भजनसंग्रहया सफू 1:3 - नेवाः बाइबल

³ व खुसि सिथय् पिनातःगु सिमा थें खः। वं न्‍ह्याबलें थःगु इलय् फल बी। अले वयागु हः नं गुबलें सुकूगनावनी मखु। वं याःगु न्‍ह्यागु ज्‍या नं पूवनी।

भजनसंग्रहया सफू 1:3 ပူးပေါင်းရင်းမြစ်များ

उत्‍पत्ति 39:23

योसेफया जिम्‍माय् लाःगु छुं ज्‍याय् हे वं च्‍यूताः मकाल। छाय्‌धाःसा परमप्रभु योसेफ नाप दी। अले वं याःगु न्‍ह्यागुं ज्‍या पूवंकादी।

उत्‍पत्ति 39:3

वया मालिकं परमप्रभु व नापं दीगु व वं याःगु न्‍ह्यागुं ज्‍या परमप्रभुं पूवंकादीगु खँ सीकल।

२ राजा 18:7

परमप्रभु वलिसें दीगुलिं वं याःगु फुक्‍क ज्‍याय् व ताःलात। व अश्‍शूरयाम्‍ह जुजुया विरोधय् विद्रोही जुल, वयात कर पुलेगु त्‍वःतल।

१ इतिहास 22:11

दाऊदं थथे नं धाल, “जिमि काय्, आः परमप्रभु थः छलिसे दयेमा अले वय्‌कलं छं हे व दय्‌कि धकाः धयादी थें छ ताःलायेमा। थः परमप्रभु परमेश्‍वरया देगः दय्‌कि।

१ इतिहास 22:13

छं परमप्रभुं मोशापाखें इस्राएलयात बियादीगु विधि व नियम बांलाक मानय् यात धाःसा छ ताःलाइ। साहसी व बल्‍लाः जु। ग्‍याये मते वा नुगः क्‍वतुंके मते।

२ इतिहास 31:21

परमप्रभुया देगःया सेवाय् व छु छु ज्‍या वं परमेश्‍वरया देगःया सेवाय् अले व्‍यवस्‍था व आज्ञाया खँय् थः परमेश्‍वरयात मालेत यात, व वं दुनुगलंनिसें यात अले व ताःलात।

२ इतिहास 32:23

यक्‍व मनूतय्‌सं यरूशलेमय् परमप्रभुया निंतिं देछा व जुजु हिजकियाया निंतिं मू वंगु कोस्‍यालि हल। अबलय् निसें फुक्‍क जातितय्‌सं हिजकियायात इज्‍जत यात।

अय्‍यूब 14:9

अय्‌नं भचा लः दये धुंकाः उकी हाकनं चुलि ह्वयाः तःमा जुयावइ।

अय्‍यूब 22:28

छिं न्‍ह्याःगु हे यानादीसां उकी छि ताःलाइ। छिगु लँय् जः थी।

भजनसंग्रहया सफू 128:2

छं थःगु कमाइ नइबलय् छ लय्‌ताइ अले छन्‍त भिं जुइ।

भजनसंग्रहया सफू 129:8

अनं जुयाः वइपिं वनिपिन्‍सं सुनानं थथे धाइ मखु, “परमप्रभुं छन्‍त सुवाः बियादीमा। परमप्रभुया नामय् जिमिसं छन्‍त सुवाः बी।”

भजनसंग्रहया सफू 92:14

इपिं न्‍ह्याबलें वाउँसे च्‍वनी अले बल्‍लाना च्‍वनी। इमिसं बुरा जुयाः नं फल बी।

भजनसंग्रहया सफू 92:15

परमप्रभु भिंम्‍ह खः, अले वय्‌कः जिमि ल्‍वहंधी खः, वय्‌कःयाके छुं अधर्म मदु।

यशैया 27:11

गुबलय् अनयागु चिचीधंगु कचात गनावनी, उबलय् व त्‍वःथुलाबी अले मिसात वयाः उपिं मि तयाः छ्वय्‌काबी। छाय्‌धाःसा थ्‍व थु हे मथूगु छगू जाति खः। अथे जुयाः इमित दय्‌कादीम्‍हय्‌सिनं इमित दया यानादी मखु, अले इमित सृष्‍टि यानादीम्‍हय्‌सिनं इमित माया यानादी मखु।

यशैया 3:10

धर्मी मनूतय्‌त धा, “छिमित भिं हे जुइ, छिमिसं थःम्‍हं याःगु ज्‍याया सिरपाः कायेखनी।”

यशैया 44:4

उपिं ख्‍यलय् बुयावःगु घाँय् थें, न्‍ह्यानाच्‍वंगु खुसि लिक्‍क पिनातःगु लहरे पिपलया सिमा थें जुइ।

