भजनसंग्रहया सफू 4:2 - नेवाः बाइबल

² हे मनूत! गुबलय् तक छिमिसं जिगु महिमायात मछालापुसे च्‍वंकाच्‍वनेगु? गुबलय् तक छिमिसं म्‍वाःमदुगु दोष बियाः जुयाच्‍वनेगु? गुबलय् तक छिपिं मखुगु खँया ल्‍यूल्‍यू जुयाच्‍वनेगु? सेला

भजनसंग्रहया सफू 4:2 ပူးပေါင်းရင်းမြစ်များ

भजनसंग्रहया सफू 106:20

इमिसं महिमाया परमेश्‍वरयात घाँय् नइम्‍ह द्वहंया मूर्ति नापं हिल।

भजनसंग्रहया सफू 14:6

दुष्‍टतय्‌सं मगाःमचाःपिनिगु ग्‍वसाः स्‍यंकाबी तर परमप्रभु इमित शरण बीम्‍ह खः।

भजनसंग्रहया सफू 2:1

जाति जातित छाय् ग्‍वसाः ग्‍वयाजुइ? मनूतय्‌सं छाय् म्‍वाःमदुगु जाः ग्‍वयाजुइ?

भजनसंग्रहया सफू 3:3

तर हे परमेश्‍वर! छि जिगु जवंखवं ढाल जुयाच्‍वनादीगु दु। छि जिगु गौरव खः, छिं हे जिगु छ्यं धस्‍वाका तयादीगु दु।

भजनसंग्रहया सफू 31:6

म्‍वाःमदुगु मूर्ति पुजा यानाजुइपिं जितः मयः। जिं ला परमप्रभुयागु जक भलसा कया।

भजनसंग्रहया सफू 5:6

मखुगु खँ ल्‍हानाजुइपिन्‍त छिं नाश यानादी। मनू स्‍यानाजुइपिं व झंगःलानाजुइपिं परमप्रभुयात तसकं मयः।

भजनसंग्रहया सफू 50:15

दुःखया इलय् जितः प्रार्थना या! जिं छन्‍त बचय् याये, अले छं जितः तःधंकी।”

भजनसंग्रहया सफू 57:4

जि मनू नइपिं सिंह थज्‍याःपिं शत्रुतय्‌गु दथुइ च्‍वंच्‍वनागु दु। थुमिगु वा भाला व वाण थें च्‍वं। थुमिगु मे ज्‍वःगु तरवार थें च्‍वं।

भजनसंग्रहया सफू 58:1

हे शासकपिं! छिमिसं छु न्‍याययागु हे खँ ल्‍हाना च्‍वनागु दु ला? छु छिमिसं मनूतय्‌त खःकथं न्‍याय यानाच्‍वनागु दु ला?

भजनसंग्रहया सफू 58:3

मभिंपिं मनूतय्‌सं मसीतले मभिंगु ज्‍या जक यानाच्‍वनी। बूसांनिसें हे इमिसं मखुगु खँ ल्‍हायेगु व बेक्‍वःगु लँय् जुइगु याइ।

भजनसंग्रहया सफू 63:11

जुजु परमेश्‍वरलिसे लय्‌तायाच्‍वनी। वय्‌कःयात विश्‍वास याइपिन्‍सं वय्‌कःयात तःधंकी। मखुगु खँ ल्‍हानाजुइपिनिगु म्‍हुतुप्‍वाः धाःसा ति।

भजनसंग्रहया सफू 72:2

छिकपिनि मनूतय्‌त वं धार्मिकतां शासन याये फयेमा, अले क्‍वत्‍यय्‌काच्‍वंपिन्‍त नं उतिग्‍यंक न्‍याय याये फयेमा।

प्रस्‍थान 10:3

उकिं मोशा व हारूनं वनाः फारोयात धाल, “हिब्रूतय् परमप्रभु परमेश्‍वरं थथे धयादी, ‘गुबलय् तक छ जिगु खँ मन्‍यंसे च्‍वनेगु? जिमि मनूतय्‌त जिगु आराधना यायेत वनेब्‍यु।

हितोपदेश 1:22

हे बुद्धि मदुपिं मनूत! गुबलय् तक छिपिं बुद्धि मदय्‌क च्‍वंच्‍वनेगु, गुबलय् तक कर्पिन्‍त नागःतुगः यानाः न्‍ह्यइपुकाच्‍वनेगु छिपिं, गुबलय् तक छिपिं मूर्खतय्‌सं ज्ञानयात मयय्‌का च्‍वनेगु?

