हितोपदेश 4:5 - नेवाः बाइबल

⁵ बुद्धि दय्‌कि, लिग्‍यां दय्‌कि। जिगु खँयात ल्‍वःमंके मते, अले फस्‍वयाः वने मते।

हितोपदेश 4:5 ပူးပေါင်းရင်းမြစ်များ

२ इतिहास 34:2

वं परमप्रभुया मिखाय् भिंगु ज्‍या यात। व थुखे उखे मवंसें थः पुर्खा दाऊदया लँपुइ वन।

अय्‍यूब 23:11

जि वय्‌कःया पलाःया ल्‍यू वनागु दु, जि वय्‌कःया लँपुइ वनागु दु, अले उकिं थुखे उखे वनागु मदु।

भजनसंग्रहया सफू 119:157

जितः दुःख बीपिं यक्‍व शत्रुत दु, अय्‌नं जिं छिगु नियम मानय् यायेगु त्‍वःतागु मदु।

भजनसंग्रहया सफू 119:51

तःधंछु जुइपिन्‍सं जितः यक्‍व हे हिस्‍याःगु दु, अय्‌नं छिगु व्‍यवस्‍थापाखें जि लिचिलागु मदु।

भजनसंग्रहया सफू 44:18

जिमिगु नुगः छिपाखें फह्यूगु मदु, जिमिगु पलाः छिपाखें लिच्‍यूगु मदु।

हितोपदेश 16:16

लुँ दइगु स्‍वयाः बुद्धि दइगु गुलि बांलाः, अले वहः दइगु स्‍वयाः भिंगु न्‍याय दइगु गुलि बांलाः।

हितोपदेश 17:16

मूर्खतय्‌सं आखः सय्‌केत धिबा फुकेगु सितिं खः, छाय्‌धाःसा इमिके आखः सय्‌केगु मन हे मदु।

हितोपदेश 18:1

याकःचा जक जुइम्‍ह मनुखं थःगु जक बिचाः याइ। वं मेपिनिगु खःगु खँ नं मानय् याइ मखु।

हितोपदेश 19:8

ज्ञान कायेगु धयागु थःम्‍हं थःत माया यायेगु खः। थःम्‍हं कयागु ज्ञान त्‍वःफिके मते, थुकिं छन्‍त भिं जुया वइ।

हितोपदेश 23:23

सत्‍य, बुद्धि, दुग्‍यां व भिंगु खँ कायेगु स्‍व! थुमित मी मते।

हितोपदेश 3:1

हे जिकाय्! जिं स्‍यनागु खँ गुबलें नं ल्‍वःमंके मते। जिगु उजं नुगलय् स्‍वचाका ति।

हितोपदेश 4:7

दक्‍वसिबय् तःधंगु धयागु बुद्धि खः, उकिं थ्‍वयात लानाका, छंके दुगु फुक्‍क पायेमाःसां, लिग्‍यां दय्‌कि।

हितोपदेश 8:5

छु छिपिं अज्‍ज हे मचाबुद्धि तिनि ला? बुद्धि दय्‌कि। छिपिं अज्‍ज हे मूर्ख तिनि ला? ज्ञान दय्‌कि।

याकूब 1:5

छिपिं सुयातं बुद्धि माःसा परमेश्‍वरयाके फ्‍वँ, अले वय्‌कलं वयात माक्‍व बुद्धि बियादी। वय्‌कलं फुक्‍कसित माक्‍व बुद्धि बियादी, छाय्‌धाःसा वय्‌कः सुयातं छुं बीत नुगः मस्‍याः।