हितोपदेश 7:7 - नेवाः बाइबल

⁷ जिं लँय् तःम्‍ह हे ल्‍याय्‌म्‍हतय्‌गु पुचलय् छम्‍ह बुद्धि मदुम्‍ह ल्‍याय्‌म्‍हयात खना।

हितोपदेश 7:7 ပူးပေါင်းရင်းမြစ်များ

अय्‍यूब 24:15

सुनानं जितः खनि मखु धकाः बिचाः यानाः व्‍यभिचारीया मिखां सन्‍ध्‍याकाः ई पी। वयात सुनानं मखनेमा धकाः वं थःत मेम्‍ह मनू थें च्‍वंकी।

भजनसंग्रहया सफू 119:130

छिगु वचन थुइकाबीबलय् जिमित जः दइ। थुकिं छुं मस्‍यूपिन्‍त ज्ञान दइ।

भजनसंग्रहया सफू 19:7

परमप्रभुया स्‍यनातःगु खँ पक्‍का खः, थुकिं झीत न्‍हूगु बल बी। वय्‌कःयागु नियम विश्‍वास यायेबहः जू, थुकिं छुं मस्‍यूपिन्‍त ज्ञां बी।

हितोपदेश 1:22

हे बुद्धि मदुपिं मनूत! गुबलय् तक छिपिं बुद्धि मदय्‌क च्‍वंच्‍वनेगु, गुबलय् तक कर्पिन्‍त नागःतुगः यानाः न्‍ह्यइपुकाच्‍वनेगु छिपिं, गुबलय् तक छिपिं मूर्खतय्‌सं ज्ञानयात मयय्‌का च्‍वनेगु?

हितोपदेश 1:32

बुद्धि मदुपिं मनूत जिपाखें तापानाच्‍वंगुलिं सिनावनी। मूर्खत छुं च्‍यूताः मकासे जूगुलिं नाश जुयावनी।

हितोपदेश 1:4

छुं मस्‍यूपिं मनूतय्‌त चलाख यानाबी, अले ल्‍याय्‌म्‍हल्‍यासेपिन्‍त ज्ञानया खँ स्‍यनाबी।

हितोपदेश 10:13

बुद्धि दुपिं मनूतय्‌गु म्‍हुतुइ भिंगु खँ दइ, बुद्धि मदुपिन्‍त धाःसा कथिं दाइ।

हितोपदेश 12:11

थःगु बुँइ ज्‍या यानाः नइपिन्‍त नये त्‍वनेया मगाः जुइ मखु, तर म्‍हगस जक म्‍हंकाः जुइपिं मूर्खत जक खः।

हितोपदेश 14:15

मूर्ख मनूतय्‌सं न्‍ह्यागु खँ नं पत्‍याः याइ, तर बुद्धि दुपिं मनूतय्‌सं स्‍वांपुयाः जक पलाः तयाजुइ।

हितोपदेश 14:18

अज्ञानीत मूर्ख धाय्‌काच्‍वनेमाली, बुद्धि दुपिन्‍सं ज्ञानया मुकुट पुइखनी।

हितोपदेश 19:2

ज्ञान मदय्‌क जोश जक दयां मगाः, हथासं याःगु ज्‍या स्‍यनी।

हितोपदेश 19:25

नागःतुगः यानाजुइपिं मनूतय्‌त सजाँय बिल कि बुद्धि मदुपिं मनूतय्‌सं ज्ञान काइ। ज्ञान दुपिं मनूतय्‌त न्‍वात कि इमिसं अज्‍ज ज्ञान काइ।

हितोपदेश 22:3

बुद्धिमान मनुखं न्‍हापा हे दुःख वयाच्‍वंगु सीका काइ, अले बचय् जुइ, तर छुं मस्‍यूपिं मनूत तप्‍यंक व हे लँपुइ वनी, अले दुःख सी।

हितोपदेश 24:30

जि अल्‍छी व मूर्ख मनूयागु बुँ व दाखक्‍यब जुयाः वना।

हितोपदेश 27:12

सःस्‍यूपिन्‍सं थःत आपत वयेत्‍यंगु न्‍हापां हे वाःचाय्‌की, अले बचय् जुइत स्‍वइ। ग्‍वाज्‍यःत धाःसा तप्‍यंक हे आपतय् तक्‍यंवनी, अले दुःख सी।

हितोपदेश 5:1

हे जिकाय्! जिगु बुद्धिया खँय् ध्‍यान ब्‍यु। जिगु दुग्‍यांया खँयात बांलाक न्‍यँ।

हितोपदेश 6:20

हे जिमि काय्! थः बौया उजं न्‍यँ, थः मानं स्‍यंगु खँ ल्‍वःमंके मते।

हितोपदेश 6:32

तर सुनानं व्‍यभिचार यात धाःसा व तःधंम्‍ह मूर्ख खः, वं थःत हे स्‍यंकी।

हितोपदेश 8:5

छु छिपिं अज्‍ज हे मचाबुद्धि तिनि ला? बुद्धि दय्‌कि। छिपिं अज्‍ज हे मूर्ख तिनि ला? ज्ञान दय्‌कि।

हितोपदेश 9:16

“हे छुं मस्‍यूपिं मनूत, थन वा!” अले मूर्खतय्‌त वं थथे धाइ,

हितोपदेश 9:4

“छुं मस्‍यूपिं मनूत फुक्‍क वा!” वं थथे धकाः सःती,

यर्मिया 4:22

“जिमि प्रजा मूर्ख खः, इमिसं जितः म्‍हमस्‍यू। इपिं मभिंपिं मस्‍त खः। इमिके दुग्‍यां मदु। मभिंगु ज्‍या यायेत इपिं चलाख तर भिंगु ज्‍या याये मसः।”

मत्ती 15:16

वय्‌कलं धयादिल – “छिमिसं आः तकं थुइके मफुनि ला?