भजनसंग्रहया सफू 123:3 - नेवाः बाइबल

³ जिमित दया यानादिसँ, हे परमप्रभु, जिमित दया यानादिसँ। जिपिं तसकं हे क्‍वह्यंकाः च्‍वनेमाःगु दु।

भजनसंग्रहया सफू 123:3 ပူးပေါင်းရင်းမြစ်များ

२ शमूएल 6:16

परमप्रभुया सनू दाऊदया शहरय् थ्‍यनाः शाऊलया म्‍ह्याय् मीकलं झ्‍यालं खंकल। दाऊद जुजुयात परमप्रभुया न्‍ह्यःने तिंतिंन्‍हुयाः प्‍याखं हुलाच्‍वंगु खन, वं मनं मनं दाऊदयात घच्‍चाय् कथं स्‍वल।

२ राजा 19:3

इमिसं वयात धाल, “हिजकिया जुजुं थथे धयादी, थौं झीसं दुःख सीगु दिं खः। झीत क्‍वह्यंकूगु दु अले झीगु अपमान जूगु दु! थ्‍व मचाबुइगु ई त्‍ययाः नं मचाबुइकेगु बल मदुगु थें खः।

अय्‍यूब 19:15

जिगु छेँय् पाहां जुयाः च्‍वनाच्‍वंपिं व दासीतय्‌सं जितः म्‍हमस्‍यूम्‍हय्‌सित थें व्‍यवहार याइगु। इमिगु मिखाय् जि छम्‍ह विदेशी जूगु दु।

भजनसंग्रहया सफू 4:1

जिं सःतेबलय् जितः लिसः बियादिसँ। जितः दोषं मुक्त यानादीम्‍ह, हे जिमि परमेश्‍वर, जितः जिगु दुःखं पार यानाबियादिसँ। जितः दया यानादिसँ, अले जिगु प्रार्थना न्‍यनादिसँ।

भजनसंग्रहया सफू 57:1

जितः दया यानादिसँ, हे परमेश्‍वर! जितः दया यानादिसँ! जि छिगु शरणय् वयागु दु। थ्‍व आपत चिलामवंतले जि छिगु पपूया किचलय् शरण कयाच्‍वने।

यशैया 53:3

वयात मनूतय्‌सं हेला यानाः मयय्‌कल, व दुःखय् लाःम्‍ह मनू खः, वं दुःख बांलाक स्‍यू। व खनाः मनूतय्‌सं थःगु ख्‍वाः फहीकीगु। वयात हेला यात, झीसं वयात छुं मू वंम्‍ह मतायेका।

विलाप 3:30

वं थःगु नेता थःत दाइपिंपाखे हे स्‍वय्‌का बीमा, अले हेस्‍यागु सह यानाः च्‍वनेमा।

इजकिएल 36:15

छं हाकनं गुबलें जाति जातितय्‌गु हेला न्‍यनेमाली मखु, न छं गुबलें मनूतय्‌गु हेला फयेमाली, अथवा न छंगु कारणं छिमि मनूत गुबलें लुफिं हाइ। परमप्रभु परमेश्‍वरं धयादी।’”

इजकिएल 36:6

“उकिं इस्राएल देशया बारे अगमवाणी यानाः उकिया पहाडत व डाँडात, खुसिचात व ब्‍यासितय्‌त धा, ‘जि, परमप्रभु परमेश्‍वर न्‍ववानागु दु – छिमित जाति जातितय्‌सं क्‍वह्यंकूगु दु, अथे जुयाः जिं डाहाया तम्‍वय् न्‍ववानागु दु।

लूका 16:14

धिबा जक दुसा गाःपिं फरिसीतय्‌सं वय्‌कलं धयादीगु खँ न्‍यनाः वय्‌कःयात गिजय् यात।

लूका 23:35

अन लिक्‍कसं दनाः मनूत स्‍वयाच्‍वंगु दु। शासकतय्‌सं धाःसा वय्‌कःयात थथे धकाः गिजय् यात – “थ्‍वं कर्पिन्‍त ला बचय् यात, थ्‍व मनू परमेश्‍वरं हे ल्‍ययातःम्‍ह मुक्ति बीम्‍ह ख्रीष्‍ट खः धयागु जूसा थःत नं बचय् याये फयेमाःगु खः।”