हितोपदेश 3:7 - नेवाः बाइबल

⁷ थःम्‍हं थःत सःस्‍यू धकाः जुइ मते। परमप्रभुयागु भय का, अले मभिंगु ज्‍या त्‍वःति।

हितोपदेश 3:7 ပူးပေါင်းရင်းမြစ်များ

२ शमूएल 12:20

अनंलि दाऊदं दनावनाः म्‍वःल्‍हुयाः म्‍हय् चिकं बुयाः लं फित। अले वं परमप्रभुया नापलायेगु पालय् वनाः आराधना यात। अनंलि व थःगु छेँ वन, अले वं नयेगु नसा हयेत आज्ञा बिल, नसा तयार जुइ धुंकाः वं नल।

नहेम्‍याह 5:15

अय्‌नं जि स्‍वयाः न्‍हापायापिं राज्‍यपालतय्‌सं मनूतय्‌त क्‍वत्‍यलातःगु खः। अले इमिके मरि, दाखमद्य, अले थुपिंनापं पिइगू शेकेल वहः काइगु। इमि च्‍यःतय्‌सं नं मनूतय्‌त अत्‍याचार याःगु खः। अय्‌नं जिं थथे मयाना, छाय्‌धाःसा जि परमेश्‍वर खनाः ग्‍याः।

अय्‍यूब 1:1

ऊज देशय् अय्‍यूब नांयाम्‍ह छम्‍ह मनू दु। व छुं दोष मदुम्‍ह, स्‍वजाम्‍ह व परमेश्‍वरयागु भय काइम्‍ह मनू खः, अले व मभिंपाखें न्‍ह्याबलें तापाक्‍क हे च्‍वनीगु।

अय्‍यूब 28:28

अले वय्‌कलं मनूयात धयादिल, ‘स्‍व, प्रभुया भय कायेगु हे बुद्धि खः। मभिंगु ज्‍यापाखें तापाक च्‍वनेगु हे दुग्‍यां खः।’”

प्रस्‍थान 20:20

मोशां इमित धाल, “ग्‍याये मते छाय्‌धाःसा परमेश्‍वरं छिमित जाँचय् यायेत, अले वय्‌कःया भय छिमिके दयेमा व छिमिसं पाप मयायेमा धकाः झायादीगु खः।”

हितोपदेश 14:16

बुद्धि दुपिं मनूतय्‌सं परमप्रभुया भय काइ, अले मभिंगु ज्‍यापाखें तापाक हे च्‍वनी। मूर्खत धाःसा हरबरय् चाइपिं व न्‍ह्यागु ज्‍यां बिचाः मयासें हथासं याइपिं जुइ।

हितोपदेश 14:27

परमप्रभुया भय धयागु जीवनया मूल खः, थुकिं मनूतय्‌त मृत्‍युपाखें लित हइ।

हितोपदेश 16:6

विश्‍वास याये बहःम्‍ह जुयाः व गुबलें मफुइगु मायां हे छिमिगु पाप क्षमा जुइ। परमप्रभुया भयं मनूत पापपाखें लिचिली।

हितोपदेश 23:4

तःमि जुइत यक्‍व घ्‍वंघ्‍वंस्‍यानाजुइ मते। बुद्धिमान जुयाः थःत कःघा।

हितोपदेश 26:12

थःम्‍हं थःत बुद्धिमान ताय्‌कीम्‍ह मनू छं खनाः ला? वयागु स्‍वया ला बरु मूर्खम्‍हय्‌सिगु निंतिं यक्‍व आशा दइ।

हितोपदेश 26:5

मूर्खयागु न्‍ह्यसःया लिसः बिल कि वं थःत बुद्धिमान ताय्‌काच्‍वंगु खः हे धकाः च्‍वनी।

हितोपदेश 28:11

तःमिपिं मनूतय्‌सं थःपिन्‍त बुद्धिमान ताय्‌की, तर दुग्‍यां दुपिं चीमिपिं मनूतय्‌सं इमित बांलाक म्‍हसीकी।

हितोपदेश 28:26

थःगु बिचारं जक जुइपिं मनूत मूर्ख खः, सःस्‍यूपिन्‍सं धाःगु खँ न्‍यनीपिं मनूत सुरक्षित जुइ।

हितोपदेश 8:13

परमप्रभुया भय कायेगु धयागु मभिंगु मयय्‌केगु खः। जितः घमण्‍ड याइपिं, तःधंछुइपिं, मभिंगु लँय् जुइपिं व निता भाय् ल्‍हानाजुइपिं मनूत मयः।

उपदेशक 12:13

फुक्‍क खँ न्‍यने धुंकल। खँया लिच्‍वः थ्‍व हे खः, परमेश्‍वरया भय का, अले वय्‌कःया आज्ञायात मानय् या, छाय्‌धाःसा मनूतय्‌सं यायेमाःगु ज्‍या थ्‍व हे खः।

यशैया 5:21

धिक्‍कार इमित, सु थःगु हे मिखाय् बुद्धिमान तायेकी अले थःगु हे मिखाय् चलाख तायेकी।

रोमी 11:25

दाजुकिजापिं, थ्‍व गुप्‍ति खँ थुइकाः छिपिं थथः हे बुद्धिमान जुइगु स्‍वये मते। गुप्‍ति खँ थ्‍व हे खः – गुबलय् तक यहूदीमखुपिनिगु ल्‍याः गाइ मखु अबलय् तक यहूदीतय्‌गु मिखा चाली मखु।

रोमी 12:16

छिपिं फुक्‍कं मिलय् चले जुयाः च्‍वनेगु या। तःधंछु जुइ मते, थःत जक यःथें याना जुइ मते, बरु चिधंपिं नाप बुला जुइगु बानी त्‍वःते मते। गुबलें घमण्‍डी जुइ मते।