हितोपदेश 3:5 - नेवाः बाइबल

⁵ थःगु दुनुगलंनिसें परमेश्‍वरयाके भरोसा ति! थःम्‍हं स्‍यूगु खँय् जक नं जुइ मते।

हितोपदेश 3:5 ပူးပေါင်းရင်းမြစ်များ

एज्रा 8:23

थ्‍व हे खँयात कयाः जिपिं अपसं च्‍वनाः थः परमेश्‍वरयात बिन्‍ति याना, अले वय्‌कलं जिमिगु बिन्‍ति न्‍यनादिल।

अय्‍यूब 13:15

वय्‌कलं जितः स्‍याःसां तबि जिं वय्‌कःयाके भलसा काये। जिं धात्‍थें हे वय्‌कःया न्‍ह्यःने थःगु लँया रक्षा याये।

भजनसंग्रहया सफू 125:1

परमप्रभुयाके भरोसा तइपिं सकलें सियोन पर्वत थें खः, गुकियात संके फइ मखु तर न्‍ह्याबलें दनाच्‍वनी।

भजनसंग्रहया सफू 37:3

परमप्रभुयात विश्‍वास या, अले भिंगु या अले परमेश्‍वरं बियादीगु देशय् च्‍वनाः सुरक्षित जुयाच्‍वँ।

भजनसंग्रहया सफू 37:5

थःगु जीवन परमप्रभुयात लःल्‍हानाब्‍यु, वय्‌कःयात विश्‍वास या, अले वय्‌कलं छन्‍त ग्‍वाहालि यानादी।

भजनसंग्रहया सफू 37:7

सह यानाः परमप्रभुयात पियाच्‍वँ मनूतय्‌सं याना जूगु ज्‍याखँ व इमिगु मभिंगु ग्‍वसाः खनाः हीमी चाये मते।

भजनसंग्रहया सफू 62:8

हे मनूत! वय्‌कःयात न्‍ह्याबलें विश्‍वास या। थःगु नुगः वय्‌कःयात चाय्‌काः क्‍यँ। छाय्‌धाःसा परमेश्‍वर झीगु शरण कायेगु थाय् खः। सेला

हितोपदेश 22:19

परमप्रभुयात विश्‍वास याये फयेमा धकाः थौं जिं थ्‍व खँ छन्‍त स्‍यनाच्‍वना, खः, छन्‍त हे स्‍यनाच्‍वना!

हितोपदेश 23:4

तःमि जुइत यक्‍व घ्‍वंघ्‍वंस्‍यानाजुइ मते। बुद्धिमान जुयाः थःत कःघा।

हितोपदेश 28:26

थःगु बिचारं जक जुइपिं मनूत मूर्ख खः, सःस्‍यूपिन्‍सं धाःगु खँ न्‍यनीपिं मनूत सुरक्षित जुइ।

हितोपदेश 3:7

थःम्‍हं थःत सःस्‍यू धकाः जुइ मते। परमप्रभुयागु भय का, अले मभिंगु ज्‍या त्‍वःति।

यशैया 12:2

परमेश्‍वर धात्‍थें जितः उद्धार याइम्‍ह खः, जिं वय्‌कःयात विश्‍वास याये अले जि छति नं ग्‍याये मखु। परमप्रभु जिगु शक्ति व भजन खः, वय्‌कः हे जिगु निंतिं छुत्‍कारा बीम्‍ह जुयादीगु दु।”

यर्मिया 10:23

हे परमप्रभु, मनूयागु जीवन वयागु थःगु मखु धकाः जिं स्‍यू। मनूतय्‌सं थःगु पलाः थःगु इच्‍छा कथं तयेगु पाय्‌छि मजू।

यर्मिया 9:23

परमप्रभुं थथे धयादी, “बुद्धि दुपिन्‍सं थःगु बुद्धियागु खँय् तःधंछुइ मते, बल्‍लाःपिन्‍सं थःगु बलयागु खँय् तःधंछुइ मते, तःमितय्‌सं थःगु धनयागु खँय् तःधंछुइ मते!

गन्‍ती 9:20

गुबलें गुबलें सुपाँय् छुं दिं जक पवित्र पालया च्‍वय् खने दयाच्‍वनी, न्‍ह्याबलें जूसां इमिसं परमप्रभुया उजंकथं पाल ग्‍वइगु अले वय्‌कःयागु हे उजंकथं इपिं न्‍ह्याःवनीगु।

गन्‍ती 9:22

छुं जुयाः सुपाँय् पवित्र पालया च्‍वय् निन्‍हु, लच्‍छि, दच्‍छि व व स्‍वयाः अप्‍वः तक च्‍वनाच्‍वन धाःसां सुपाँय् दत्तले इपिं न्‍ह्याःवनी मखु। सुपाँय् चिलावनेवं इपिं न्‍ह्याःवनी।

रोमी 12:16

छिपिं फुक्‍कं मिलय् चले जुयाः च्‍वनेगु या। तःधंछु जुइ मते, थःत जक यःथें याना जुइ मते, बरु चिधंपिं नाप बुला जुइगु बानी त्‍वःते मते। गुबलें घमण्‍डी जुइ मते।

एफिसी 1:12

झीपिं ख्रीष्‍टयाके भरोसा तयापिं दक्‍वसिबय् न्‍हापां हे ल्‍ययातःपिं खः। उकिं परमेश्‍वरयात झीसं तःधंके।