भजनसंग्रहया सफू 38:6 - नेवाः बाइबल

⁶ जि थस्‍वये मफये धुन, जिगु म्‍ह छम्‍हं स्‍याये धुंकल। न्‍हिच्‍छि न्‍हिच्‍छिं जि ख्‍वयाः सनाजुयाच्‍वना।

भजनसंग्रहया सफू 38:6 ပူးပေါင်းရင်းမြစ်များ

अय्‍यूब 30:28

निभाः मदय्‌कः हे जिगु ख्‍वाः खिउँसे च्‍वनाः जि हाकुस्‍य च्‍वने धुंकल, ग्‍वाहालिया निंतिं बिन्‍ति यायेत जि सभाय् दनाच्‍वने।

अय्‍यूब 7:5

जिगु म्‍ह कि हे कि व घाःपुइंनं जाःगु दु, अले जिगु छेंगू तज्‍यानाः न्‍हि पिहांवयाच्‍वंगु दु।

भजनसंग्रहया सफू 107:17

छुं मनूत थःगु हे विद्रोही पहलं यानाः मूर्ख जुल, अले थःगु अपराधं यानाः दुःख सिल।

भजनसंग्रहया सफू 145:14

वय्‌कलं क्‍वत्‍यकाच्‍वने माःपिन्‍त ग्‍वाहालि बियादी, अले ग्‍वतूपिन्‍त थनादी।

भजनसंग्रहया सफू 31:10

जिगु जीवन दुःखं जाः। दँदंनिसें जिं झसुकाः जक तयाच्‍वना। पीरं यानाः जि बमलायेधुन। जिगु क्‍वँय् नं न्‍यले धुंकल।

भजनसंग्रहया सफू 35:14

जिं थः पासा व दाजुकिजाया निंतिं थें प्रार्थना याना, जिं थः हे मांया दुःखं च्‍वना थें इमिगु निंतिं दुःखं च्‍वना।

भजनसंग्रहया सफू 42:5

जिगु नुगः छाय् थपाय्‌सक क्‍वतुंगु? जि छाय् थपाय्‌सकं नुगः मछिंगु? जिं अज्‍ज नं परमेश्‍वरयाके आशा तयाः वय्‌कःयात, जितः बचय् याइम्‍हय्‌सित तःधंके।

भजनसंग्रहया सफू 42:9

जिं जिगु ल्‍वहंधी परमेश्‍वरयात धाये, “छिं जितः छाय् ल्‍वःमंकादियागु? शत्रुतय्‌सं क्‍वत्‍यय्‌काः, जि छाय् ख्‍वयाजुइमाःगु?

भजनसंग्रहया सफू 43:2

हे परमेश्‍वर, छि हे जिगु शरण खः। छिं जितः छाय् त्‍वःतादियागु? शत्रुतय्‌सं क्‍वत्‍यय्‌काः जि छाय् ख्‍वयाजुइमाःगु?

भजनसंग्रहया सफू 57:6

जिमि शत्रुतय्‌सं जिगु निंतिं जाः ग्‍वयातःगु दु। जि दुःखं न्‍यलेधुन। इमिसं जिगु लँय् गाः म्‍हुयातल, तर इपिं थःपिं हे व गालय् कुतुंवन। सेला

भजनसंग्रहया सफू 6:6

झसुकाः ततं जि त्‍यानुइ धुंकल। चच्‍छिं ख्‍वयाः जिं थःगु लासा प्‍याकाच्‍वना।

भजनसंग्रहया सफू 88:9

जितः जूगु दुःखया लागि ख्‍वःख्‍वं जिगु मिखा बुलुसे च्‍वने धुंकल। हे परमप्रभु, जिं छितः न्‍हियान्‍हिथं प्रार्थना यानागु दु, जिं थःगु ल्‍हाः छिपाखे ल्‍ह्वनागु दु।

यशैया 38:14

इखुंचा व सलांत्‍याः झंगलं थें जिं चिरबिर यानाः हाला। सुकुभत्तुं थें विलाप याना, च्‍वय्‌ आकाशय् स्‍वस्‍वं हे जिगु मिखा त्‍यानुइ धुंकल। हे परमप्रभु, जि दुःखय् लाःगु दु। छिं हे जितः ग्‍वाहालि यानादिसँ।”