हितोपदेश 3:1 - नेवाः बाइबल

¹ हे जिकाय्! जिं स्‍यनागु खँ गुबलें नं ल्‍वःमंके मते। जिगु उजं नुगलय् स्‍वचाका ति।

हितोपदेश 3:1 ပူးပေါင်းရင်းမြစ်များ

भजनसंग्रहया सफू 119:11

छिगु विरोधय् पाप याये म्‍वालेमा धकाः छिगु बचं जिं थःगु नुगलय् तया तयागु दु।

भजनसंग्रहया सफू 119:153

जिगु दुःखयात बिचाः यानाः जितः त्‍वःतकादिसँ। छाय्‌धाःसा छिं स्‍यनातःगु खँयात जिं ल्‍वःमंकागु मदु।

भजनसंग्रहया सफू 119:16

छिगु व्‍यवस्‍था जि लय्‌ताये, छिगु वचनयात जिं ल्‍वःमंके मखु।

भजनसंग्रहया सफू 119:176

तंम्‍ह फै थें जि मखुगु लँय् वनागु दु, छिकपिनि दासयात मालादिसँ, छाय्‌धाःसा जिं छिगु आज्ञा ल्‍वःमंकागु मदु।

भजनसंग्रहया सफू 119:34

छिगु व्‍यवस्‍थाया अर्थ थुइकादिसँ। अले जिं व पालन याये, दुनुगलंनिसें जिं व पालन याये।

भजनसंग्रहया सफू 119:61

दुष्‍टतय्‌सं खिपतं च्‍यूसां जिं छिगु स्‍यनातःगु खँयात ल्‍वःमंके मखु।

भजनसंग्रहया सफू 119:93

जिं गुबलें छिगु उपदेश ल्‍वःमंके मखु, छाय्‌धाःसा छिं उपिंपाखें हे जिगु जीवनयात रक्षा यानादीगु दु।

भजनसंग्रहया सफू 91:16

जिं इमित ताहाःगु आयु बी, जिं इमित बचय् याये।”

प्रस्‍थान 20:6

जितः माया याइपिं व जिगु आज्ञा मानय् याइपिन्‍त धाःसा वया द्वलंद्वः पुस्‍ता तकं जिं दया माया याये।

हितोपदेश 1:8

हे जिकाय्! मांअबुं धाःगु खँ न्‍यँ!

हितोपदेश 16:31

तुयुगु सँ तःजिगु हनाबनाया मुकुट खः, भिंगु ज्‍यां जक थ्‍व चूलाइ।

हितोपदेश 2:1

हे जिकाय्! छं जिगु वचन न्‍यन अले जिगु उजं नुगलय् तल धाःसा,

हितोपदेश 23:26

हे जिमि काय्! थःगु नुगः जितः ब्‍यु। अले थःगु मिखा जिगु लँय् लाकि।

हितोपदेश 31:5

मखुसा इमिसं न्‍याय कानूनया खँ ल्‍वःमंकी, अले क्‍वत्‍यय्‌काः च्‍वनेमाःपिन्‍त न्‍याय बीगु ल्‍वःमंकी।

हितोपदेश 4:2

जिं छिमित भिंगु खँ स्‍यने, उकिं जिगु खँयात ल्‍वःमंके मते।

हितोपदेश 4:21

थुमित थःपाखें गुबलें तापाके मते। थःगु नुगलय् तयाति।

हितोपदेश 4:5

बुद्धि दय्‌कि, लिग्‍यां दय्‌कि। जिगु खँयात ल्‍वःमंके मते, अले फस्‍वयाः वने मते।

हितोपदेश 8:1

न्‍यँ, बुद्धिं सःताच्‍वंगु दु, लिग्‍यानं थःगु सः तस्‍सः यानाच्‍वंगु दु।

हितोपदेश 9:1

बुद्धिं थःगु हे छेँ दय्‌कूगु दु। उकी न्‍हय्‌गः थां दु।

यशैया 51:17

अय् यरूशलेम, दनाः वा, छ गुम्‍हय्‌सिनं परमप्रभुया ल्‍हाःपाखें वय्‌कःया तंया ख्‍वलां त्‍वंगु दु, अले धेधेचुइकीगु ख्‍वलापाखें सुचुक्‍क त्‍वंगु दु, न्‍ह्यलं चाय्‌कि, न्‍ह्यलं चाय्‌कि!

यर्मिया 31:33

“उबलय् जिं इस्राएलया घरानानापं चीत्‍यनागु बाचा थुकथं खः, जिं थःगु नियम इमिगु मनय् तयाबी अले इमिगु नुगलय् च्‍वयाबी। जि इमि परमेश्‍वर जुइ अले इपिं जिम्‍ह मनूत जुइ।

होशे 4:6

जिमि प्रजा जिगु ज्ञान मदुगुलिं नाश जुल। “छिमिसं ज्ञानयात हेला याःगुलिं जिं नं छिमित थः पुजाहारीया ज्‍याय् तये मखु। छिमिसं थः परमेश्‍वरया ब्‍यवस्‍थायात त्‍वःतूगुलिं, जिं नं छिमि काय् म्‍ह्याय्‌पिन्‍त त्‍वःताबी।

व्‍यवस्‍था 4:23

होश या! परमप्रभु छिमि परमेश्‍वरं छिपिंलिसें यानादीगु बाचा ल्‍वःमंके मते! वय्‌कलं दय्‌के मते धकाः धयादीगु छुकियागु नं मूर्ति दय्‌के मते!

व्‍यवस्‍था 4:9

तर बांलाक होश यानाच्‍वँ, छिमिसं मिखां खंगु खँ गुबलें ल्‍वममंकेत होश यानाच्‍वँ अले छिमिसं म्‍वानाच्‍वंतले थुपिं आज्ञा थःगु मनं चिला वंकेबी मते। अले थुपिं आज्ञा थः काय्‌म्‍ह्याय्‌पिं व छय्‌पिन्‍त बीगु पक्‍का या।

व्‍यवस्‍था 5:16

“परमप्रभु छिमि परमेश्‍वरं आज्ञा बियादीगु थें छिमिसं थः मां-बौयात हनाबना या, अले परमेश्‍वरं बीत्‍यंगु देशय् छिपिं ताःई तक म्‍वाइ। अले अन छिमित भिं जुइ।”

व्‍यवस्‍था 5:33

परमप्रभु छिमि परमेश्‍वरं छिमित बियादीगु आज्ञाकथं फुक्‍क लँपुइ हुँ। अले छिमिसं अधिकार यायेगु देशय् छिपिं म्‍वानाच्‍वनी व छिमिगु भिं जुइ, अले छिपिं ताःई तक म्‍वाइ।

व्‍यवस्‍था 8:1

जिं थौं छिमित बियाच्‍वनागु फुक्‍क आज्ञा बांलाक मानय् या। अले छिपिं म्‍वानाः छिमिगु ल्‍याः अप्‍वयावनी। अनंलि परमप्रभु छिमि परमेश्‍वरं छिमि पुर्खायात पाफयाः बी धाःगु देशय् दुहां वनाः उकियात काये फइ।