हितोपदेश 24:7 - नेवाः बाइबल

⁷ मूर्खतय्‌गु निंतिं बुद्धि धयागु तःजाःगु पहाड थें जुइ। ततःधंगु खँय् सहलह जुइबलय् इमिसं छुं हे खँ तये फइ मखु।

हितोपदेश 24:7 ပူးပေါင်းရင်းမြစ်များ

हितोपदेश 14:6

हेबाय्‌चबाय् यानाः ज्ञान मालां गुबलें नं ज्ञान लुइके फइ मखु, तर नुगः क्‍वसाय्‌काः माल धाःसा अःपुक हे लुइ।

भजनसंग्रहया सफू 10:5

दुष्‍ट मनूत थःपिनिगु ज्‍याखँय् न्‍ह्याबलें ताःलाःसां, इमिसं छिगु न्‍यायया खँ थुइके फइ मखु। इमिसं थः शत्रुतय्‌त हिस्‍यानाजुइ।

१ कोरिन्‍थी 2:14

परमेश्‍वरयागु आत्‍मा मदुपिन्‍सं वय्‌कःयागु आत्‍मां बियादीगु खँ काये फइ मखु। अज्‍याःम्‍ह मनुखं थज्‍याःगु खँ थुइके फइ मखु, उकिं थज्‍याःगु खँ वयागु निंतिं मूर्ख खँ जक जुइ। थज्‍याःगु खँ ला परमेश्‍वरया मनूतय्‌सं जक थुइके फइ।

आमोस 5:15

मभिंगु फुक्‍क त्‍वःताछ्व, छु छु भिंगु खः व हे जक यय्‌की। अदालतय् न्‍याय ल्‍यंकाः तयाति, सके दक्‍व शक्ति दुम्‍ह परमप्रभु परमेश्‍वरं योसेफया ल्‍यंदनिपिं मनूतय्‌त दया यानादी ला।

आमोस 5:12

छाय्‌धाःसा छिमिगु द्वंबिद्वं गुलि यक्‍व दु अले छिमिगु पाप गुलि तःधं धकाः जिं स्‍यू। छिमिसं धर्मीपिन्‍त दुःख बी अले घुस काइ, अदालतय् गरीबतय्‌गु न्‍याय स्‍यंकूगु दु।

आमोस 5:10

इमान्‍दारपिं न्‍यायधीसतय्‌त छिमिसं तच्‍वकं मयय्‌कूगु दु, अले खःगु सत्‍य खँ ल्‍हाइपिन्‍त नं क्‍वह्यंकूगु दु।

यशैया 29:21

सुनां मनूतय्‌त खँ ल्‍हानाः दोपं बियाच्‍वनी अले अड्डाय् मेगु पक्षयाम्‍हय्‌सित जालय् क्‍यंकी अले दोष मदुम्‍हय्‌सित न्‍याय यायेबलय् मखुगु साक्षी बियाः न्‍यायपाखें तापाकाबी।

हितोपदेश 22:22

चीमिपिन्‍त फत धकाः क्‍वत्‍यले मते। हाःनाः मदुपिन्‍त अदालतय् ध्‍वंलाये मते।

हितोपदेश 17:24

बुद्धि दुपिन्‍सं छु याःसा बांलाइ धकाः सी, तर मूर्खतय्‌सं थःगु मिखा न्‍ह्याबलें उखेंथुखें चाहिकाच्‍वनी।

हितोपदेश 15:24

बुद्धि दुपिन्‍सं लीगु लं इमित च्‍वजाःगु जीवनपाखे न्‍ह्याकी, अले मृत्‍युपाखें तापाक यंकी।

अय्‍यूब 31:21

अदालतय् जितः ग्‍वाहालि याइम्‍ह दुगु खनाः जिं मांबौ मदुपिन्‍त ल्‍हाः ल्‍ह्वनागु दु ला?

अय्‍यूब 5:4

वया मस्‍त गुबलें सुरक्षित जुइ मखु। अदालतय् इमित क्‍वत्‍यकेबीगु। अदालतय् इमित बचय् याइपिं सुं मदुगु जिं खना।

भजनसंग्रहया सफू 127:5

धन्‍य खः व मनू, गुम्‍हय्‌सिया यक्‍व काय्‌पिं दइ। न्‍याय याइगु थासय् थः शत्रुतनापं सामना यायेमालीबलय् शत्रुतय्‌सं वयात गुबलें बुकी मखु।

हितोपदेश 17:7

तःधंपिं मनूतय्‌त मखुगु खँ ल्‍हायेगु मल्‍वः, मूर्खतय्‌गु म्‍हुतुं भिंगु खँ ल्‍हाइगु मल्‍वः।

हितोपदेश 17:16

मूर्खतय्‌सं आखः सय्‌केत धिबा फुकेगु सितिं खः, छाय्‌धाःसा इमिके आखः सय्‌केगु मन हे मदु।

यशैया 32:6

छाय्‌धाःसा मूर्ख मनुखं मूर्ख हे जक खँ ल्‍हाना जुइ, अले वयागु मन मभिंगु ज्‍या यायां हे लिलाइ मखु, वं अधर्मया ज्‍या याइ अले परमप्रभुया खँय् धाःसा मखुगु खँ न्‍यंका जुइ। वं नये पित्‍याःपिन्‍त खालिगु ल्‍हातं हे लित छ्वइ। अले प्‍याःचाःपिनिगु निंतिं लः नं बी मखु।

हितोपदेश 28:5

दुष्‍ट मनूतय्‌सं न्‍याय धयागु छु धकाः सी मखु, परमप्रभुयात मानय् याइपिन्‍सं थ्‍व खँ बांलाक सी।

हितोपदेश 31:23

वया भाःतयात शहरया तःधंपिं मनूत मध्‍ये छम्‍ह धकाः सकसिनं म्‍हसीकी।