भजनसंग्रहया सफू 143:4 - नेवाः बाइबल

⁴ उकिं जि निराश जुयागु दु, जिगु नुगः ख्‍वःगु दु।

भजनसंग्रहया सफू 143:4 ပူးပေါင်းရင်းမြစ်များ

अय्‍यूब 6:27

छिकपिन्‍सं ला मांबौ मदुपिनिगु लागि चिट्ठा तयादी, थः पासापिन्‍त तकं हिलादी।

भजनसंग्रहया सफू 102:1

हे परमप्रभु, जिगु प्रार्थना न्‍यनादिसँ, ग्‍वाहालिया निंतिं यानागु जिगु इनाप न्‍यनादिसँ।

भजनसंग्रहया सफू 124:4

खुसिबालं झीत त्‍वपुये धुंकीगु, अले लःधाः झीगु म्‍हया च्‍वय्‌नं न्‍ह्याये धुंकीगु।

भजनसंग्रहया सफू 142:3

जि निराश जूबलय् छिं जितः छु जुयाच्‍वंगु दु धकाः स्‍यू। जि वनेत्‍यनागु लँपुइ जिमि शत्रुतय्‌सं जिगु लागि जाः ह्वःगु दु।

भजनसंग्रहया सफू 142:4

जिगु जवपाखे स्‍वयादिसँ। जिगु धन्‍धा काइम्‍ह सुं हे मदु। जिं शरण कायेगु थाय् गनं मदु। सुनानं जितः वास्‍ता याइ मखु।

भजनसंग्रहया सफू 25:16

जिपाखे स्‍वयादिसँ, अले जितः दया यानादिसँ, छाय्‌धाःसा जि याकःचा जुल, अले जितः तसकं कष्‍ट जुयाच्‍वंगु दु।

भजनसंग्रहया सफू 55:5

ग्‍यानाः जि थुरथुर खाये धुन जिगु म्‍हय् ज्‍यू मदये धुंकल।

भजनसंग्रहया सफू 61:2

जि नुगः मछिन कि पृथ्‍वीया ताताःपाःगु थासं जिं छितः ग्‍वाहालिया निंतिं बिन्‍ति याये। जितः सदां सुरक्षित जुइगु ल्‍वहंधिकय् यंकादिसँ।

भजनसंग्रहया सफू 77:3

परमेश्‍वरयागु बिचाः यायेबलय् जिं झसुकाः तये। ध्‍यान यायेबलय् नं जिगु नुगः क्‍वतुनावनी। सेला

भजनसंग्रहया सफू 77:6

जिं बहनिइ थःगु म्‍ये लुमंका जिं ध्‍यानय् दुनाः थःत हे न्‍यना,

लूका 22:44

अले नुगलय् तसकं हीसे च्‍वनाः नुगः हे ह्वगनि थें च्‍वंगुलिं वय्‌कलं झन तसकं मन बियाः प्रार्थना यानादिल। वय्‌कःयागु चःति हि थें ततःफुति जुयाः बँय् तिकि ननाच्‍वन।