यशैया 58:11

परमप्रभुं छिमित धुवांधु न्‍ह्यलुवाः जुयाः यंकादी, अले तसकं तांन्‍वःगु थासय् नं छिमित लुधंकादी, अले छिमिगु क्‍वँय्‌यात बल्‍लाकादी। छिपिं यक्‍व लखं प्‍याःगु क्‍यब थें व गुबलें सुइ मखुगु बुँगाःचा थें जुइ।

यर्मिया 17:8

व खुसि सिथय् पिनातःगु सिमा थें खः, गुकियागु हा लः तक न्‍यनावंगु दु। तांन्‍वःबलय् व ग्‍याइ मखु, छाय्‌धाःसा वयागु हः न्‍ह्याबलें वाउँसे च्‍वनी। वं न्‍ह्याबलें फल बियाच्‍वनी।”

इजकिएल 17:8

उकी कचात सया वयेमा, अले फल सय्‌काः व छगू बांलाःगु दाखमा जुइमा धकाः उकियात यक्‍व लः दुगु छगू नायुगु जमिनय् पिनाब्‍यूगु खः।’

इजकिएल 19:10

“‘छिमि मां लःया लिक्‍क पिनातःगु छंगु दाखक्‍यबया दाखया मा थें खः, गुगु यक्‍व लः दुगुलिं फल व कचां जाःगु दु।

इजकिएल 31:5

थुकथं ख्‍यलय् च्‍वंगु फुक्‍क सिमात मध्‍ये व दकलय् तज्‍जाःगु सिमा जुल। लः यक्‍व दुगुलिं उकिया यक्‍व कचामचा दत, उपिं तःमा जुयाः न्‍यनावन।

इजकिएल 47:12

खुसिया सिथय् निखेंपाखे थीथी कथंयागु फलयागु सिमात बुया वइ। उमिगु हः सुकूगनावनी मखु। उमिगु फल गुबलें फुइ मखु। उमिसं फुक्‍क लाय् हे फल बी, छाय्‌धाःसा उमित प्‍याकिगु लः पवित्र थासं न्‍ह्याइगु खः। उमिगु फल नयेत व उमिगु हः ल्‍वय् लाय्‌केत जुइ।”

गन्‍ती 24:6

ब्‍यासित तापाक्‍क न्‍यनावनाच्‍वंगु थें खुसि सिथय् च्‍वंगु क्‍यब थें परमप्रभुं पिनादीगु कुनुस्‍वां थें अले खुसि सिथय् च्‍वंगु देवदारुया सिमा थें,

मत्ती 13:6

निभाः त्‍वःबलय् अन बुयावःगु मा सुकूचिना वन, अले बल्‍लाक हा काये मफुगुलिं गना वन।

मत्ती 21:19

लँ सिथय्‌सं यःमरिमायात खनाः वय्‌कः सिमा लिक्‍क झाल। हः सिबय् मेगु छुं हे मदुगुलिं वय्‌कलं व सिमायात थथे धयादिल – “आवंलि छंके गुबलें हे फल धयागु मसयेमा।” अबलय् हे व सिमा गना वन।

मत्ती 21:34

दाख खायेगु इलय् वं थःगु भागय् वःगु दाख कायेत च्‍यःतय्‌त म्‍हय्‌याथाय् छ्वल।

मत्ती 21:41

इमिसं लिसः बिल – “वं वयाः मभिंपिं म्‍हय्‌तय्‌त स्‍यानाछ्वइ। अले इलय् इलय् तःसिं पुले हइपिं म्‍हय्‌तय्‌त क्‍यब ज्‍याके बी।”

यूहन्‍ना 15:6

जिके मच्‍वनीम्‍ह मनूयात त्‍वधूगु कचायात थें वांछ्वइ, अले व गनावनी। वयात मुंकाः मिइ तयाः च्‍याकाछ्वइ।

व्‍यवस्‍था 28:8

परमप्रभुं छिमिगु धुकुति अले छिमिगु फुक्‍क ज्‍याय् सुवाः बियादी। अथे जुयाः परमप्रभु छिमि परमेश्‍वरं छिमित बियादीगु देशय् वय्‌कलं छिमित सुवाः बियादी।

यहूदा 1:12

थुपिं छिमिगु लय्‌ताः भ्‍वजय् लुया वइगु फि खः। थुपिं थःत जक भिंका जुइपिं खः। थुपिं फसं पुइके यनिगु, लः मदुगु सुपाँय् खः। अले फल सइ मखुगु निकः तक सी धुंकूगु, हांनिसें सी धुंकूगु सिमा खः।

प्रकाश 22:2

उगु शहरयागु लँ दथुं न्‍ह्यानाच्‍वंगु दु। थ्‍व खुसि सिथय् झिंनिलाया झिंनिता हे फल सइगु जीवनयागु सिमा दु। थ्‍व सिमाय् लच्‍छिइ छता फल सइ। थ्‍व सिमायागु हः जात जातियापिं मनूतय्‌त लाय्‌केगु निंतिं वासः खः।