हितोपदेश 3:3 - नेवाः बाइबल

³ भक्ति व विश्‍वास गुबलें त्‍वःते मते। थुमित थःगु गःपतय् घाना ति, अले नुगलय् च्‍वयाति।

हितोपदेश 3:3 ပူးပေါင်းရင်းမြစ်များ

२ शमूएल 15:20

छ ला म्‍हिगः तिनि वःम्‍ह खः अले गथे यानाः छन्‍त जिपिंनापं नु धकाः कर यायेगु? जि गन वनेगु जिं हे मस्‍यू। छ थःगु छेँय् हे लिहां हुँ अले छिमि देशय् च्‍वंपिन्‍त नं नापं ब्‍वनायंकि। सदां दयाच्‍वनीगु दयामाया व विश्‍वास यायेबहः छंके दयाच्‍वनेमा।”

भजनसंग्रहया सफू 119:11

छिगु विरोधय् पाप याये म्‍वालेमा धकाः छिगु बचं जिं थःगु नुगलय् तया तयागु दु।

भजनसंग्रहया सफू 25:10

वय्‌कःयागु बाचाकथं जुइपिं व व्‍यवस्‍था मानय् याइपिन्‍त वय्‌कलं गुबलें मफुइगु दया माया व विश्‍वास क्‍यनादी।

भजनसंग्रहया सफू 85:10

सदां दयाच्‍वनीगु दया माया व विश्‍वास थःथवय् मिलय् जूगु दु, धार्मिकता व शान्‍ति थवंथः चुप्‍पा नइ।

प्रस्‍थान 13:9

परमप्रभुया व्‍यवस्‍था छिमिगु म्‍हुतुइ दयेमा धकाः थ्‍व छिमिगु ल्‍हातिइ व कपालय् लुमंकाबीगु चिं थें जुइ, छाय्‌धाःसा परमप्रभुं थःगु शक्तिं जाःगु ल्‍हातिं छिमित मिश्र देशं पित हयादीगु खः।

प्रस्‍थान 34:6

अनंलि परमप्रभु वया न्‍ह्यःने झायाः थथे धकाः धयादिल, “परमप्रभु, परमप्रभु दयादुम्‍ह, सदां दयामाया यानादीम्‍ह, तंचायेत लिबाकादीम्‍ह व तसकं विश्‍वास याये बहःम्‍ह खः।

हितोपदेश 1:9

थ्‍व हे छिमिगु छ्यंया मुकुट व गःपःया सिखः जुइ।

हितोपदेश 14:22

छं मभिंगु ज्‍या यायेगु बिचाः यात धाःसा छं द्वंकाच्‍वन, भिंगु ज्‍या याइपिन्‍सं मेपिनिपाखें हनाबना व माया कायेखनी।

हितोपदेश 16:6

विश्‍वास याये बहःम्‍ह जुयाः व गुबलें मफुइगु मायां हे छिमिगु पाप क्षमा जुइ। परमप्रभुया भयं मनूत पापपाखें लिचिली।

हितोपदेश 20:28

परमेश्‍वरया दया व भलसां हे शासकतय्‌गु शासन बचय् जुयाच्‍वनी।

हितोपदेश 6:21

थुकियात न्‍ह्याबलें थःगु नुगलय् प्‍वःचिनाः ति। अले थःगु गःपतय् घाना ति।

हितोपदेश 7:3

थ्‍वयात थःगु पतिनय् चिना ति, अले नुगःया ग्‍वरलय् च्‍वयाति।

यर्मिया 17:1

“यहूदाया पाप नँयागु ज्‍याभलं कियातःगु दु। अले इमिगु नुगःया ग्‍वरलय् व इमिगु वेदीया नेकुलिइ च्‍वल्‍वहंया च्‍वकां कियातःगु दु।

होशे 4:1

अय् इस्राएलीत, परमप्रभुया वचन न्‍यँ! छाय्‌धाःसा थ्‍व देशय् च्‍वंपिन्‍त परमप्रभुया द्वपं दु – “थ्‍व देशय् विश्‍वास याये बहसू मदु। सदां दइगु दयामाया मदु, व परमेश्‍वरया बारे ज्ञान नं मदु।

मलाकी 2:6

जिं स्‍यनागु सत्‍ययागु खँ इमिगु म्‍हुतुइ हे दु। इमिगु म्‍हुतुसिइ छुं नं मखुगु खँ मदु। इपिं जिलिसें शान्‍त व स्‍वजा जुया जुइ। अले यक्‍वसित पापं फहिकल।

मत्ती 23:23

“शास्‍त्री व फरिसीत, छिमित धिक्‍कार दु। छिपिं निपाः ख्‍वाःपाः दुपिं खः, छाय्‌धाःसा छिमिसं नवःघाँय्, सोँप व जीया झिब्‍वय् छब्‍व परमेश्‍वरयात छाये हइ। अथेसां छिमिसं न्‍याय, दया व विश्‍वास थें ज्‍याःगु व्‍यवस्‍थाया मू खँय् च्‍यूताः मतः। छिमिसं थ्‍व नं मत्‍वःते माःगु खः।

२ कोरिन्‍थी 3:3

छिपिं ख्रीष्‍टं च्‍वयाहःगु पौ खः। अले जिमिगुपाखें छ्वयागु खः। थ्‍व मसिं च्‍वयातःगु पौ मखु, अले ल्‍वहंयागु ग्‍वरलय् च्‍वयातःगु पौ नं मखु। थ्‍व पौ ला मनूतय्‌गु नुगलय् म्‍वाःम्‍ह परमेश्‍वरयागु आत्‍मां च्‍वयातःगु पौ खः।

एफिसी 5:9

थथे प्रभुया जलय् च्‍वंपिन्‍सं भिंगु, परमेश्‍वरयात यःगु व खः खःगु जक याना जुइ।

व्‍यवस्‍था 6:8

उपिं आज्ञा व विधि चिंकथं ल्‍हातय् व कपालय् चिना ति।

हिब्रू 10:16

“परमप्रभुं धयादिल – उबलय् जिं इपिं नाप चीत्‍यनागु बाचा थ्‍व हे खः – जिं थःगु नियम इमिगु मनय् थ्‍यंक तयाबी, अले इमिगु नुगलय् नं च्‍वयाबी।”