भजनसंग्रहया सफू 143:3 - नेवाः बाइबल

³ शत्रुं जितः लित्तुली, वं जितः बँय् न्‍हुत्तुमत्तु न्‍हुइ। यक्‍व न्‍हापा हे सी धुंकूपिं थें यानाः वं जितः खिउँगु थासय् तःगु दु।

भजनसंग्रहया सफू 143:3 ပူးပေါင်းရင်းမြစ်များ

२ शमूएल 18:11

थ्‍व खँ कंवःम्‍हय्‌सित योआबं धाल, “छं वयात धात्‍थें हे खंगु खः ला? अय्‌सा छं उबलय् छाय् वयात मस्‍यानागु? छं वयात स्‍याःगु जूसा जिं छन्‍त झिकू वहःया कुचा व पद थकयागु चिंकथं जँनी बिइगु।”

२ शमूएल 2:22

अबनेरं हाकनं “जितः लिइगु त्‍वःति” धकाः ख्‍याच्‍वः बिल। वं धाल, “जिं छन्‍त गथे यानाः स्‍यायेगु? छिमि दाजु योआबयात जिं गुकथं ख्‍वाः क्‍यनेगु?”

भजनसंग्रहया सफू 142:6

हे परमप्रभु, जिगु बिन्‍ति न्‍यनादिसँ। छाय्‌धाःसा जिगु अवस्‍था तसकं बांमलाय् धुंकल। जिगु ल्‍युने ल्‍युने वःपिं मनूतपाखें जितः बचय् यानादिसँ, छाय्‌धाःसा इपिं जि स्‍वयाः यक्‍व बल्‍लाः।

भजनसंग्रहया सफू 35:4

जितः स्‍यायेत स्‍वयाच्‍वंपिन्‍त व स्‍यंकेत स्‍वयाच्‍वंपिन्‍त मछालापुसे च्‍वंक लिनाछ्वयादिसँ।

भजनसंग्रहया सफू 54:3

शत्रुत जिगु विरोधय् जुयाच्‍वंगु दु। ग्‍यानापुसे च्‍वंपिं मनूतय्‌सं जितः स्‍यायेत स्‍वयाच्‍वंगु दु। इमिसं परमेश्‍वरयागु भय मकाः। सेला

भजनसंग्रहया सफू 7:5

जिमि शत्रुतय्‌सं जितः लिनाः ज्‍वनेमा, इमिसं जितः बँय् न्‍हुत्तुमत्तु न्‍हुयाः स्‍यायेमा। सेला

भजनसंग्रहया सफू 7:6

हे परमप्रभु, दनाः थःगु तं क्‍यनादिसँ। जिमि शत्रुतय्‌गु तंया विरोधय् दनादिसँ। हे परमेश्‍वर, न्‍ह्यलं चाय्‌कादिसँ, अले न्‍याय यानादिसँ।

विलाप 3:6

वय्‌कलं जितः यक्‍व दिनंनिसें सीम्‍ह थें खिउँगु थासय् तयादीगु दु।

इजकिएल 37:11

अले वय्‌कलं जितः धयादिल, “अय् सीमानिम्‍ह मनू, थुपिं क्‍वँय्‌त इस्राएलया फुक्‍क घराना खः। इमिसं धाइगु, ‘झीगु क्‍वँय्‌त गनावने धुंकल, अले झीगु आशा मदये धुंकल, झीपिं नाश जूगु दु।’

मीका 7:8

हे जिम्‍ह शत्रु, जितः हेस्‍यानाः लय्‌ताये मते। जि क्‍वःदसां हाकनं दनावये। जि खिउँथासय् दुसां परमप्रभु जिगु जः जुयादी।