीगु दया माया व विश्‍वासं जितः सदां बचय् यानातयेमा।

भजनसंग्रहया सफू 40:11 ပူးပေါင်းရင်းမြစ်များ

भजनसंग्रहया सफू 23:6

जिं स्‍यू जिगु पलाः पतिकं छिं जितः माया व भिं यानाच्‍वनी। अले परमप्रभुया छेँय् जि सदां च्‍वने दइ।

भजनसंग्रहया सफू 43:3

छिगु जः व सत्‍ययात छ्वयाहयादिसँ, उमिसं हे जितः लँ क्‍यनेमा। अले छिगु पवित्र पर्वत सियोनय्, छि च्‍वनादीगु देगलय् जितः हयेमा।

भजनसंग्रहया सफू 57:3

वय्‌कलं जिगु निंतिं स्‍वर्गं ग्‍वाहालि छ्वयाहयादी, अले जितः बचय् यानादी। वय्‌कलं जितः लित्तुलिनाजूपिन्‍त बुकाछ्वयादी। सेला वय्‌कलं गुब्‍सं मफुइगु थःगु दया माया व वय्‌कः विश्‍वास याये बहःम्‍ह खः धकाः क्‍यनादी।

भजनसंग्रहया सफू 61:7

हे परमेश्‍वर, छिगु न्‍ह्यःने वं न्‍ह्याबलें राज्‍य यानाच्‍वनेमा। छिगु सदां दयाच्‍वनीगु माया व विश्‍वासं वयात सुरक्षा बियादिसँ।

भजनसंग्रहया सफू 69:13

जि धाःसा छिगु प्रार्थना यानाच्‍वना, हे परमप्रभु। जितः छिं ल्‍ययादीगु इलय् लिसः बियादिसँ, हे परमेश्‍वर! छिगु न्‍ह्याबलें दयाच्‍वनीगु मायाया कारणं छिगु धात्‍थेंया उद्धारं जितः लिसः बियादिसँ।

भजनसंग्रहया सफू 69:16

हे परमप्रभु, जितः लिसः बियादिसँ। छाय्‌धाःसा छिगु सदां दयाच्‍वनीगु माया तःधं। जिगु सः न्‍यनादिसँ छाय्‌धाःसा छि धात्‍थें दयां जाःम्‍ह खः।

भजनसंग्रहया सफू 85:10

सदां दयाच्‍वनीगु दया माया व विश्‍वास थःथवय् मिलय् जूगु दु, धार्मिकता व शान्‍ति थवंथः चुप्‍पा नइ।

भजनसंग्रहया सफू 89:2

छिगु सदां दयाच्‍वनीगु दया माया अले छिगु विश्‍वास याये बहःसू आकाश थें थातं च्‍वनी धकाः जिं स्‍यू।

हितोपदेश 20:28

परमेश्‍वरया दया व भलसां हे शासकतय्‌गु शासन बचय् जुयाच्‍वनी।

हिब्रू 5:7

संसारय् दीबलय् हे येशूं मिखाय् ख्‍वबि हाय्‌काः थःत हानं म्‍वाका दीम्‍हय्‌सित बिन्‍ति व प्रार्थना यानादिल। वय्‌कः क्‍वमिलुम्‍ह जूगुलिं व बाःयात दुनुगलंनिसें मानय् यानादीम्‍ह जूगुलिं वय्‌कःयागु बिन्‍ति व प्रार्थना परमेश्‍वरं न्‍यनादिल।