हितोपदेश 30:3 - नेवाः बाइबल

³ जिं बुद्धिया खँ गुबलें मब्‍वना। परमेश्‍वरया बारे जिं छुं मस्‍यू।

हितोपदेश 30:3 ပူးပေါင်းရင်းမြစ်များ

हितोपदेश 30:4

स्‍वर्गय् वनाः सु लिहां वःगु दु? सुनां फय्‌यात थःगु ल्‍हातिइ प्‍वःचिनातःगु दु? सुनां समुद्रयात कापतय् च्‍यूगु दु? अले सुनां पृथ्‍वीया लागा कियाब्‍यूगु दु? थ्‍व फुक्‍क सुनां याःगु? छिपिं सुनानं स्‍यूसा व सु खः, वया काय् सु खः जितः धा।

हितोपदेश 9:10

ज्ञानया न्‍हापांगु पलाः धयागु परमप्रभुया भय कायेगु खः। अले पवित्रम्‍हय्‌सित म्‍हसीकेगु हे लिग्‍यां खः।

यशैया 30:11

थ्‍व लँपु त्‍वःति! थ्‍व लँपुं लिहां वा! अले इस्राएलया पवित्र परमेश्‍वरनापं जिमिगु सामना यायेगु दिकी!”

यशैया 57:15

छाय्‌धाःसा सदां म्‍वानाच्‍वनादीम्‍ह, तच्‍वकं मानय् याये बहःम्‍ह, गुम्‍हय्‌सिगु नां पवित्र खः, वय्‌कलं धयादी, “जि दक्‍वसिबय् च्‍वय् पवित्रगु थासय् च्‍वनीम्‍ह खः, तर जि पश्‍चातापी व क्‍वमिलुपिंनापं नं च्‍वनीम्‍ह खः, अले जिं क्‍वमिलुया आत्‍मां छिमित बल्‍लाकाबी, अले पश्‍चातापयागु नुगःयात नं बल्‍लाकाबी।

यशैया 6:10

अनंलि वय्‌कलं जितः धयादिल, छं थुपिं मनूतय्‌गु नुगः छाकाब्‍यु, इमिगु न्‍हाय्‌पं ख्‍वाँय् यानाब्‍यु, अले इमिगु मिखा कां यानाब्‍यु, मखुसा इमिसं मिखां खनी, न्‍हाय्‌पनं ताइ अले न्‍यना, सीकि थुइकी थुकथं इमिगु ल्‍वये लनाः जिपाखे लिहां वइ।”

यशैया 6:3

अले छम्‍हय्‌सिनं मेम्‍हय्‌सित थथे धकाः हालाच्‍वन, “दक्‍व शक्ति दुम्‍ह परमप्रभु, पवित्र, पवित्र, पवित्रम्‍ह खः। वय्‌कःया महिमां फुक्‍क पृथ्‍वीइ जायाच्‍वंगु दु।”

मत्ती 11:27

“बाःनं हे फुक्‍क जिगु ल्‍हातय् तयादीगु खः। काय्‌यात सुनानं म्‍हमस्‍यू, बाःनं जक काय्‌यात म्‍हस्‍यू। अले बाःयात नं सुनानं म्‍हमस्‍यू, काय्‌नं जक स्‍यू। काय्‌नं म्‍हसीका ब्‍यूपिन्‍सं जक बाःयात म्‍हसी।”

मत्ती 16:17

वय्‌कलं वयात धयादिल – “योनाया काय् सिमोन, छ धन्‍य खः, छाय्‌धाःसा छं थ्‍व खँ मनूतय्‌पाखें सय्‌काः धाःगु मखु, बरु स्‍वर्गय् च्‍वनादीम्‍ह जिमि बाःनं हे छन्‍त थ्‍व खँ धाय्‌कादीगु खः।

यूहन्‍ना 17:3

छि छम्‍ह हे जक सत्‍य परमेश्‍वरयात व छिं छ्वयाहयादीम्‍ह येशू ख्रीष्‍टयात म्‍हसीकेगु हे अनन्‍त जीवन खः।

रोमी 11:33

अहो! परमेश्‍वरया धन, ज्ञान व बुद्धि गुलि तःधं! वय्‌कलं यानादीगु न्‍याय थुइकां थुइके मफु। अले वय्‌कःयागु लँपु सीकेत तसकं थाकु।

प्रकाश 3:7

“फिलाडेल्‍फियाय् च्‍वंगु मण्‍डलीयाम्‍ह दूतयात थथे धकाः च्‍वया छ्व – “पवित्रम्‍ह, धात्‍थेंयाम्‍ह, दाऊदयागु ताःचा दुम्‍हय्‌सिनं थथे धयादी – गुम्‍हय्‌सिनं चाय्‌कूगु खापा सुनानं ति फइ मखु, अले तिनाब्‍यूगु खापा चाय्‌के फइ नं मखु।

प्रकाश 4:8

थ्‍व प्‍यम्‍ह जीवात्‍मातय्‌के खुपा खुपा पपू दु, अले दुनेपिने फुक्‍कभनं मिखाया मिखा दु। थुमिसं चच्‍छि न्‍हिच्‍छिं मदिक्‍क थथे म्‍ये हालाच्‍वनी। “पवित्र, पवित्र, पवित्रम्‍ह दक्‍वसिबय् तःधंम्‍ह व शक्ति दुम्‍ह परमप्रभु परमेश्‍वर। वय्‌कः न्‍हापांनिसें दीम्‍ह, आः नं दीम्‍ह, अले लिपा नं दीम्‍ह खः।”