भजनसंग्रहया सफू 127:3 - नेवाः बाइबल

³ स्‍व, काय्‌पिं परमप्रभुं बियादीगु हकया सर्बय खः अले काय्‌म्‍ह्याय्‌पिं वय्‌कःया आशिष खः।

भजनसंग्रहया सफू 127:3 ပူးပေါင်းရင်းမြစ်များ

उत्‍पत्ति 1:28

परमेश्‍वरं इमित आशिष बियाः धयादिल, “छिमि मचाखाचा यक्‍व दयाः पृथ्‍वी जायेमा, अले पृथ्‍वीइ अधिकार यायेमा। समुद्रय् च्‍वंपिं न्‍या, आकाशय् च्‍वंपिं झंगःपंक्षी व बँय् घिसय् जुइपिन्‍त अधिकार यायेमा।”

उत्‍पत्ति 24:60

इमिसं रिबेकायात आशिष बियाः धाल – “परमेश्‍वरं छन्‍त यक्‍व सन्‍तान बियादीमा, अले छिमि सन्‍तानं थः शत्रुतय्‌त त्‍याकावने फयेमा।”

उत्‍पत्ति 33:5

एसावं मिस्‍त व मस्‍त खनाः न्‍यन, “छलिसे वःपिं थुपिं सु खः?” याकूबं धाल, “परमेश्‍वरं छिम्‍ह दासयात दयामाया यानाः ब्‍यूगु जिमि मस्‍त खः।”

उत्‍पत्ति 4:1

आदम व हव्‍वाया दथुइ लसपस जुल। अले हव्‍वाया प्‍वाथय् दयाः कयिनयात बुइकल। वं धाल “परमप्रभुया आशिर्वादं जिकाय् दत।”

उत्‍पत्ति 48:4

‘जिं छन्‍त यक्‍व सन्‍तान बी। छंपाखें जिं थीथी जाति दय्‌के। जिं छन्‍त थ्‍व थाय् बियाच्‍वना, अले सदां सदांया लागि थ्‍व छंगु व छिमि सन्‍तानयागु जुइ।’

२ शमूएल 3:5

अले कान्छाम्‍ह धाःसा यित्राम खः, थ्‍वया मां दाऊदया कलाः एग्‍ला खः। थुपिं फुक्‍कं हेब्रोनय् बूपिं दाऊदया काय्‌पिं खः।

१ इतिहास 28:5

वय्‌कलं जितः यक्‍व काय्‌पिं बियादिल अले वय्‌कलं इपिं मध्‍ये सोलोमनयात परमप्रभुया राज्‍य इस्राएलय् शासन यायेत ल्‍ययादिल।

१ इतिहास 8:40

ऊलामया काय्‌पिं – वीर सिपाइँ व धनुष वाण बांलाःक कय्‌के सःपिं खः। इमि छय्-छुइपिं मुक्‍कं सछि व नेय्‌म्‍ह दु। थुपिं सकलें बेन्‍यामीन कुलयापिं मनूत खः।

अय्‍यूब 1:2

वया न्‍हय्‌म्‍ह काय्‌पिं व स्‍वम्‍ह म्‍ह्याय्‌पिं दु।

यशैया 13:18

इमिसं धनु वाणं कय्‌काः ल्‍याय्‌म्‍हपिं मनूतय्‌त स्‍यानाबी। इमि दुरु त्‍वंपिं मचातय्‌त माया यानाः नुगः मछिंकी मखु न मस्‍तय्‌त हे दया माया याइ।

यशैया 8:18

जि व परमप्रभुं जितः बियादीपिं काय्‌म्‍ह्याय्‌पिं थन हे दु। सियोन पर्वतय् च्‍वनादीम्‍ह दक्‍व शक्ति दुम्‍ह परमप्रभुयापाखें जिपिं इस्राएलय् चिं व छुमा खः।

व्‍यवस्‍था 28:11

छिमि पुर्खातय्‌त पाफयाः बी धयादीगु देशय् परमप्रभुं छिमित यक्‍व मचाखाचा, अले सा द्वहं व यक्‍व अन्‍न बियादी।

व्‍यवस्‍था 28:4

छिमि मचाखाचा, अन्‍न, सा द्वहं, फैच्‍वलय्‌या मस्‍तय्‌त सुवाः लाइ।

न्‍यायकर्ता 12:9

वया स्‍विम्‍ह काय् व स्‍विम्‍ह म्‍ह्याय् दु। वं इपिं स्‍विम्‍ह म्‍ह्याय्‌पिन्‍त मेगु वंशयापिं मिजंतलिसें ब्‍याहा यानाबिल। अले थः काय्‌पिनिगु लागि मेगु वंशपाखें स्‍विम्‍ह भौपिं हल। व न्‍हय्‌दँ तक इस्राएलयाम्‍ह न्‍ह्यलुवाः जुल।

१ शमूएल 1:27

थ्‍व हे काय्‌या निंतिं जिं प्रार्थना यानागु खः अले जिं परमप्रभुयाके फ्‍वनागुकथं वय्‌कलं जितः बियादिल।