हितोपदेश 8:27 - नेवाः बाइबल

²⁷ परमप्रभुं पृथ्‍वीया च्‍वय् सर्गः दय्‌कूबलय् अले समुद्रयात कुलामं घेरय् याःबलय् जि अन हे दु।

हितोपदेश 8:27 ပူးပေါင်းရင်းမြစ်များ

अय्‍यूब 26:10

वय्‌कलं लःयात अलग यानादीबलय् क्षितिज दय्‌कादिल, वय्‌कलं दिं व चाया दथुइ सिमाना तयादिल।

भजनसंग्रहया सफू 103:19

परमप्रभुं थःगु सिंहासन स्‍वर्गय् स्‍वनादीगु दु। अले वय्‌कलं सकसितं शासन यानादी।

भजनसंग्रहया सफू 136:5

वय्‌कलं थःगु बुद्धिं आकाश दय्‌कादिल, वय्‌कःया दया माया सदां दयाच्‍वनी।

भजनसंग्रहया सफू 33:6

परमप्रभुं उजं बियाः आकाश दय्‌कादिल, अले सासलं फुक्‍क नगुत।

हितोपदेश 3:19

परमप्रभुं थ्‍व पृथ्‍वीयात वय्‌कःयागु बुद्धिं दय्‌कादिल। अले वय्‌कलं आकाशयात वय्‌कःयागु ज्ञानं दय्‌कादिल।

हितोपदेश 8:26

परमेश्‍वरं पृथ्‍वी, बँ व चा दय्‌के न्‍ह्यः हे जि बूगु खः।

हितोपदेश 8:28

वय्‌कलं सुपाँय्‌यात आकाशय् तयादीबलय्, समुद्रया मूल दय्‌कादीबलय् जि अन हे दु।

यशैया 40:11

वय्‌कलं थःगु फैच्‍वलय्‌या बथांयात फैजवालं थें ज्‍वयादी। वय्‌कलं चिचीधिकःपिं भ्‍याःचातय्‌त थःगु मुलय् कयादी अले इमित थःगु हे नुगःया लिक्‍क पाछायादी। वय्‌कलं तसकं चिचीधिकःपिं फैचा दुपिन्‍त बुलुहुं ज्‍वयादी।

यशैया 40:22

वय्‌कः पृथ्‍वी च्‍वय् आकाश स्‍वयाः नं च्‍वय् थःगु सिंहासनय् च्‍वनादीम्‍हय्‌सिनं व दय्‌कादीगु खः, क्‍वय् पृथ्‍वीइ मनूत बुइँचा थें जक खः। वय्‌कलं आकाशयात इलां थें चक्‍कंकादीगु दु, अले अन बाय् च्‍वनेत पाल थें चक्‍कंकादीगु दु।

यर्मिया 10:12

तर परमेश्‍वरं हे थःगु शक्तिं पृथ्‍वीयात दय्‌कादिल। वय्‌कलं हे संसारयात थःगु बुद्धिं थापं यानादिल। अले आकाशयात थःगु दुग्‍यानं चक्‍कंकादिल।

कलस्‍सी 1:16

छाय्‌धाःसा परमेश्‍वरं वय्‌कःयापाखें स्‍वर्ग व पृथ्‍वीइ दुगु फुक्‍कं, खनेदुगु, खने मदुगु, अले फुक्‍क शक्ति, राज्‍य व अधिकार दय्‌कादीगु खः। अले थ्‍व फुक्‍कं वय्‌कःया निंतिं हे दय्‌कादीगु खः।

हिब्रू 1:2

तर आः दक्‍वसिबय् लिपा वय्‌कः थः काय्‌पाखें झीपिंलिसें नवानादीगु दु। काय्‌यात हे वय्‌कलं फुक्‍क सृष्‍टिया हामा यायेत ल्‍ययादिल। वय्‌कःपाखें हे थ्‍व संसारयागु सृष्‍टि यानादिल।