भजनसंग्रहया सफू 140:2 - नेवाः बाइबल

² इमिसं थःगु नुगलय् मभिंगु ग्‍वःसा ग्‍वइ, अले न्‍हियान्‍हिथं ल्‍वापु थनाच्‍वनी।

भजनसंग्रहया सफू 140:2 ပူးပေါင်းရင်းမြစ်များ

भजनसंग्रहया सफू 120:7

जितः ला शान्‍ति यः, तर जिं शान्‍तिया खँ ल्‍हाइबलय् इपिं लडाइँ यायेत तयार जुइगु।

भजनसंग्रहया सफू 21:11

इमिसं जुजुया विरोधय् जाः ग्‍वःसां इमिगु मभिंगु ग्‍वसाः पूवनि मखु।

भजनसंग्रहया सफू 36:4

लासाय् ग्‍वारातुलीबलय् तक नं इमिसं मभिंगु ग्‍वसाः ग्‍वयाच्‍वनी। इमिगु ज्‍या छुं नं भिंगु मदु। मभिंगु यायेत धाःसा इपिं छपलाः हे लिचिली मखु।

भजनसंग्रहया सफू 38:12

जितः स्‍यायेत स्‍वयाच्‍वंपिन्‍सं थुबलय् हे जाः ग्‍वयाच्‍वंगु दु, जिगु मभिं तुनाच्‍वंपिन्‍सं जितः सिधय्‌केगु ख्‍याच्‍वः बियाच्‍वंगु दु। न्‍हियान्‍हिथं इमिसं जिगु विरोधय् जाः ग्‍वयाच्‍वंगु दु।

भजनसंग्रहया सफू 56:6

इमिसं न्‍ह्याबलें जितः स्‍यायेगु त्‍वह दइ ला धकाः पलाः पलाः पत्तिं चिवा कयाच्‍वनी।

भजनसंग्रहया सफू 59:3

जिं छुं मभिंगु व पाप यानागु मदुसां इमिसं जितः स्‍यायेत स्‍वयाच्‍वंगु दु। ज्‍यानमारात जिगु विरोधय् मुनाच्‍वंगु दु।

भजनसंग्रहया सफू 62:3

क्‍वदलेत्‍यंगु पःखाः थें च्‍वंम्‍ह याकःचाम्‍ह मनूयात छिमिसं गुबलय् तक हय्‌कायाच्‍वनेगु?

हितोपदेश 12:20

दुष्‍टतय्‌गु नुगः न्‍ह्याबलें मभिंगु खं जायाच्‍वनी, तर भिंगु खं लय्‌ताः हइ।

होशे 7:6

छाय्‌धाःसा वयागु मन तमं भुतू थें क्‍वाइ, इपिं ध्‍वंलायेत वया न्‍ह्यःने वनी। चच्‍छिं इमिगु तं च्‍यानाच्‍वनी, सुथय् व च्‍यानाच्‍वंगु मि थें जुइ।

नहूम 1:11

अय् निनवे! छंपाखें छम्‍ह परमप्रभुया विरोधय् ग्‍वसाः ग्‍वइम्‍ह, व मभिंगु सल्‍लाह बीम्‍ह पिहां वःगु दु।