हितोपदेश 5:18 - नेवाः बाइबल

¹⁸ छंगु तुंयात आशिष दयेमा। ल्‍याय्‌म्‍हबलय् ब्‍याहा यानाम्‍ह कलाःपाखें लय्‌ताया च्‍वँ।

हितोपदेश 5:18 ပူးပေါင်းရင်းမြစ်များ

हितोपदेश 5:16

थःगु तुंया लः पिने लँय् छाय् बाः वंकेबीगु।

हितोपदेश 5:17

व छंगु हे जक जुइमा। मेपिन्‍त ब्‍याके मते।

हितोपदेश 9:17

“खुयाः खुयाः त्‍वंगु लः साइ, सुलाः सुलाः नःगु मरि माकुसे च्‍वनी।”

उपदेशक 9:9

परमेश्‍वरं थ्‍व संसारय् बियादीगु छंगु सितिं वंगु जीवनया फुक्‍क दिनय् थःम्‍हं माया यानाम्‍ह कलाःनापं मोजमज्‍जा या। थ्‍व हे जीवनय् व थ्‍व संसारय् छं याःगु थाकुगु ज्‍या हे छंगु भाग जुइ।

श्रेष्‍ठगीत 4:12

हे जिमि तसकं यःम्‍ह मय्‌जु, जिमि भम्‍चा, छ बार तयातःगु बगैँचा थें, त्‍वःपुया तःगु बुँगाःचा थें, सुं मनूयागु निजी फोहोरा थें खः।

श्रेष्‍ठगीत 4:15

छ बगैँचाया बुँगाःचा थें खः, लेबनानं न्‍ह्याना वयाच्‍वंगु ताजा लःया तुं थें खः।

व्‍यवस्‍था 24:5

नकतिनि ब्‍याहायाम्‍ह मिजंयात सेनानापं छ्वये मते वा मेगु छुं नं ज्‍याया भाला वयात बी मते। दच्‍छि तक व थःगु छेँय् थःयत्‍थें च्‍वनाः थःम्‍हं हःम्‍ह कलाःयात लय्‌ताय्‌का च्‍वनेमा।