हितोपदेश 3:9 - नेवाः बाइबल

⁹ थःके दुगु धन सम्‍पत्तिं व थःथाय् सःगु न्‍हापांगु बाली छायाः परमप्रभुयात हँ।

हितोपदेश 3:9 ပူးပေါင်းရင်းမြစ်များ

उत्‍पत्ति 28:22

अले जिं धंकागु थ्‍व ल्‍वहं परमेश्‍वरया छेँ जुइ। अले वय्‌कलं बियादीगु न्‍ह्यागुं झिब्‍वय् छब्‍व वय्‌कःयात देछाये।”

२ इतिहास 31:10

सादोकया परिवारयाम्‍ह तःधंम्‍ह पुजाहारी अजर्याहं लिसः बिल, “मनूतय्‌सं थःगु देछा देगलय् छाये हःबलय् निसें जिमित नयेत गाक्‍क दत अले ल्‍यंगु नं दु। परमप्रभु थः प्रजायात सुवाः बियादीगुलिं थुलिमछि ल्‍यंगु नं दु।”

२ इतिहास 31:21

परमप्रभुया देगःया सेवाय् व छु छु ज्‍या वं परमेश्‍वरया देगःया सेवाय् अले व्‍यवस्‍था व आज्ञाया खँय् थः परमेश्‍वरयात मालेत यात, व वं दुनुगलंनिसें यात अले व ताःलात।

भजनसंग्रहया सफू 144:13

झीगु भखारि फुक्‍क कथंयागु अन्‍नं जाइ, झीम्‍ह फै-च्‍वलय् द्वलंद्वः दुगं अप्‍वयावनी। झीगु ख्‍यलय् उपिं लखंलख दइ।

प्रस्‍थान 22:29

“जितः थःगु बुँयागु बाली व दाखरस छायेत लिबाके मते। “छिमिसं थःपिनि न्‍हापां बूपिं काय्‌पिं जिगु निंतिं फ्‍यायेमाः।

प्रस्‍थान 23:16

“थःगु बुँइ सःगु बालीया न्‍हापांगु फल छायाः सामाज्‍याया नखः हँ। “अले दक्‍वसिबय् लिपा थःगु बुँइ सःगु फल खानाः ‘फल खायेगु नखः’ हँ।

प्रस्‍थान 23:19

“छिमिगु बुँइ सःगु दक्‍वसिबय् भिंगु न्‍हापांगु फल परमप्रभु थः परमेश्‍वरया छेँय् हजि। “च्‍वलय्‌चिया मचायात वया मांयागु दुरुइ दय्‌के मते।”

प्रस्‍थान 34:26

“छिमिगु बुँयागु दकलय् भिंगु न्‍हापां सःगु अन्‍न व फल परमप्रभु छिमि परमेश्‍वरयाथाय् हजि। “सुं च्‍वलेचाया मचायात वया मांया दुरुइ दय्‌के मते।”

हितोपदेश 11:25

नुगः मस्‍यासेबीम्‍ह मनूयाके यक्‍व दयावइ, मेपिन्‍त ग्‍वाहालि याइम्‍हय्‌सित, थःत नं ग्‍वाहालि दइ।

हितोपदेश 14:31

सुनां चीमिपिन्‍त क्‍वत्‍यला जुइ, वं थःत दय्‌कूम्‍ह परमेश्‍वरयात क्‍वह्यंकूगु जुइ, सुनां चीमिपिन्‍त हनाबना तइ, वं परमेश्‍वरयात हनाबना तःगु जुइ।

यशैया 43:23

छं होमबलिया निंतिं जिथाय् फै हःगु मदु, न छं थःगु बलिदानं जितः हनाबना याःगु दु। जिं छन्‍त यक्‍व बलिदानत फ्‍वनाः झ्‍यातुगु कु क्‍वबिकागु मदु, न यक्‍व धुपाँय् फ्‍वनाः छन्‍त त्‍यानुचाय्‌कागु दु।

लेवी 19:25

तर न्‍यागूगु दँय् उकियागु फल छिमिसं नये ज्‍यू। अले अप्‍वः फल सयावइ। जि परमप्रभु छिमि परमेश्‍वर खः।

गन्‍ती 15:20

छिमिसं न्‍हापां लःगु बालिं दक्‍वसिबय् न्‍हापां मरि छुइबलय् न्‍हापां छूगु मरियात खलां हःगु बाली थें परमप्रभुयात छायेमाः।

मत्ती 25:17

अथे हे निगू लाख काःम्‍ह च्‍यलं नं व दामं ब्‍यापार यानाः मेगु निगू लाख दां मुंकल।

१ कोरिन्‍थी 16:2

छिमिसं थःम्‍हं कमय् यानागुलिं लिकयाः गुलि बी फु उलि आइतबार पतिकं बियाः मुंका ति। थथे याःसा जि आम्‍कन वयेबलय् भेटी कयाच्‍वने माली मखु।

व्‍यवस्‍था 14:29

अले छुं ब्‍व व सर्बय मदुपिं लेवीया सन्‍तानत, परदेशीत, मांबौ मदुपिं वा भाःत सी धुंकूपिं वयाः प्‍वाजाय्‌क नयेमा, अले परमप्रभु छिमि परमेश्‍वरं छिमिगु फुक्‍क ज्‍याय् छिमित सुवाः बियादीमा।