भजनसंग्रहया सफू 3:3 - नेवाः बाइबल

³ तर हे परमेश्‍वर! छि जिगु जवंखवं ढाल जुयाच्‍वनादीगु दु। छि जिगु गौरव खः, छिं हे जिगु छ्यं धस्‍वाका तयादीगु दु।

भजनसंग्रहया सफू 3:3 ပူးပေါင်းရင်းမြစ်များ

उत्‍पत्ति 15:1

थथे जूगुयां छुं ई लिपा परमप्रभुं अब्रामयात दर्शन बियाः थथे धयादिल, “ग्‍याये मते अब्राम। जिं छन्‍त बचय् याये। जिं छन्‍त तःधंगु सिरपाः बी।”

उत्‍पत्ति 40:13

स्‍वन्‍हुया दुने हे फारों छितः छिगु ज्‍या लित बियाः छिगु छ्यं धस्‍वाकाबी। अले न्‍हापा याना थें छिं फारोया ख्‍वला वय्‌कःया ल्‍हातिइ तयादी खनी।

२ राजा 18:30

हिजकियां हेय्‌काः छिमित थथे धया परमप्रभुयाके भलसा याके नं मबीमा, ‘परमप्रभुं धात्‍थें हे झीत छुत्‍कारा यानादी। वय्‌कलं थ्‍व शहर अश्‍शूरया जुजुया ल्‍हातय् लःल्‍हानादी मखु।’

२ राजा 18:32

लिपा धाःसा छिमिगु हे थें ज्‍याःगु अन्‍न व न्‍हूगु दाखमद्य अले मरि व दाखक्‍यब, जैतूनया सिमा व कस्‍तिं जाःगु देशय् जिं छिमित यंके। सीगु पलेसा म्‍वायेगु ल्‍य! “हिजकियाया खँ न्‍यने मते! ‘परमप्रभुं झीत बचय् यानादी’ धकाः धयाः वं छिमित ध्‍वंलानाच्‍वंगु दु।

२ राजा 25:27

एबील-मरोदक बेबिलोनयाम्‍ह जुजु जूगु दँय् वं यहोयाकीनयात झ्‍यालखानां त्‍वःतल। यहोयाकीनयात ज्‍वनाः बेबिलोनय् यंकूगु स्‍विन्‍हय्‌दँया झिंनिलाया निइन्‍हय्‌न्‍हु लिपा थथे जूगु खः।

भजनसंग्रहया सफू 110:7

जुजुं लँय् लिकसं लाःगु खुसिया लः त्‍वनी, अथे जुयाः वय्‌कलं थःगु छ्यं धस्‍वाकी।

भजनसंग्रहया सफू 119:114

छि जिगु शरण कायेगु थाय् व ढाल खः, जिं छिगु वचनय् आशा तयागु दु।

भजनसंग्रहया सफू 18:2

परमप्रभु जिगु निंतिं ल्‍वहंधी थें खः, परमप्रभु जिगु किल्‍ला खः, जितः उद्धार याइम्‍ह खः। जिमि परमेश्‍वर जिगु निंतिं ल्‍वहंधी थें खः, गुकिं जितः रक्षा याइ। वय्‌कः जिगु ढाल खः, जितः बचय् याइगु शक्ति खः, शरण कायेगु थाय् खः।

भजनसंग्रहया सफू 27:6

आः जिगु छ्यं जिमि शत्रुतय्‌गु न्‍ह्यःने धस्‍वाइ। अले जि वय्‌कःयागु पवित्रगु थासय् बलि बियाः लय्‌तायाच्‍वने। जिं भजन हाले, जिं परमप्रभुया प्रशंसा याये।

भजनसंग्रहया सफू 28:7

परमप्रभु जिगु बल खः, अले जिगु ढाल नं। जिं दुनुगलंनिसें वय्‌कःयागु भलसा कयागु दु। वय्‌कलं जितः ग्‍वाहालि यानादी, अले जिगु नुगः लसतां जाः। जिं वय्‌कःयात तःधंकाः म्‍ये हाले।

भजनसंग्रहया सफू 4:3

परमेश्‍वरं धर्मीतय्‌त थःगु हे निंतिं ल्‍ययातःगु खः धकाः छिमिसं थुइकि। जिं सःतेबलय् परमेश्‍वरं जितः लिसः बियादी!

भजनसंग्रहया सफू 62:7

जिगु उद्धार परमेश्‍वरपाखें जक जुइ। परमेश्‍वरपाखें जक जितः इज्‍जत दइ। वय्‌कः जिगु शरण कायेगु थाय् खः। वय्‌कः जिगु किल्‍ला खः।

भजनसंग्रहया सफू 84:11

परमप्रभु परमेश्‍वर सूर्य व ढाल खः, परमप्रभुं दया माया यानादी अले इज्‍जत बियादी। भिंगु ज्‍या याइपिन्‍त वय्‌कलं फुक्‍क भिंगु बियादी।

यशैया 45:25

तर परमप्रभुं हे फुक्‍क इस्राएलया सन्‍तानतय्‌त बचय् यानादी। इपिं सकसिनं वय्‌कःया प्रशंसा याइ।

यशैया 60:19

न्‍हिनय् सूर्यनं छन्‍त गुबलें जः बी मखु, न तिमिलां हे छन्‍त जः बिया ज्‍वल्‍ल थीकी, छाय्‌धाःसा परमप्रभु हे छंगु निंतिं सदांया जः जुइ, छिमि परमेश्‍वर धाःसा छंगु महिमा जुयादी।

लूका 2:32

यहूदीमखुपिन्‍त नं लँ क्‍यनीम्‍ह वय्‌कः मुक्तिदाता व जः खः। उकिं वय्‌कः मुक्तिदाता झायादीगुलिं मनूतय्‌सं झी इस्राएलीतय्‌त तःधंकी।”

व्‍यवस्‍था 33:29

इस्राएल, छिपिं धन्‍यपिं खः! छिमित थें मेपिं सुयात बचय् यानादीगु दु, छिपिं थें ज्‍याःपिं धन्‍य जाति मेपिं सु दु? परमप्रभु थः हे छिमित ग्‍वाहालि याइगु ढाल व त्‍याकीगु तरवार खः। छिमि शत्रुत छिमिगु न्‍ह्यःने ग्‍यानाः कय्‌कुनाच्‍वनी, अले छिमिसं इमित न्‍हुइ।”

प्रकाश 21:11

व शहर परमेश्‍वरयागु जलं झल्‍लल थिनाच्‍वन, अले तसकं थिकेगु मणि थी थें फुक्‍कं खनेदय्‌कः झल्‍लल थिनाच्‍वन।

प्रकाश 21:23

उकिं अन शहरय् झल्‍लल थीकेत सूर्य नं म्‍वाः तिमिला नं म्‍वाः। परमेश्‍वरया महिमां हे व शहर झल्‍लल थ्‍यू। अनयागु मत चीधिकःम्‍ह भ्‍याःचा थः हे खः।