भजनसंग्रहया सफू 17:7 - नेवाः बाइबल

⁷ थःगु अजू चायापुगु माया क्‍यनादिसँ, अले जिमित बचय् यानादिसँ। छिनापं च्‍वनेबलय् जिमित जिमि शत्रुतय्‌सं छुं याये फइ मखु।

भजनसंग्रहया सफू 17:7 ပူးပေါင်းရင်းမြစ်များ

२ राजा 19:22

छं सुयात क्‍वह्यंका व ब्‍वः बिया? अले सुयागु विरोधय् छं न्‍ववानागु व तःधंछुयागु दु? इस्राएलया पवित्र परमेश्‍वरया विरोधय् मखु ला?

२ राजा 19:34

थःगु निंतिं व जिमि च्‍यः दाऊदया निंतिं, जिं थ्‍व शहरयात रक्षा यानाः बचय् याये।”

२ इतिहास 16:9

छाय्‌धाःसा गुम्‍हय्‌सिगु नुगः परमप्रभुया निंतिं विश्‍वास यायेबहः जू, इमिगु निंतिं थःत बल्‍लाःम्‍ह क्‍यनेत वय्‌कलं थःगु मिखा पृथ्‍वीया फुक्‍क थासय् थुखे उखे ब्‍वय्‌का च्‍वनादी। थुकी छिं मूर्ख ज्‍या यानादिल। उकिं आवंलि छिगु निंतिं लडाइँ हे लडाइँ जुइ।”

भजनसंग्रहया सफू 20:6

आः जिं सिल, परमप्रभुं थःम्‍हं अभिषेक यानादीम्‍ह जुजुयात ग्‍वाहालि यानादी। वय्‌कलं पवित्र स्‍वर्गं वयात लिसः बियादी। अले थःगु शक्तिं वयात बचय् यानादी।

भजनसंग्रहया सफू 31:21

परमप्रभुयात तःधंकि, छाय्‌धाःसा वय्‌कलं जितः थःगु सदां दयाच्‍वनीगु अजू चायापुगु माया क्‍यनादीगु दु। जिगु शहरय् हमला यायेत वःबलय् वय्‌कलं जितः बचय् यानादिल।

भजनसंग्रहया सफू 31:22

जि छत्‍थुं ग्‍यानाः हाला, “जितः परमप्रभुपाखें तापाकल।” तर जिं ग्‍वाहालिया निंतिं छितः प्रार्थना यानाबलय् छिं जितः लिसः बियादिल।

भजनसंग्रहया सफू 44:3

इमिसं तरवारया बलं देश त्‍याकाकाःगु मखु, इपिं थःगु शक्तिं त्‍याःपिं नं मखु। छिगु हे जव ल्‍हातं, छिगु हे लप्‍पां व छिगु ख्‍वाःया जलं इपिं त्‍याःगु खः। छाय्‌धाःसा छिं इमित यय्‌कादिल।

भजनसंग्रहया सफू 60:5

छिं बल्‍लाःगु जव ल्‍हातं जिमित बचय् यानादिसँ, जिमिगु प्रार्थनाया लिसः बियादिसँ। छिं माया यानातःपिं मनूत बचय् जुइमा।

भजनसंग्रहया सफू 78:12

वय्‌कलं मिश्र देशयागु सोअन धाःगु थासय् इमि तापाःबाज्‍यापिन्‍त अजू चायापुगु ज्‍याखँ यानाः क्‍यनादीगु खः।

प्रस्‍थान 15:6

हे परमप्रभु छिगु जव ल्‍हातय् तःजिगु शक्ति दु। हे परमप्रभु छिगु जव ल्‍हातं शत्रुयात नाश यानाबिल।

यशैया 41:10

अथे जुयाः ग्‍याये मते, छाय्‌धाःसा जि छनापं हे दु। नुगः क्‍वतुंके मते, छाय्‌धाःसा जि हे छिमि परमेश्‍वर खः। जिं छन्‍त बल्‍लाके। जिं छन्‍त ग्‍वाहालि याये। जिगु धार्मिकताया जव ल्‍हातं जिं छन्‍त तिबः बी।

प्रेरित 2:33

परमेश्‍वर बाःनं नं वय्‌कःयात थःगु जवय् तयाः तःधंकादिल। अले परमेश्‍वरं बियादी धकाः धयादीगु पवित्र आत्‍मा वय्‌कःयात बियादिल। थथे वय्‌कलं हे जिमित नं पवित्र आत्‍मा बियादिल। छिकपिन्‍सं ताःगु व खंगु फुक्‍कं पवित्र आत्‍मायागु हे ज्‍या खः।

प्रकाश 15:3

परमेश्‍वरया दास मोशां च्‍वयातःगु म्‍ये व चीधिकःम्‍ह भ्‍याःचायागु छपु म्‍ये इमिसं थुकथं हाल – “दक्‍वसिबय् तःधंम्‍ह व शक्ति दुम्‍ह परमप्रभु परमेश्‍वर, छिं यानादीगु ज्‍या तसकं तःधं व अजू चायापु। जाति जातिया जुजु, छिगु लँपु सत्‍य व पाय्‌छि जु।