भजनसंग्रहया सफू 113:4 - नेवाः बाइबल

⁴ परमप्रभु फुक्‍क जातित स्‍वयाः तःधं, वय्‌कःया महिमा आकाश स्‍वयाः तःजाः।

भजनसंग्रहया सफू 113:4 ပူးပေါင်းရင်းမြစ်များ

१ राजा 8:27

“तर हे परमेश्‍वर, छु छि धात्‍थें पृथ्‍वीइ मनूतय्‌गु दथुइ च्‍वनादी फइ ला? स्‍वर्गत, स्‍वर्ग स्‍वया तःजाःगु स्‍वर्गय् हे छि न्‍ह्यनी मखु धाःसा जिं दय्‌कागु थ्‍व देगलय् झन छि गन न्‍ह्यनी धकाः?

भजनसंग्रहया सफू 148:13

इपिं सकसिनं परमप्रभुया नांया प्रशंसा यायेमा, छाय्‌धाःसा वय्‌कःयागु नां जक तःधं। वय्‌कःया महिमा पृथ्‍वी व आकाश स्‍वयाः च्‍वय् दु।

भजनसंग्रहया सफू 8:1

हे परमप्रभु, जिमि प्रभु। संसार न्‍यंक छिगु नां गुलि तःधं। छिगु महिमा आकाशय् थ्‍यंगु दु।

भजनसंग्रहया सफू 97:9

हे परमप्रभु, दक्‍वसिबय् तःधंम्‍ह, छि पृथ्‍वीयाम्‍ह शासक खः, छि फुक्‍क द्यःत स्‍वयाः तसकं तःधंम्‍ह खः।

भजनसंग्रहया सफू 99:2

परमप्रभु सियोनय् दक्‍वसिबय् तःधंम्‍ह खः, वय्‌कः फुक्‍क जातितसिबय् तःधंम्‍ह खः।

यशैया 40:15

जात जातित ला बाल्‍तिनय् च्‍वंगु छफुति लः थें जक खः। इपिं ला ताल्‍जुइ पेपुनाच्‍वंगु धू थें खः। वय्‌कलं ला टापुतय्‌त धूयात थें लनादी।

यशैया 40:17

फुक्‍क जातित वय्‌कःया न्‍ह्यःने छुं नं मखु। वय्‌कलं इमित छुं नं ज्‍यालगय् मजूपिं व छुं नं मखुपिं ताय्‌कादी।

यशैया 40:22

वय्‌कः पृथ्‍वी च्‍वय् आकाश स्‍वयाः नं च्‍वय् थःगु सिंहासनय् च्‍वनादीम्‍हय्‌सिनं व दय्‌कादीगु खः, क्‍वय् पृथ्‍वीइ मनूत बुइँचा थें जक खः। वय्‌कलं आकाशयात इलां थें चक्‍कंकादीगु दु, अले अन बाय् च्‍वनेत पाल थें चक्‍कंकादीगु दु।

यशैया 66:1

परमप्रभुं थथे धयादी, “स्‍वर्ग जिगु सिंहासन खः, अले पृथ्‍वी जिगु तुति तइगु थाय् खः। आः छिमिसं जिगु निंतिं गज्‍याःगु देगः, जि च्‍वनेत गज्‍याःगु थाय् दय्‌के फु?