हितोपदेश 8:7 - नेवाः बाइबल

⁷ जिं न्‍ह्याबलें सत्‍य जक नवाना। जितः मखुगु खँ ल्‍हाये मयः।

हितोपदेश 8:7 ပူးပေါင်းရင်းမြစ်များ

अय्‍यूब 36:4

ढुक्‍क जुयादिसँ, जिगु वचन मखुगु जुइ मखु। छिनापं ज्ञानय् सिद्ध जूम्‍ह मनू दु।

भजनसंग्रहया सफू 37:30

भिंम्‍ह मनूया म्‍हुतुं न्‍ह्याबलें ज्ञानया खँ पिहां वइ, वयागु मेचं न्‍ह्याबलें सत्‍य नवाइ।

हितोपदेश 12:22

मखुगु खँ ल्‍हाइपिन्‍त परमप्रभुं यय्‌कादी मखु, तर सत्‍य खँ ल्‍हाइपिंलिसे वय्‌कः लय्‌तायादी।

हितोपदेश 16:12

जुजुं मखुगु ज्‍या यय्‌की मखु, छाय्‌धाःसा न्‍यायलं हे जुजु बल्‍लाइ।

हितोपदेश 29:27

धर्मी मनूतय्‌सं दुष्‍ट मनूतय्‌त यय्‌की मखु, दुष्‍ट मनूतय्‌सं धर्मी मनूतय्‌त यय्‌की मखु।

यूहन्‍ना 1:17

व्‍यवस्‍था मोशायागुपाखें बियादिल, येशू ख्रीष्‍टयागुपाखें धाःसा परमेश्‍वरया दया माया व सत्‍य दत।

यूहन्‍ना 14:6

वय्‌कलं धयादिल – “लँ, सत्‍य व जीवन जि हे खः। जिपाखें हे जक बाःयाथाय् वने फइ।

यूहन्‍ना 17:17

छिगु सत्‍यं इमित पवित्र यानादिसँ, छाय्‌धाःसा छिगु वचन सत्‍य खः।

यूहन्‍ना 18:37

पिलातसं वय्‌कःयात धाल – “अय्‌सा छ जुजु हे खः ला?” वय्‌कलं धयादिल – “जि जुजु खः धकाः ला छिं हे धयादिल। थुकियागु निंतिं हे जि बूगु खः, अले सत्‍य म्‍हसीका बीत जि संसारय् वयागु खः। सत्‍ययात म्‍हस्‍यूपिं फुक्‍कसिनं जिगु खँ न्‍यनी।”

यूहन्‍ना 8:14

वय्‌कलं इमित लिसः बियादिल – “जिं जिगु हे खँय् साक्षी बियाच्‍वना सां जिगु साक्षी सत्‍य खः, छाय्‌धाःसा जि गनं वयाम्‍ह खः, अले गन वने त्‍यनाम्‍ह खः धकाः जिं स्‍यू, अय्‌नं छिकपिन्‍सं धाःसा जि गनं वइ, अले गन वनी धकाः सी मखु।

रोमी 15:8

जिं छिमित धाये – परमेश्‍वर भरोसा याये बहःम्‍ह खः धकाः सीके बीत ख्रीष्‍ट हे यहूदीतय् च्‍यः थें जुयादिल। इमि तापाःबाज्‍यापिन्‍त बचं बियादीगुलिं

प्रकाश 3:14

“लाउडिकियाय् च्‍वंगु मण्‍डलीयाम्‍ह दूतयात थथे धकाः च्‍वया छ्व – परमेश्‍वरया दक्‍व सृष्‍टिया शासक, आमेन धाःम्‍ह, विश्‍वास याये बहःम्‍ह, खःगु खःगु जक साक्षी बीम्‍हय्‌सिनं धयादी।