उपदेशक 8:11

सुं नं मनुखं मभिंगु ज्‍या यात अले वयात याकनं हे दण्‍ड मबिल धाःसा मनूतय्‌सं नुगलय् मभिंगु ज्‍या यायेगु ग्‍वसाः ग्‍वइ।

उपदेशक 9:3

थ्‍व संसारय् याइगु फुक्‍क ज्‍याय् मभिंगु दु। फुक्‍कसिगु छगू हे कथं नाश जुइ। जिवंकाछि हे मनूतय्‌गु नुगलय् मभिंगु व वँय्‌यागु खँ जायाच्‍वनी। अले इपिं सी धुंकूपिंनापं हे मिलय् जू वनी।

यशैया 20:5

कूश देशयाके भलसा तःपिं व मिश्र देशया घमण्‍ड याइपिं फुक्‍क ग्‍याइ अले लाजय् लाइ।

यशैया 45:17

तर हे इस्राएलीत, छिपिं धाःसा परमप्रभुपाखें सदां दइगु उद्धारं बचय् जुइ। छिपिं गुबलें नं लाजय् लाइ मखु, अले लिपाथ्‍यंक छिमिगु गुबलें बेइज्‍जत जुइ मखु।

यशैया 59:4

सुनानं न्‍याय फ्‍वंगु मदु। सुनानं विश्‍वास यायेबहः जुयाः न्‍याय याःगु मदु। इमिसं ज्‍यागलय् मज्‍यूगु खँय् भरोसा तइ व मखुगु खँ ल्‍हाइ। इमिसं मभिंगु जाः ग्‍वइ अले अधर्म बुइकी।

यर्मिया 2:11

मेगु छुं नं जातिं थः द्यःतय्‌त उपिं ईश्‍वर मखुसां हीगु दु ला? तर जिमि प्रजां थःगु महिमां जाःम्‍ह परमेश्‍वरयात ज्‍यालगय् मजूपिं द्यःतनापं हिल।

यर्मिया 2:5

परमप्रभुं थथे धयादी, “छिमि पुर्खातय्‌सं जिके छु दोष खन? छुकिं यानाः इपिं जिपाखें तापात? इमिसं ज्‍यालगे मजूपिं मूर्तित पुजा यात, अले थः हे ज्‍यालगे मजुल।

यर्मिया 9:3

“इमिसं मखुगु खँ ल्‍हायेत थःपिनिगु मेयात धनुष थें बेक्‍वयेकीगु। इमिगु देशय् सत्‍य मखु, बेइमानी हे बेइमानी दु। इमिसं मभिंगु ज्‍या याना जुइ, इमिसं जितः म्‍हमस्‍यू,” परमप्रभुं धयादी।

होशे 4:7

गुलि गुलि पुजाहारीया ल्‍याः अप्‍वयावल, उलि हे अप्‍वः इमिसं जिगु विरोधय् पाप याना हल। अथे जुयाः जिं छिमिगु मान इज्‍जतयात लज्‍याय् हिलाबी।

योना 2:8

म्‍वाःमदुगु मूर्तियात पुजा याइपिन्‍सं परमप्रभुयागु भक्तियात त्‍वःती।

गन्‍ती 14:11

परमप्रभुं मोशायात धयादिल, “थुमिसं जितः गुबलय् तक हेला यानाच्‍वनी? जिं थुमिगु न्‍ह्यःने उलिमछि अजू चायापुगु ज्‍या याये धुन, अय्‌नं थुमिसं जितः गुबलय् तक विश्‍वास याइ मखु?

प्रेरित 24:9

व नाप वःपिं यहूदीतय् नायःतय्‌सं नं वं धाःगु खँ सत्‍य खः धकाः बडा-हाकिमयात धाल।

१ कोरिन्‍थी 1:31

अय्‌जूगुलिं धर्मशास्‍त्रय् थथे च्‍वयातःगु दु – “सुयां तःधंछुइ मास्‍ति वःसा परमेश्‍वरं यानादीगु खँय् तःधंछु।”

एफिसी 4:25

अय्‌जूगुलिं मखुगु खँ ल्‍हायेगु त्‍वःताः थःथवय् खःगु खँ जक ल्‍हाना जु, छाय्‌धाःसा झीपिं फुक्‍कं ख्रीष्‍टयागु म्‍हया छता छता म्‍हब्‍व खः।

१ शमूएल 12:21

ज्‍यालगय् मजूपिं द्यःतय् ल्‍यू वने मते। इमिसं न त ग्‍वाहालि याये फइ न बचय् याये फइ छाय्‌धाःसा इपिं ज्‍यालगय् मजूपिं खः।