हितोपदेश 9:8 - नेवाः बाइबल

⁸ घमण्‍डीतय्‌त भिंकेत स्‍वये मते, वं छन्‍त हे घृणा याइ। तर बुद्धिमान मनूयात भिंकेत स्‍वल धाःसा वं छन्‍त हनाबना तइ।

हितोपदेश 9:8 ပူးပေါင်းရင်းမြစ်များ

१ राजा 1:23

“नातान वःगु दु” धकाः इमिसं जुजुयात कन। अले दुहां वनाः नातानं जुजुयात क्‍वछुनाः भागि यात।

१ राजा 1:32

अले दाऊद जुजुं धाल, “सादोक पुजाहारी, नातान अगमवक्ता व यहोयादाया काय् बनायाहयात दुने सःति।” इपिं जुजुया न्‍ह्यःने वल।

१ राजा 22:8

इस्राएलयाम्‍ह जुजुं यहोशापातयात धाल, “परमप्रभुयाके न्‍यनेत मेम्‍ह छम्‍ह मनू ला दु, तर व जितः तसकं मयः, छाय्‌धाःसा वं जिगु बारे भिंगु अगमवाणी ल्‍हाइ मखु। वं मभिंगु खँ जक धाइगु। व यिम्‍लाया काय् मीकाया खः।” यहोशापातं लिसः बिल, “जुजुं थथे धाये मज्‍यू।”

भजनसंग्रहया सफू 141:5

धर्मीतय्‌सं जितः दायेमा, व जिगु निंतिं दया जुइ। इमिसं जितः ब्‍वः बीमा, व जिगु छ्यंया निंतिं चिकं जुइ। जिगु छेनं मयय्‌की मखु। अय्‌नं मभिंपिं मनूतय्‌सं याःगु ज्‍याखँया विरोधय् जिं प्रार्थना याना हे च्‍वने।

हितोपदेश 1:5

थुकिं ज्ञां दुपिन्‍सं न्‍यनेमा अले इमिगु ज्ञां अज्‍ज अप्‍वय्‌काबी, अले ब्‍वनातःपिन्‍त लँ क्‍यनाबी।

हितोपदेश 10:8

ज्ञान दुपिं मनूतय्‌सं स्‍यनेकने याःगु खँ न्‍यनी, मूर्ख खँ ल्‍हानाजुइपिं धाःसा नाश जुयावनी।

हितोपदेश 13:1

बुद्धिमानम्‍ह काय्‌नं थः बौनं धाःगु खँ न्‍यनी। तर घमण्‍डीम्‍ह काय्‌नं न्‍यनी मखु।

हितोपदेश 13:18

न्‍वानाखँयात च्‍यूताः मतइपिं चीमि व मछालापुकाः च्‍वनेमाली। तर न्‍यंम्‍हय्‌सित हनाबना तइ।

हितोपदेश 15:12

कर्पिन्‍त हेबाय्‌चबाय् यानाजुइपिन्‍सं थःत भिंकेगु यय्‌की मखु, उकिं इपिं भिंपिं मनूतपाखें तापाक हे जुया जुइ।

हितोपदेश 19:25

नागःतुगः यानाजुइपिं मनूतय्‌त सजाँय बिल कि बुद्धि मदुपिं मनूतय्‌सं ज्ञान काइ। ज्ञान दुपिं मनूतय्‌त न्‍वात कि इमिसं अज्‍ज ज्ञान काइ।

हितोपदेश 23:23

सत्‍य, बुद्धि, दुग्‍यां व भिंगु खँ कायेगु स्‍व! थुमित मी मते।

हितोपदेश 23:9

मूर्खतलिसे ज्ञानयागु खँ ल्‍हाये मते, इमिसं थ्‍वयात हेबाय्‌चबाय् याइ।

हितोपदेश 28:23

पिचुगु म्‍हुतुयात स्‍वयाः न्‍वाइगु म्‍हुतुयात हे लिपा सकसिनं च्‍वछाइ।

हितोपदेश 29:1

न्‍ह्याक्‍व न्‍वाःसां मह्यूपिं मनूत न्‍ह्याक्‍व पनेत स्‍वःसां छन्‍हु आकाझाकां नाश जुयावनी।

यशैया 36:21

तर मनूत फुक्‍क सुम्‍क च्‍वन, छुं नं लिसः मब्‍यू, छाय्‌धाःसा जुजुं थज्‍याःगु आज्ञा ब्‍यूगु खः, “वयात लिसः बी मते।”

लेवी 19:17

“‘छिमिसं थः जातियापिं दाजुकिजापिन्‍त दुनुगलंनिसें मयय्‌के मते। छिमि जःलाखःलापिन्‍त ब्‍वःब्‍यु। मखुसा छ नं वं याःगु पापया दोषी जुइ।

मत्ती 15:14

इमित त्‍वःताछ्व। इपिं कांपिं लँजवाः खः। कांम्‍ह मनुखं कांम्‍ह मनूयात ल्‍हाः ज्‍वनाः यंकूसा इपिं निम्‍हं गालय् लाइ।”

मत्ती 7:6

“च्‍वखगु चिज खिचायात बी मते, अथे याःसा वं छिमित हे न्‍याः वइ। फाया न्‍ह्यःने मोती वान्‍छ्वया बी मते, अथे याःसा वं थुकियात न्‍हुत्तु न्‍हुयाबी।