भजनसंग्रहया सफू 146:3 - नेवाः बाइबल

³ शासकतय्‌गु भलसा काये मते, सुं मनूयागु नं भलसा काये मते, छाय्‌धाःसा छन्‍त सुं मनुखं बचय् याये फइ मखु।

भजनसंग्रहया सफू 146:3 ပူးပေါင်းရင်းမြစ်များ

२ राजा 6:27

जुजुं लिसः बिल, “परमप्रभुं हे छन्‍त ग्‍वाहालि यानामदी धाःसा छु जिं छन्‍त ग्‍वाहालि याये फइ ला? जिके छ्व व दाखमद्य छुं नं मदु।”

२ इतिहास 16:7

अबलय् हनानी अगमवक्तां यहूदायाम्‍ह जुजु आसायाथाय् वनाः थथे धाल, “छिं अरामया जुजुयागु भरोसा कयादिल। तर परमप्रभु झी परमेश्‍वरयागु भरोसा कयामदी। अथे जुयाः छिं अरामया जुजुया सिपाइँतय्‌त नाश यायेगु मौका त्‍वःफिकल।

भजनसंग्रहया सफू 108:12

शत्रुतलिसें ल्‍वायेत जिमित ग्‍वाहालि यानादिसँ। छाय्‌धाःसा मनूतय्‌गु ग्‍वाहालि ज्‍याख्‍यलय् मदु।

भजनसंग्रहया सफू 60:11

शत्रुतलिसे ल्‍वायेत जिमित ग्‍वाहालि यानादिसँ छाय्‌धाःसा मनूतय्‌गु ग्‍वाहालि ज्‍याख्‍यलय् मदु।

भजनसंग्रहया सफू 62:9

चिधंपिं मनूत छम्‍हू सासः जक खः। तःधंपिं मनूत पिनें खने दु थें मदु। लनास्‍वल धाःसा इपिं याउँसे च्‍वं, निम्‍हु फय् स्‍वयाः याउँसे च्‍वं।

यशैया 2:22

छम्‍हू जक सासः दुम्‍ह मनूतय्‌के भलसा तये मते। व छु हे मू वंम्‍ह खः धकाः?

यशैया 22:25

दक्‍व शक्ति दुम्‍ह परमप्रभुं धयादी, “व दिंखुन्‍हु व तसकं बल्‍लाःगु थासय् तानातःगु की लिहां वइ। व त्‍वधुलाः बँय् कुतुं वनी, उकी यग्‍गानाच्‍वंगु कु नाश जुइ,” परमप्रभुं धयादी।

यशैया 31:3

तर मिश्रीत ला मनूत जक खः परमेश्‍वर मखु। इमि सलत म्‍ह खः, आत्‍मा मखु। परमप्रभुं थःगु ल्‍हाः ल्‍ह्वनादीबलय् ग्‍वाहालि याइपिं लुफिं हाइ अले ग्‍वाहालि काःपिं क्‍वदली, इपिं निगू पुचलं छक्‍वलं नाश जुइ।

यशैया 37:6

यशैयां इमित धाल, “छिमि मालिकयात धा, ‘परमप्रभुं थथे धयादी – थुपिं अश्‍शूरयाम्‍ह जुजुया च्‍यःतय्‌सं जितः क्‍वह्यंकाः धाःगु खँ न्‍यनाः छ ग्‍याये मते।