भजनसंग्रहया सफू 21:7 - नेवाः बाइबल

⁷ जुजुं परमप्रभुयाके भलसा तःगुलिं अले दक्‍वसिबय् तःधंम्‍हसिया सदां दइगु दया मायां यानाः व गुबलें लिचिले माली मखु।

भजनसंग्रहया सफू 21:7 ပူးပေါင်းရင်းမြစ်များ

भजनसंग्रहया सफू 16:8

जिं स्‍यू, परमप्रभु जिलिसें न्‍ह्याबलें दु। जितः छुकिं नं संके फइ मखु, छाय्‌धाःसा परमप्रभु जिलिसें दु।

भजनसंग्रहया सफू 91:2

जिं परमप्रभुया बारे धाये, “वय्‌कः जिगु शरण कायेगु थाय् व किल्‍ला खः, वय्‌कः जिमि परमेश्‍वर खः, जिं वय्‌कःयात भरोसा याना।”

भजनसंग्रहया सफू 26:1

हे परमप्रभु, जि दोष मदुम्‍ह खः धकाः सकसितं क्‍यनादिसँ। छाय्‌धाःसा जिं भिंगु व खःगु जक ज्‍याखँ यानागु दु। अले छफुति हे लिमच्‍युसे परमप्रभुयागु भलसा कयागु दु।

भजनसंग्रहया सफू 18:2

परमप्रभु जिगु निंतिं ल्‍वहंधी थें खः, परमप्रभु जिगु किल्‍ला खः, जितः उद्धार याइम्‍ह खः। जिमि परमेश्‍वर जिगु निंतिं ल्‍वहंधी थें खः, गुकिं जितः रक्षा याइ। वय्‌कः जिगु ढाल खः, जितः बचय् याइगु शक्ति खः, शरण कायेगु थाय् खः।

भजनसंग्रहया सफू 9:2

जि छिलिसे लय्‌तायाच्‍वने, हे दक्‍वसिबय् तःधंम्‍ह परमप्रभु, जिं छिगु नामय् भजन हाले।

हिब्रू 2:13

अले थथे नं च्‍वयातःगु दु – “परमेश्‍वरयाके हे जिं भरोसा तयाच्‍वने।” अले थथे नं च्‍वयातःगु दु – “स्‍व, परमेश्‍वरं जितः बियादीपिं वय्‌कःया काय्‌म्‍ह्याय्‌पिं नाप जि च्‍वनाच्‍वनागु दु।”

दानिएल 7:14

वय्‌कःयात अधिकार, हनाबना व राज्‍य बिल। जाति जाति, देश देश व थीथी भाय् ल्‍हाइपिं सकसिनं वय्‌कःयागु आराधना यात। वय्‌कःया शासन न्‍ह्याबलें दयाच्‍वनी अले वय्‌कःया राज्‍य गुबलें क्‍वचाइ मखु।

१ शमूएल 30:6

अनंलि थथःपिनि काय्‌म्‍ह्याय् व ज्‍वनायंकूगुलिं दाऊदया मनूतय्‌सं तं पिकयाः दाऊदयात ल्‍वहंत कय्‌केगु ख्‍याच्‍वः बिल। अले दाऊदयात वयाये थ्‍वयाये मन्‍त। तर परमप्रभु थः परमेश्‍वरपाखें जक दाऊदयात बल दत।

मत्ती 27:43

थ्‍वं परमेश्‍वरयात विश्‍वास यानाः – ‘जि परमेश्‍वरया काय् खः’ धयाजुल। थ्‍व खनाः परमेश्‍वर धात्‍थें हे लय्‌ताः धयागु जूसा वय्‌कलं हे थ्‍वयात बचय् यानादी।”

भजनसंग्रहया सफू 61:4

छिगु थासय् जितः सदांया निंतिं च्‍वने बियादिसँ। छिगु पपूया किचलय् जितः सुरक्षित यानाः तयादिसँ। सेला

भजनसंग्रहया सफू 13:5

जितः छिगु सदां दइगु दया मायाय् विश्‍वास दु, अले जि छिं बचय् यानादीगुलिइ लय्‌तायाच्‍वने।

भजनसंग्रहया सफू 45:3

हे दकले बल्‍लाःम्‍ह जुजु! थःगु महिमा व प्रतापनापं थःगु तरवार जँय् घानादिसँ।

भजनसंग्रहया सफू 72:17

वयागु नां न्‍ह्याबलें लुमनाच्‍वनेमा। सूर्य दतले वयागु नां जायाच्‍वनेमा। फुक्‍क जातियापिन्‍सं वयापाखें परमेश्‍वरया आशिष कायेमा। सकसिनं वयात धन्‍य धायेमा।