भजनसंग्रहया सफू 22:9 - नेवाः बाइबल

⁹ छिं हे जितः मांया प्‍वाथं बुइकादिल। अले मांया मुलंनिसें हे छिं जितः छिके भलसा तइम्‍ह यानादिल।

भजनसंग्रहया सफू 22:9 ပူးပေါင်းရင်းမြစ်များ

भजनसंग्रहया सफू 71:17

हे परमेश्‍वर, छिं जितः मचांनिसें स्‍यनादीगु दु। अले जिं आः तकं छिं यानादीगु अजू चायापुगु ज्‍या मेपिन्‍त कनावयाच्‍वनागु दु।

भजनसंग्रहया सफू 71:6

बूसांनिसें हे जि छिगु भरोसाय् दु। मांया प्‍वाथंनिसें हे छिं जितः बिचाः यानाच्‍वनादीगु दु। उकिं जिं सदां छिगु प्रशंसा याये।

यशैया 9:6

छाय्‌धाःसा झीगु निंतिं छम्‍ह मचा बूगु दु। झीगु निंतिं छम्‍ह काय् ब्‍यूगु दु। वं हे झीत राज्‍य याइ। वय्‌कःया नां “तसकं अजू चाइपुसे च्‍वंम्‍ह सल्‍लाहकार,” “शक्ति दुम्‍ह परमेश्‍वर,” “सदांयाम्‍ह अबु,” “शान्‍तिया राजकुमार” जुइ।